fríggjadagur 20. juli 2012síða 86

vika 30 l 23. juli 2012 38 Ólavsøka 2012 Vikutema Jóannes Hansen Tá ið síðsta 10-mannafarið er farið um málið ólavsøkuaftan, og síðsta skotið er brostið undir Skipafelagnum, so er punktum sett fyri 40 ár í FM kappróðri í tí líki, sum tað framvegis verður kappast. Tað var undan kappingarárinum í 1973, at avgerð varð tikin um, at reglurnar viðvíkjandi FM í kappróðri skuldu broytast. Tað hevði verið kapp­ ast um FM síðani 1964. Fram til og við 1972 var FM avgjørt einsunnudag í august, tá ið tað varð skipað fyri FM kappróðri á einum staði. Nýggja skipanin bar við sær, at nú skuldu allar stevnurnar telja við í kappingini um FM. Fremsti báturin á hvørjari stevnu skuldi lønast við sjey stigum, næstfremsti við fimm stigum og so víðari. Henda skipanin hevur ver­ið galdandi síðani tó við tí broyting, at næstfremsti báturin síðani 2008 hevur fingið seks stig, nummar trý hevur fingið fimm stig og so víðari. Tað eru bátarnir í høvuðsstaðnum, ið hava drigið flest FM heiti í neystini hesi 40 árini. Vinnarar í høvuðsstaðnum Sum vit so mangan áður hava tikið til, so eigur Havnar Róðrarfelag frá­gera góða heimasíðu. Á drekin.fo er gjørt upp, hvussu nógv FM heiti ymsu bát­ arnir hava vunnið, síðani tað í 1973 varð farið undir skipanina við FM stig­ um. Tølini siga, at tað er Havnarbáturin, sum hevur vunnið fleiri FM heiti enn na­kar annar bátur. Trettan ferðir ella so at siga triðja hvørt ár í miðal hev­ ur 10-mannafarið hjá Havnar Róð­ rar­felag vunnið FM. Eingin bátur hev­ur vunnið FM so ofta á rað, sum Havn­ar­báturin. Longsta sigursrøðin hjá honum er sjey ár. Havnarbáturin vann FM øll árini frá 1973 og fram til 1979. Tað er einki at siga til, at tað er saknur í tí, nú hvíta 10-mannafarið við drekastevninum ikki luttekur og ongan róður hevur vunnið síðani á Ólavsøku í 2008, tá ið tað eydnaðist at vinna FM fyri trettandu og higartil seinastu ferð. Tveir aðrir bátar hjá Havnar Róð­ rarfelag hava vunnið meiri enn nakrir aðrir í teirra kappingum. Talan er um Sílið við dreingjum, sum hevur verið meistari átta ferðir og Sílið við kvinnum, sum hevur vunnið tólv ferðir. Kappingina millum 8-mannaførini hevur Argjabáturin vunnið ellivu ferðir, meðan Ørvur hjá Havnar Róðrarfelag eigur næstflest FM (7). Kappingina millum 6-mannaførini við kvinnum hevur Jarnbardur hjá Róðrarfelagnum Knørri í Havn vunnið ellivu ferðir, og Gongurólvur hjá Havnar Róðrarfelag hevur vunnið sjey ferðir. Vinnarar á bygd Tað er bara í tveimum kappingum, at bátar aðra staðni frá enn í høv­uðs­ staðnum hava vunnið flest FM heiti. Kappingin millum 5-mannafør við gentum er bara seks ára gomul. Ein­ asti báturin, sum hevur vunnið hesa kappingina meiri enn eina ferð, er Hvassi av Oyri, sum eigur tvær FM aktiur. Tað var tann tíð, tá ið Hvessingur úr Hvalvík og Streymnesi var stinnastur í kappingini millum 6-mannaførini við monnum. Hvessingur hevur vunnið FM átta ferðir, og tað er tvær ferðir fleiri enn Gongurólvur hjá Havnar Róð­ rarfelag. Síðsta ferðin, at menninir á Hvess­ ingi vunnu FM var so langt afturi sum í 1999 ella níggju ár frammanundan, at EB/Streymur í 2008 fyri fyrstu ferð vann FM í fótbólti. Millum aðrar bátar uttanfyri høv­ uðs­staðin, sum hava vunnið FM ofta, eru Eysturoyingur (7) og Vest­ menningur og Nólsoyingur (6), Kvívík­ ingur (6), Ørnin við kvinnum (6), Páll Fangi við kvinnum (6), og Svanur, Tjaldrið og Blikur við dreingjum (6). 10-mannaførini, 8-mannaførini, 5-mannaførini við kvinnum og 5-manna­førini við dreingjum hava kappast um stig og FM síðani 1973. 6-manna­førini við monnum hava kapp­ast síðani 1975. 6-mannaførini við kvinnum hava kappast síðani 1983, og 5-mannaførini við gentum hava kappast síðani 2005. Stríð um FM stig í 40 ár Rúgvan av FM heitum sigur, at tað eru róðrarfeløgini í høvuðsstaðnum, ið hava verið tey stinnastu tey fjøruti árini, sum tað hevur verið kappast um FM stig Tað eru bátarnir í høvuðsstaðnum, ið hava drigið flest FM heiti í neystini hesi 40 árini Mynd: Álvur Haraldsen