fríggjadagur 20. juli 2012síða 90

vika 30 l 23. juli 2012 42 Ólavsøka 2012 Vikutema Tróndur Arge Tað er nakað heilt serligt við stemn­ ing­inum kring vøllin á ovara vølli í Gundadali á ólavsøku. Tað er okkurt serligt við føroysku klæðunum, men helst hjálpir lummafløskan eisini upp á góða lagið. Eg havi síðani eg kann minnast altíð verið í Gundadali til teir dystirnar, ið hava verið. Líka mikið um tað hevur verið onkur vinar­dystur, lands­kappingardystur ella steypa­ finala. Ólavsøkudysturin hevði leingi ein heilt serligan týdning og ólav­søku­ steypið var næstan at rokna sum eitt steyp, sum kundi lena seg upp ímóti Løg­manssteypinum. Hvør minnist ikki tá B36 í 1993 kom við einum risa steyp­ið og bjóðaði KÍ til ólavsøkudyst. Helst mundu teir í árstalsfelagnum hava ætlað sær steypið, men ólukku tíð fyri teir, so vann KÍ. Risa stóra steyp­ið stendur enn í KÍ húsinum. Eina ferð kom HB eisini drassandi við Hvidovre til Føroyar á ólavsøku. Eg veit ikki heilt hvat hugskotið var, men haldi at Óli Jóhannesen var við Hvidovre, men um hann einsamallur skuldi hála føroyingar niðan á Tórsvøll veit eg ikki. Men eg var so har og haldi meg minnast at danir fóru avstað við sigrinum. Steypafinala á ólavsøku Í 2001 var so avgjørt, at finalan um Løgmanssteypið skuldi spælast á ólavsøku. Fyrsta árið vildu veður­gud­ ar­nir ikki spæla við. Í oysandi regni tryggjaði Jens Kristian Hansen B36 ein 1-0 sigur á KÍ. Hetta var fyrsta stigið til fleiri ár við steypafinaluni á ólavsøku. Steypa­ finalan gjørdist nú ein fastur táttur á ólavsøkudegnum. Onkrar finalur vóru betri eydnaðar enn aðrar. Minnist meg rætt, so var Tórsvøllur næstan full­ur til finaluna árið eftir, tá HB og NSÍ spældu. NSÍ vann dystin við um­strídd­ um brotssparki í evstu løtu. Tvey ár seinni vann so HB á NSÍ í eini finalu, sum var ávirkað av at Jens Martin Knudsen, málverji hjá NSÍ, fekk reytt kort longu aftaná 12 minuttir. Í 2006 dettur hesin annars hugna­ ligi parturin av ólavsøkuni burtur. Fyrst er tað vegna eitt kærumál, sum útsetur finaluna til oktober mán­að. Síðani tekur eitt stríð seg upp um pengar og síðani tá hevur steypa­ finalan bara eina ferð verið á ólavsøku aftur. Tað var í 2009, tá Víkingur vann á EB/Streymi. Føroyskur fótbóltur hevði um hetta mundið flutt seg so langt, at tað var ikki hugsingur um at lokka fólk niðan til ein venjingardyst. Tað at talan er um ein ólavsøku dyst er ikki nokk longur til at fáa viðhaldsfólk at koma niðan í Gundadal, og heldur ikki nokk til at leikarar tíma at strekkja seg eftir bólt­inum. B36 dreymurin Í 2005 var ein dreyma dagur fyri før­oyskan fótbólt, tá B36 megnaði at vinna seg víðari í UEFA Cup ímóti íslendska ÍBV. Eftir 1-1 javnleik í Ís­ landi tvær vikur frammanundan var nógv fólk á Tórsvølli 28. juli, tá retur­ dysturin var. Longu aftaná ein minutt legði Allan Mørkøre B36 á odda og ólavsøkan var nærmast bjargað fyri øll tey í árstalsfelagnum. Stutt fyri hálvleik mundi snapsurin komið skeivt niður, tá ÍBV javnaði. Men í seinna hálvleiki tryggjaði Bergur Midjord B36 víðari luttøku í UEFA Cup, og eina frálíka ólav­søku fyri B36 viðhaldsfólk og før­ oyskan fótbólt. Landskapping á ólavsøku Síðani kappingin var økt til 27 um­før hevur verið tørvur á einum lands­kapp­ ingarumfari á ólavsøku. HB, B36 og Tórshavnar kommuna kundi ikki koma ásamt við FSF um at hava steypa­ finalnuna í Havn. Steypafinalan fór til Klaksvíkar og HB og B36 fingu hvør sín heimadyst á ólavsøku. Tað hevur ikki altíð gingið so væl hjá høvðusstaðarfeløgunum at vinna sær ólavsøkusteypið. Hinvegin hava feløg aðrastaðni frá tikið ímóti steypinum fyri frálík avrik. Eitt sermerkt úrslit var á ólavsøku í 2010, tá eg sum frásøgumaður stóð undir liðini á fleiri sandoyingum, sum vóru komnir til havnar at stuðla B71 í dysti móti HB. Gamaní mundu teir eisini verða komnir á ólavsøku, men neyvan høvdu teir roknað við at verið í so góðum lag, sum teir vóru tá dómarin bríkslaði fyri seinastu ferð. HB, sum var FM favorittur og seinni vann FM heitið, var mettur sum greiður favorittur at vinna á botnliðnum av sandoynni. Men longu í fyrra hálvleiki var greitt, at B71 ætlaði okkurt. Símin Hansen smekkaði bóltin í málhorið og so var 1-0. Fróði Benjaminsen javnaði við brotssparki, men eitt korter fyri tíð avgjørdi Mads A. Hentze dystin eftir innlegg úr høgru. Gleðin var til at fáa eyga á millum B71 viðhaldsfólkini, sum málaðu Havn­ina gula og bláa í tveir dagar. Gamal klassikari Í ár eru tveir spennandi dystir á ólav­ søku. Ólavsøkuaftan tekur HB ímóti TB í einum gomlum klassikara, sum hevur fingið ein nýggjan dám. TB hevur ikki verið at sæð í oddinum í føroyskum fótbólti í longri tíð, men nú eru teir aftur. TB hevur tikið tey flestu av bóli við góðu úrslitinum í fyrru hálvu, meðan HB roynir at fáa fótin fyri seg eftir van­lukkuliga árið í fjør. HB hevur styrkt seg í summar­ steðginum við Rógva Poulsen, Jóhan Troest Davidsen og Róki av Fløtum Jesper­sen. TB hevur fingið tilgongd av Nenad Stankovic. Ólavsøkudag taka føroya­meist­ar­ arnir úr B36 ímóti NSÍ, sum hevur bygt upp á nýggjum í ár. Við Kára Reynheim á odda hava vespurnar funnið fram gott spælt við nógvum ungum fólki. Tilgongdin av Pól Jóhannusi Justinus­ sen er eisini spennandi og kann geva felagnum eitt spark rætta vegin. Eins og NSÍ, so hevur B36 eisini verið í eldinum í evropskum fótbólti um summarið. B36 var bara eitt brotsspark ella tvey frá at koppa Linfield úr Norðurírlandi. Spurningurin er nú um spennandi og góðu dystirnir móti Linfield gevur eitt skump rætta ella skeiva vegin. Eitt er vist, lagið er altíð gott kring vøllin á ólavsøku og tað verður tað ivaleyst eisini í ár. trondur@sosialurin.fo Ongin ólavsøka uttan fótbólt Eina ferð vóru fótbóltsdystirnir á ólavsøku hæddarpunktið á fótbóltsárinum, men nakað fyri aldarskiftið mistu teir sín týdning. Nú er aftur lív komið í fótbóltin á ólavsøku og soleiðis verður eisini í ár Ólavsøkuaftan tekur HB ímóti TB í einum gomlum klassikara, sum hevur fingið ein nýggjan dám Mynd: Álvur Haraldsen