fríggjadagur 20. juli 2012síða 96

vika 30 l 23. juli 2012 48 Ólavsøka 2012 Vikutema Niels Uni Dam Sex á pallinum Eg minnist mína fyrs­tu ólav­ søku­konsert á Lærara­skúl­a­vølli­ num í 1988. Á skránni vóru Frændur høvuðs­n­avnið. Men eg og Emil vi­n­ mað­ur mín vóru mest spentir uppá Drøn, ið var ein fusionsbólkur við Birg­ir Krossteig sum oddamanni. Beiggi Emil, Herluf Hermansen sáli, spæl­di við, so vit føldu okkum heilt serlig­ar at kenna trummuleikaran. Tað var ræðuliga stuttligt, og serliga spenn­andi var tað, tá ein sera full dama, hálaði ein líka fullan mann uppá pallin, og tey skeggaðust upp ímóti einum monitori, meðan Frænd­ ur spældu. So var ólavsøkan veruliga byrjað, og eg var vorðin forelskaður í ólavsøkukonsertini. Eitt forhold, ið heldur enn tann dag í dag, um enn tað kølnaði nógv í fjør, tá eg var og ummældi verst fyrireikaðu ólavsøkukonsertina í søguni. Laksur stinkar Árið eftir gleddi eg meg serstakliga nógv til ólavsøkukonsertina. Eg ar­ beid­di við at roykja laks á Samfisk. Í góð­veðri­num gingu eg, Høgni Hoydal, Allan Dalsgarð og hini ungu fólkini, með­an ljóðroyndirnar ljómaðu og gleddu okkum til at fáa frí, og sleppa á konsert. Men stutt áðrenn vit fingu frí, segði ónda forkonan okkum, at tann lak­sur­in, ið vit høvdu pakkað allan dag­in, skuldi pakkast útaftur og síð­ an pakkast í aðrar kassar, tí hann skuldi til USA við flogfari. Illbønirnar vóru nógvar, meðan vit stríddust nið­ ri í Álakeri. Konsertin larmaði uppi á Læraraskúlavøllinum. Tað var væl út á náttina, tá eg endiliga slapp heim, og vit koyrdu framvið Lærara­ skúlavøllinum, har seinasta orkes­ trið var við at gera seg liðugt. Eg stink­aði av royktum laksi og kom til niðurstøðuna, at eg ikki slapp á kon­ sert hetta árið. Á og aftanfyri pallin Í 1992 kom eg í FUT nevndina, og var við til at skipa fyri ólavsøkukonsertini. Hetta var annað árið á rað, at óroyndu bólk­ar­nir fingu dekan ov gott pláss, og áskoðaratalið gjørdist í so lágt. Hetta var samstundis fyrsta árið, at eg spæl­di á ólavsøkukonsertini. MC-Hár hevði verið til í eitt ár, og vit spældu eina sera øra konsert, fyri gapandi áskoð­ar­um, brennandi gittarum, ein­ um líggja og andlitsmáling. Mitt á pallinum sat núverandi Týr odda­mað­ urin Heri Joensen á einum klappstóli, og las avís. Nokk ikki tann mest ele­ gan­ta framførslan, men eg fór at elska konsertina á ein nýggjan hátt. Eg var eisini við at skipa fyri kon­ sertini í 1993, ið gjørdist sera væl­ eydn­að, við einari frálíkari skrá og nógv­um vitjandi. Í 1995 var eg aftur á ólavsøkukonsertini í nýggjum leik­luti, hesaferð sum frásøgumaður. Tað var tó ikki fyrr enn í 1996, at eg spældi næstu konsertina, har vit frum­fram­ førdu nógvar av sangunum á fløguni, ið vit spældu inn árið eftir. Aftur var show­ið vilt, millum annað við einari upp­blástari sexdukku og øðrum stutt­ lig­um, og áskoðarnir vóru við uppá tað. Show og ballada Vit spældu aftur í 1998 og nøkur ár fram, hesi árini var konsertin sera væl vitj­að, og gott lív var í. Vit mentu eisini showið, høvdu dans­ar­ar, brúktu hálvtakið í kom­mu­ nu­skúla­garð­inum til at víðka pall­ show­ið, fingu stripparar á pallin, og fingu Rók Jákupsson og mína stóru ung­dóms­hetju Terja Rasmussen at syngj­a við, umframt ljósshow, ballónir, film­ar og mangt annað. Løturnar framman fyri 4000 fólk­ um, ið nærum í ein munn skrálaðu við uppá okkara niðurløg vóru minniligar, og tær viska næstan tey minni góðu minn­i­ni, sum tá ein FUT nevndarlimur royn­di at forða okkum at spæla, tí okkara tekstir ikki hóskaðu seg. Ella tá vit bert sluppu á pallin, um vit lovaðu ikki at spæla ávís løg - eitt lyfti, ið vit góvu og brutu beint aftaná, til mikla øði hjá nevndarliminum. Eitt annað ár var eg útvarpsvertur, tá Rás2 bað meg og aðrar um at senda eina maratonsending frá kon­ sert­ini. Kaos á pallinum Í 2006 spældi eg mína higartil mest kaot­isku MC-Hár konsert, vit skuldu spæla síðst, men av tí, skráin ikki helt, so máttu vit skera 40 minuttir niður til 15 minuttir. Vit høvdu stórt show planlagt, og hetta bleiv samanstúvað í tað korterið, púra svakt og púra vilt, ser­liga tá ein blásara sektión kom gang­andi inn á pallin púra óvæntað, tí teir eisini vildu vera við. Ó12 verður eitt brak Nú eru trý ár síðan seinast MC-Hár spældi ólavsøkukonsert, og sum venj­ ing­arnar ganga, verður tað eitt brak. Skráin í ár tykist at vera meira spenn­ andi enn nakrantíð, at­gongu­merkja­ prísurin er sømiligur, so alt bendir á, at kon­sertin verður ein tann best vitjaða í nógv ár. Eg gleði meg til at spæla fyri tykkum. post@sosialurin.fo Eg elski ólavsøku­ konsertina Eg gleði meg sum eitt smábarn, tí 27. juli skal eg á pallin at spæla mína 10. ólavsøkukonsert. Eg elski ólavsøkukonsertina! Eg havi luttikið á henni sum áskoðari, fyrireikari, frásøgumaður, rappari, útvarpsmaður og ummælari, og eigi nógv góð minni um hana Niels Uni Dam hevur spælt á fleiri ólavsøkukonsertum og skal tað aftur í ár. Her hava vit eina unga og eina eldri útgávu av manninum