fríggjadagur 20. juli 2012síða 66

vika 30 l 23. juli 2012 18 Ólavsøka 2012 Vikutema Jóannes Hansen Politiski nýggjársdagurin er ólavsøku­ dagur. Stýrisskipanarlógin sigur so­ leiðis: § 10. Løgtingssetan byrjar ólav­ søkudag og heldur á til ólavsøkudag árið eftir. Stk. 2. Ólavsøkudag ganga løg­ tings­formaður, løgtingsmenn, løg­ maður, landsstýrismenn og embætis­ menn skrúðgongu úr tinginum í dóm­kirkj­una, har gudstænasta verð­ur hildin, og síðan aftur í tingið. Løg­ tingsformaðurin ger av, hvørjir em­ bætis­menn eru við í skrúðgonguni, og hvussu gongan er skipað. Stk. 3. Løgtingið verður sett aftur ólav­søkudag kl. 13.00. Inntil galdandi stýrisskipanarlóg varð sett í gildi miðskeiðis í níti árun­ um, var tað ikki loyvt tinginum at ar­ beiða sunnudag og halgidagar. Í gald­ andi stýrisskipanarlóg verður einki sagt um tað, at tað ikki er loyvt ting­ inum at arbeiða sunnudag og halgi­ dagar, men í tingskipanini verður sagt soleiðis: § 60 Løgtingsfundir og nevnd­ ar­fundir verða ikki hildnir sunnu- og halgidagar (ólavsøkudagur undantikin) og yrkadagar eftir kl. 22.00, uttan so er, at serligar umstøður gera tað neyðugt. At tað inntil miðskeiðis í níti áru­ num ikki var loyvt at arbeiða sunnudag bar við sær, at tá ið ólavsøkudagur var sunnudag, so var skrúðgongan, sum hon plagar at vera ólavsøkudag, men tingið varð ikki sett fyrrenn eftir ólavsøku. Í álitinum, sum var grundarlagið undir nýggju stýrisskipanarlógini, var hesin spurningurin viðgjørdur, og tá varð sagt soleiðis: Nevndin hevur ikki endurtikið 2. punkt í galdandi grein 7, stk. 1, um, at løgtingið verður sett dagin eftir, um ólavsøkudagurin er sunnudagur, tá ið tað ikki kann haldast at ganga ímóti kristna grundarlagi føroyinga at halda henda serliga hátíðarliga tingfund sunnudag vegna tess, at gudstænasta verður hildin fyrst, og einki politiskt tjak fer farm henda dag, men bert løgmansrøðan um støðu landsins verður hildin. Fyri 22 árum síðani Seinasta ferðin, at tað ikki var løg­ tingsfundur ólavsøkudag, var í 1990. Tað árið varð tingið sett mánadagin 30. juli klokkan 13, tá ið Jógvan Sund­ stein, sum tá var løgmaður, helt løg­ mansrøðu fyri aðru og seinastu ferð. Henda dagin var politiski mynd­ ug­leikin saman við prestum og em­ bætismonnum í kirkju og skrúðgongu úr og niðan undir aftur tinghúsið, og saman við øllum øðrum lýddu politik­ ararnir á kórsangin. Tá varð tað mett at vera lítið hóskandi og ikki sørt snópisligt, at politikararnir ikki fóru inn í tingsalin og hoyrdu røðuna hjá løg­manni, og at teir noyddust til arbeiðis longu klokkan 13 dagin eftir ólavsøkudag. Fýra eru framvegis í tinginum, sum eisini vóru í tinginum, tá ið tingið varð sett mándagin 30. juli 1990 og ikki ólavsøkudag 29. juli fyri 22 ár­ um síðani. Teir eru Jógvan á Lakjuni, Ed­mund Joensen, Poul Michelsen og Henrik Old. Tingið til arbeiðis sunnudag Stýrisskipanarlógin sigur, at tað er ikki loyvt løgtinginum at arbeiða sunnudag, men síðani 1995 hevur loyvi verið at arbeiða ólavsøkudag, hóast hann er sunnudagur Tað var ikki loyvt at arbeiða sunnudag, tá ið ólavsøkudagur var sunnudag, so var skrúðgongan sum hon plagar at vera ólavsøkudag, men tingið varð ikki sett fyrrenn eftir ólavsøku