mánadagur 16. juli 2012síða 2

Mánadagur 16. juli 2012 · Nr. 81 Oddagrein mánadagsblaðið Tá ið løgmaður um knappar tvær vikur fer at halda ólavsøkurøðuna, eigur hann at boða frá, at landsins leiðsla miðvíst fer at gera nakað við vaksandi fráflytingina og mink­ andi fólkatalið her í Føroyum. Um løgmaður ikki hevur eina ætl­an fyri, hvussu tað skal gerast, eig­ur hann í øllum førum at gera greitt, at ein verulig – og ítøkilig – ætlan longu í hesum árinum verður fyri­ reikað og sett í verk. Sosialurin hevur seinastu vik­ una við tølum, talvum, greinum og samrøðum víst á, hvussu álvarsamur trupulleikin við fráflytingini og minkandi fólkatalinum er. Tað snýr seg um framtíðina og vælferðina hjá okkum øllum, og ein veruligur og miðvísur innsatsur skal til fyri at venda gongdini og snara aft­ urgongd og dapurskygni til fram­ gongd og framburð. Løgmaður hevur roynt at fyri­ hildið seg til trupulleikan. Tað gjørdi hann í samrøðu við Sosial­ in fyri viku síðani. Útsangir hans­ ara um fólkaminkingina vóru tó merktar av undanførslum og um­ beringum fyri, at landið bløðir fólk. Løgmaður segði, at onnur út­ jaðara­øki hava sama trupulleika, og har hava politikarar heldur ikki megnað at gera nakað við skeivu gongdina. Hann segði eisini, at landsstýrið longu hevur sett í verk onkur átøk fyri at minka um fráflytingina – millum annað nýggja skattaskipan. Eisini vísti hann á búskaparvøkstur, lágt arbeiðs­loysi og fleiri arbeiðspláss í høv­uðs­vinnuni. Løgmaður hevur rætt í, at gongd­ in í samfelagnum er betri nú, enn hon hevur verið, og ein skattalætti er í prinsippinum ein bati, hóast nýggja skattaskipanin í stóran mun leskaði tey, sum eru væl fyri, og tey, sum arbeiða nógv. Men er hetta nóg mikið? Verður nú bíðað eftir úrslitunum, sum ikki hava víst seg enn, sum Fólkaflokkurin tekur til? Í ólavsøkurøðu síni eigur løg­ mað­ur at gera púra greitt, at Føroyar hava eina avgerandi avbjóðing í at minka um fráflytingina og fáa vøkst­ur í fólkatalið aftur, áðrenn vit veruliga koma inn í eina ónda ringrás, og gongdin ikki vendist. Tað skal løgmaður gera uttan und­ an­førslur og umberingar. Hann skal stilla seg í front sum ein leiðari fyri landið og fólkið og boða frá, at land­ sins leiðsla tekur trupulleikan í stór­ um álvara, og hann skal ítøkiliga leggja fram í yvirskriftum, hvørji átøk samgongan ætlar at spæla út við fyri at venda gongdini. Kom nú løgmaður! Løgmaður eigur at boða frá, at hann fer at gera nakað við vaksandi fráflytingina – Eg fái ikki eyga á tørvin á eini flogruti til og úr Før­ oyum við farmi burtur­av. Tað sigur Magni Arge, stjóri í Atlantsflogi. Nakað síðani var frammi, at arbeitt verur við at stovna eina flogrutu til og úr Føroyum við farmi. Sagt varð eisini, at At­ lantsflog skuldi var við í eini slíkari ætlan. Men tað er Atlantsflog ikki, sigur stjórin. Hann sigur, at sum marknaðurin er nú, dugir hann ikki at síggja tørvin á eini loftvegin farmarutu til og úr Føroyum. Hann sigur, at longu sum er, hevur Atlantsflog rættiliga góðar møguleikar at flyta farm. – Nú vit hava fingið nýggja loftbussin, kunnu vit flyta eini fýra tons av farmi um dagin ímillum Føroyar og út­heimin, sigur hann. Men hann sigur, at tað er ikki meiri enn eitt sløg av farmi, sum Atlantsflog at flyta. Tí dugir hann ikki at síggja, at tørvur er á eini bein­leiðis flogrutu til farm burt­ur av, soleiðis, sum støð­an er nú. – Men áhugin er veks- andi, leggur hann kortini afturat. – Eg havi ikki sæð eina verkætlan av hesum slagi sum ber seg, leggur hann aft­urat. Hann sigur, at tað mun­ andi dýrari at flyta farm loft­vegis, heldur enn sjó­veg­ is, so skal talan verða um at útflyta fisk við farma­ flogførum, er helst talan um tann dýrasta fiskin til tann marknaðin, sum krevur spillfeskan fisk. Ikki tørvur á farmaflúgving Kom nú løgmaður! Jústinues Leivsson Eides­ gaard, journalistur og rit­ høv­undur, helt røðu á Vest­ anstevnu um vikuskiftið. Í røðuni viðgjørdi hann eisini heita kjakið um misnýtslu av børnum, sum serliga hev­ ur veri ðá Facebook sein­astu vikuna. – Vit eru eitt fantastiskt fólk og hóast tað hava vit eina óvirðiliga fólkasjúku í landinum, har okkara minstu borgarar, børnini, ikki kunnu kenna seg trygg fyri vaksnum, ið hava fingið ein forkvaklaðan sexualitet. Her tørvar okkum eina moralska sjálvrann­sakan, segði Jústinus Leivsson Eid­ es­gaard í røðuni. – Kristin uppaling og sið­venja steðgar ikki slíkum óhuga­ligum mis­brúki. Tað er gleðiligt, at samfelagið nú er vaknað og fer at veita mis­nýtt­um børnum ti­lboð um við­gerð og hjálp. Her  til er málið bert hálvt. Misnýtarin slepp­ ur vanliga snikkaleysur ella fær eina súmbolska fongsulsrevsing. Men hann verður ikki tvung­in í eina viðgerð og kem­ur út aftur og er sami vandi fyri børn, sum hann var áðrenn hann fór inn at sita, um hann nakrantíð kem­ur so lagt. – Misnýtarin eigur at tvingast í viðgerð, soleiðis at hann ikki er til vanda fyri børn í framtíðini. Og eydn­ ast viðgerðin ikki, verða vit noydd at inni­sperra hann, til vandin er av. Vit kunnu ikki hava fólk leys­gang­andi úti í sam­felag­num, sum eru ein hótt­an móti okkara børn­um, segði Júst­in­us Leivs­son Eides­gaard. Tørva moralska sjálvrannsakan Ódámligt at reingja sannleikan Marin Katrina Frýdal Kjak á síðu 23 Øtist um face­ book við­ merkingar Durita Brattaberg Kjak á síðu 23 Hugskot og viðmerkingar – send sms til 225000 Dagsins redaktørur: Eyðun Klakstein Eyðun Klakstein eydun@sosialurin.fo Stovnaður: 1927 Ábyrgdarblaðstjóri: Eirikur Lindenskov eirikur@sosialurin.fo Útgevari: Sp/f Sosialurin Uppseting: Sosialurin Prent: Prentmiðstøðin Avgreiðsla: mán - frí kl. 08.00 - 16.00 Marknaðardeild lysing@sosialurin.fo Tórshavn Tórsgøta 1, Postboks 76, 100 Tórshavn tel. 341800, fax 341801, post@sosialurin.fo Norðoyggjar Nólsoyar Pálsgøta 1, 700 Klaksvík tel. 458686 fax 458687, klaksvik@sosialurin.fo Suðuroy tel. 375364, fax 375464, tel. 228814, aki@sosialurin.fo, dagfinn@sosialurin.fo Haldarar, sum ikki hava fingið blaðið, kunnu ringja tel. 341818 frá kl. 8.00 til 20.00 og boða frá. Tel. 341800 www.sosialurin.fo