fríggjadagur 20. juli 2012síða 44

nr. 83 ·20. juli 2012 12 VIKUSKIFTI GRANSKING Rólant Waag Dam rolant@sosialurin.fo Granskingardepilin. Granskaralund. Granskarasetrið. Ætlanirnar hava verið mangar og orðini uppaftur fleiri, men nú verður verkætlanin veruleiki. Í hølunum á Hálsi í Havn, har Rúsan plagdi at halda til, inntil bygningurin varð fongdur við blámusoppi, hava hundraðtals føroyingar hava havt sína dagligu gongd hvønn dag síðani Rúsdrekkasøla Landsins lat upp í 1992, men um dagarnar eru tað tilsamans 20 handverkarar og verkfrøðingar, ið ganga í hølunum á Hoydalsvegi 51, har teir geva nýggju Granskaraparkini skap. Synergi og sparring Við árslok 2010 var greitt, at nú var »Næstan klárt til gransking«, sum Sosialurin skrivaði tann 29. desember fyri góðum hálvum øðrum ári síðani. Tá var bygningurin júst umvældur og blámusoppurin fingin út. Í dag verður bygningurin ikki umvældur, men umbygdur, og arbeiðið við at gera nýggju granskaraparkina koyrir við fullari ferð. Tað er Verkfrøðingastovan, ið hevur projekterað arbeiðið, Búsetur stendur fyri umbyggingini, LM Electric ger el-arbeiðið og Demich ger hvs- arbeiðið. – Tá eg kom heim til Føroya og sá, hvussu langt var komið við arbeiðinum, gjørdist eg púra ovfarin. Sjálvandi skuldi arbeiði vera farið í gongd, men tað var fantastiskt at síggja, at nú er hol komið á verkætlanina, sum so nógv hava tosað um í so langa tíð, greiðir Regin W. Dalsgaard frá, formaðurin í Vinnuframa, sum eigur bygningin, har gamla Rúsan helt til og komandi granskaraparkin kemur at vera. Sambært Regini verður talan um eina toppmodernaða granskarapark á støði við tær, vit kenna frá umheiminum. Regin leggur dent á, at hann ikki er granskari sjálvur, men at fakfólk hava verið við í verkætlanini frá byrjan av. – Vit skapa karmarnar, og so eru tað privat feløg, sum skulu inn og brúka granskaraparkina. Hetta verður at rokna sum eitt hotel, har feløg og fyritøkur leiga seg inn. Tí hava vit eisini havt vinnuna við frá byrjan, soleiðis at umstøðurnar eru optimalar, vísir Regin W. Dalsgaard á. Hann nevnir sum dømi, at Hotel Føroyar hevur verið hevur við í tí partinum av granskaraparkini, sum skal vera ein køkur og har føroysk gastronomi verður ment. Aftrat hasum skal granskaraparkin eisini fevna um DNA-royndarstovu, auditorium, ms- tól og so framvegis. Stutt sagt skal tað vera møguligt at hava undirvísing, gransking, íverksetan og sparring undir somu lon, har ein synergi effekt millum teir ymsu fakbólkarnar skal stimbra hugin og lyfta støði. Tað verður Inova, sum skal standa fyri dagliga rakstrinum av granskingardeplinum. Inova er eitt samtak har nøkur av størstu føroysku feløgunum eru í. Jógvan Jespersen, formaður í felagnum Nótaskipum, er nevndarformaður í samtakinum. Umframt Felagið Nótaskip, har Jógvan Jespersen er stjóri, eru Fiskaaling, Marine Harvest, Bakkafrost, Luna, Tavan, MBM, Havsbrún, TF Holding og Framtak við í Inova. Tíggju milliónir krónur eru settar av at byggja granskingarparkina fyri. Tað er nakað væl minni, enn landsstýrið ætlaði at játta fyri nøkrum árum síðan. Tá var talan um einar 80 milliónir krónur. Granskingarparkin verður ætlandi klár at taka í nýtslu í oktober. Rúsan verður granskarapark Gamla Rúsdrekkasølan á Hálsi í Havn verður karmur um nýggju Granskaraparkina, sum verður liðug í oktober. Men hvussu verður ein rúsdrekkasøla til eina granskarapark, og hvat er ein granskarapark yvirhøvur? Regin W. Dalsgaard hevur víst Sosialinum runt á byggiplássinum og greitt frá ætlanunum Myndir: Rebekka Rafael Soleiðis sær gamla inngongdin til Rúsuna út í hesum døgum