fríggjadagur 13. juli 2012síða 56

vika 29 l 16. juli 2012 8 vikustjórin Klæðir kvinnur til ólavsøku - Nú ólavsøkan stundar til, vænta vit nógv fólk á gátt. Øll eru hjartaliga vælkomin, og vit hava eitt stórt útboð til allar aldursbólkar, siga tær báðar, Heibrith Jacobsen og Vagna Margitardóttir, sum eiga og reka Klivan í Niels Finsensgøtu í Havn Vilmund Jacobsen Tað eru Heibrith Jacobsen og Vagna Margitardóttir, ið eiga og reka handilin Klivan, sum húsast á umleið 100 fermetrum í Niels Finsensgøtu 18 í Havn. Hetta er undir somu lon, sum Thomas Dam Búnýti og blómuhandilin Akkuleya eru. Upprunaliga var tað Katrin í Gongini, sum byrjaði handilin fyri um­ leið 25 árum síðan. Hon hevði havt Klivan í eini 5-7 ár, tá Heibrith byrjaði at ar­beiða hjá henni, og øll árini síðan – ella í næstan 19 ár tilsamans – hevur Klivin verið arbeiðsplássið hjá henni. Fyri hálvum áttanda ári síðan keyptu Heibrith og Vagna Klivan, sum tá var í SMS, har handilin eisini hevði verið síðan byrjan. Í oktober í ár verða fýra ár, síðan handilin flutti úr SMS og oman í hølini í Niels Finsensgøtu í Havn. Heibrith og Vagna komu at kennast, tá tær báðar arbeiddu hjá Feðgum í SMS í 1986. Tá vóru tær ávikavist 22 og 19 ára gamlar. Seinni arbeiddu tær báð­ar eisini saman í Klivanum, meðan Katrin átti handilin. Tað var, meðan Vagna var heimagangandi í eitt ár, at Katrin í Gongini fór at tosa um, at hon kundi hugsað sær at selt handilin. – Vit báðar avgjørdu at keypa Klivan saman og hava átt og rikið hand­ilin síðan, sigur Heibrith. Ljósareyð leðurslips Báðar minnast tær til tíðina í átta­ ti­ár­unum, tá tær arbeiddu saman í Feðgum. – Eitt nú minnast vit sera væl til smølu ljósareyðu leðurslipsini, sum vóru partur av útboðnum hjá handl­ inum. Í dag halda vit, at hesi slips vóru ljót, men tá vóru tey smørt og vøkur, siga tær. – Ja, eg minnist, at eg sjálv keypti manni mínum eitt slíkt slips, leggur Heibrith brosandi aftrat. Tað vóru eisini einstakar kvinnur, sum keyptu hesi slips at brúka. Heibrith sigur, at hóast árini í Klivanum nú tátta í 19, dámar henni fram­vegis líka væl. – Jú, hetta er tað, mær dámar. Eg haldi ikki, at eg hevði trivist á eini skriv­stovu, men ferðavinnan tykir mær áhuga­verd. Vit vóru í SMS eini 3-4 ár, eftir at vit keyptu handilin, men okkum dámar betri niðri í býnum. Her hava vit útsýni, og her síggja vit árstíðirnar, sigur Heibrith Jacobsen. Klæðir til allar Vagna Margitardóttir sigur, at Klivin hevur eitt stórt útboð av klæðum til kvinnur í øllum aldursbólkum – heilt úr umleið 14 árum og upp til tær eldru damurnar. Haraftrat selja tær eis­ini skógvar og serliga stivlar til kvinnur. – Vit keyptu Klivan, tí vit hildu – og halda framvegis – at merk­ini í út­ boðnum eru góð og áhuga­verd. Sjálv­ andi hava vit tillagað klædna­vør­urnar, soleiðis sum vit halda, at tað er best, og her eru bæði bílig og dýrari klæði. Vagna sigur, at Klivin selur øll klæði til kvinnur, bæði til gerandisligt og til fínari høvi, og her eru eisini smart og spennandi mótaklæði. Men undir­klæði eru ikki við í konseptinum hjá teimum. – Í sínari tíð seldu vit eisini undir­ klæði, men tað krevur nógv at hava klæðir frá innast til uttast. Vit halda ikki, at tað riggar so væl at selja bæði, og tí selja vit bara tey ytru klæðini til kroppin. Bæði Heibrith og Vagna hava før­ leikan til at klæða eina gentu, kvinnu ella eldri damu. – Fyri hálvum øðrum ári síðan tóku vit báðar tað, sum rópt verður style- coach útbúgving í Danmark. Hetta er ein útbúgving, sum fevnir yvir fýra mánaðir, har nógv er at gera undir lestrinum. Vit vóru eisini í Danmark eina ferð um mánaðin hesar fýra mán­að­irnar. Ein slík útbúgving snýr seg eitt nú um sonevndu kjarnuna hjá hvørj­um einstøkum menniskja. Hvør hevur sín kropsbygnað, og øll eru eitt ella annað slag av menniskja. Vagna vísir á, at klæðir í stóran mun snúgva seg um, hvussu tú dugir at seta tey saman – ella, hvussu tú dugir at »miksa« klæðini. – Klæðir kunnu ofta miksast á ym­ iskan hátt og fyri tann, sum keypir, er umráðandi, at klæðini kunnu brúkast – ikki bara einaferð – men nógvar ferð­ir. Ofta skal so lítið til sum bara ein onnur smúkka ella einir aðrir skógv­ar fyri, at klæðini síggja øðrvísi út enn áður. Klivin selur ymisk klædnamerki til ymiskar aldursbólkar, men handilin hevur eisini merkir, sum allar kvinnur kunnu brúka. – Úr rúgvuni kunnu vit nevna merk­ ið Bitte Kai Rand, sum meiri er til ta tilkomnu kvinnuna. Onnur merki eru Day og Plus Fine. Saint Tropez er eitt merki av bíligara klassanum, sum ser­ liga vendir sær til gentuna og ungu kvinnuna. Av stivlum hevur Klivin eitt nú spanska merkið, Sanchoboots. At seta saman Heibrith Jacobsen sigur, at eitt er at lata seg í eftir aldrinum, sum ikki er so aktuelt longur, tí øll ganga at kalla í øllum, men til ber saktans at seta klæðir ymiskt saman, soleiðis at tey kunnu brúkast til flestu aldursbólkar. – Nú ólavsøkan stundar til, vænta vit nógv fólk á gátt. Øll eru hjartaliga væl­komin, og vit hava eitt stórt út­ boð til allar aldursbólkar, siga tær báð­ar, Heibrith Jacobsen og Vagna Margitardóttir. Klivin hevur opið frá mánadegi til hósdag frá klokkan 10-17.30, fríggja­dag frá 10-18 og leygardag frá klokkan 10-14. Fakta: Navn: Heibrith Jacobsen Aldur: 47 ár Børn: 3 og 4 ommubørn Navn: Vagna Margitardóttir Aldur: 44 ár Børn: 2 Størv: Handilseigarar (Klivin) Tær hava átt og rikið klædnahandilin Klivan í hálvt áttanda ár, og teimum dámar væl at handla í miðbýnum í Havn. – Her hava vit útsýni, og her síggja vit árstíðirnar, siga tær Mynd: Vilmund Jacobsen Klivin hevur eitt stórt útboð av klæðum til kvinnur í øllum aldurs- bólkum