fríggjadagur 13. juli 2012síða 82

vika 29 l 16. juli 2012 34 OL-blaðið Vit ynskja Pál Joensen góða eydnu við OL luttøkuni í London í summar trygging.fo Tríggir menn hava vunnið gullmerki í somu ein­staklinga­ ítrótt fýra olympiskar summarleikir á rað. Teir eru danski finnjollusiglarin, Paul Elvstrøm, frá 1948 til 1960, ameri­ kanski klingruvarparin, Al Oerter, frá 1956 til 1968, og amerikanski longdarleyparin, Carl Lewis, frá 1984 til 1996. Grikkaland er einasta land, sum hevur kappast undir sínum egna flaggi á øllum summarleikum higartil. Tá vit tosa um føroyingar í olympiskum høpi, hugsa tey flestu sjálvandi um Katrin Olsen, sum var við til OL í Beijing í 2008, og Pál Joensen, sum nú skal til OL í London, men har er ein føroyingur aftrat, ið bæði var við í Beijing og skal við til London. Tað er Schandorff Vang, sum dømdi í boga­ skjótingina í 2008 og aftur skal gera tað nú, eins og hann í 2000 var við til paralympisku leikirnar í Sydney. – Olympisku leikirnir eru tað størsta, tú kanst sleppa at døma, og tað er eisini tað, øll fara eftir. Bara tað, at koma so langt, er eitt avrik í sjálvum sær, og tað eri eg eisini errin av. Men so skal eisini sigast, at ta løt­una, kappingin er í gongd, er tað ikki øðrvísi enn at døma eina vanliga kapp­ing her heima í Føroyum, sigur Schandorff, ið seinnu árini hevur gjørt nógv við dømingina. Hann dylur heldur ikki fyri, at tað í ein ávísan mun ræður um, at tú ikki krógvar teg burtur, um tú skalt gera teg galdandi í dømingini, tí avrikini verða alla tíðina vigað, og tað eru altso bara tey bestu, ið sleppa við til tær stóru kappingarnar. Dómararnir í olympisku leikunum eru 13 í tali, harav ein er formaður ella høvuðsdómari, og hesir koma úr øllum heiminum. Og Schandorff sigur, at ert tú ikki dugnaligur, sleppur tú bara ikki við. Mugu halda seg til – Umframt at hugt verður eftir, hvussu fólk døma, so telur eisini nógv, hvussu tú riggar saman við øðrum fólkum, tí tað sosiala vigar eisini nógv. Tað er heildin, sum er avgerandi, og tí nytt­ ar einki, um tú bara heldur teg fyri teg sjálvan og ikki ert við, tá mál verða vend og støða skal takast til ymiskt, ið kann stinga seg upp, sigur Schandorff. Hann sigur seg eisini hava lagt til merkis, at er tað onkur millum dóm­ ararnar, ið ikki heldur seg framat og ikki er uppií, so er viðkomandi heldur ikki við, tá avtornar. – Hinvegin mást tú tora at bjóða teg fram og halda teg til, og eitt nú skalt tú tora at bjóða teg fram sum formaður í teimum stóru kapp­ ingunum. Sjálvur havi eg til dømis verið formaður í fleiri størri kappingum, millum annað tvær ferðir í Turkalandi, so umframt at tað gevur royndir, vísir tað eisini, at hetta er nakað, sum eg fegin vil, sigur hann. Nú OL í London er á skránni, skal Schandorff Vang møta nakrar dagar áðrenn, so stundir eru at kanna eftir, um breytirnar eru í lagi og um­støð­ urnar annars lúka tey krøv, ið verða sett. Og av tí at olympisku leikirnir í stóran mun snúgva seg um miðlar og sjónvarping, skulu tey tingini eis­ini gjøgnumgangast, áðrenn kapp­ingar­ nar byrja. Skjóta bara recurve Meðan føroysku kappingarnar fevna um bæði recurve- og compundskjóting, so er er bara recurveskjóting á olymp­ isku leikunum, har 64 kvinnur og 64 menn kappast. Talan er eisini bæði um einstaklingakapping og liðkapping, so dystirnir eru nógvir í tali, og tí gongur kappingin í bogaskjóting yvir fleiri dagar. – At bara recurveskjóting er í OL, stendst fyrst og fremst av, at fleiri heiðursmerki fáast ikki til boga­ skjóting, og skulu heiðursmerki eis­ini vera til compoundskjóting, má lið­ skjót­ingin sleppast, og tí er áhugi ikki fyri, sigur Schandorff, ið eisini vísir á, at kappingin hevði verið fýra ella fimm dagar drúgvari, um compound var aftrat, tí skotið verður á teimum somu breytunum. – Fyri at compoundskjúttarnir allíka­væl skulu hava okkurt serligt at gleða seg til og síggja fram til, verður skipað fyri einari aðrari kapp­ing, ið rópast World Games, har recurve­ skjóting ikki er við, men bara com­ pound. Hinvegin hevur uppskot verið um at tikið compound við í vetrar-OL, kanska sum innandura skjóting, men tað hevur heldur ikki vunnið frama, tí framvegis hevði verið trupult at fingið heiðursmerki til tað, uttan at tikið burturav onkra aðrastaðni. Skjúttarnir, sum eru við í OL, eru teir bestu í heiminum, og und­an summarleikunum hava teir í hálvt­ annað ár ella so verið við í nógvum kappingum, har teir hava savnað sær neyðugu stigini, so teir kunnu sleppa við til OL. Tá talan er um bestu skjúttarnar, so er talan eisini um bestu dómararnar, so har kunnu vit føroyingar breggja okkum av, at vit umvegis Schandorff Vang sleppa upp í part – enntá aðru summarleikirnar á rað! hilmarjan@sosialurin.fo Schandorff Vang var við til paralympisku leikirnar í Sydney í 2000 og olympisku leikirnar í Beijing í 2008, so nú hann í næstum fer til OL í London sum dómari, er tað hansara triðja ferð í olympiskum høpi Olympiski dómarin