fríggjadagur 17. august 2012síða 50

vika 34 l 20. august 2012 6 vikutíðindi Vilmund Jacobsen 15 ára gamla, Cecilia Eysturdal úr Klaksvík, tók øll á bóli á ovastevnu, tá svomið varð um Nólsoyarfjørð. Hon vant burtur úr øllum hinum svimjar­ unum og sló gamla metið við umleið 10 minuttum. Cecilia svam teinin á ein tíma, sjey minuttir og 48 sekund. Tilsamans sjey svimjarar vóru við hesaferð, fýra mans og tríggjar kvinnur, men eingin av hinum megnaði at hótta blaðungu klaksvíksgentuna. Á Føroya Sjómannadegi hevur verið vanligt at svimja um vánna í Klaksvík, og her hevur Cecilia eisini luttikið. Í fjør var hon fyrst av kvinnunum – og endaði á øðrum plássi av øllum. Errin mamma Mamma Ceciliu, Herbjørg Eysturdal, var stødd í Nólsoy, tá dóttirin svam um fjørðin – og pápin, Karstin Andersen og 14 ára gamla systirin, Victoria, saman við øðrum vóru umborð á bát­ inum, sum fylgdi henni. Tað var Eyðun Samuelsen, systkina­ barn Herbjørg, sum fyrimyndarliga skipaði fyri í bátinum, og tað er ikki okkara Eyðun Samuelsen, sum starv­ ast á marknaðardeildini í Miðla­hús­ inum. – Meðan hon svam um fjørðin, hevði eg einar 2-3 ferðir telefonsamband við bátin. At síggja til lá báturin, sum fylgdi Ceciliu, einsamallur, og við mínum eygum sá tað út, sum vóru tey ikki á rættari leið. Men tað hava tey so verið kortini. Eg trúði ikki, at Cecilia fór at vera so skjót út um fjørðin, og eg hevði væntað, at hon fór at síggja troyttari út, tá hon kom í land. Herbjørg sigur, at Cecilia segði lítið, tá hon kom í land, men var øll eitt stórt smíl. – Eg klemmaði hana og ynskti henni tillukku, og sjálvandi vóru vit errin av dóttrini, leggur hon aftrat. Setti sær mál Mamman sigur, at tá Cecilia hevði svomið um vánna í Klaksvík á Føroya Sjó­mannadegi í fjør, setti hon sær fyri at svimja um Nólsoyarfjørð á ova­ stevnu í ár. – Vit hopaðu bara, at hon fór at gjøgnumføra teinin, tá svimjingin um fjørðin byrjaði, men hetta endaði altso við, at hon sló metið – við ikki minni enn 10 minuttum. Herbjørg sigur, at Cecilia hevur svomið nakrar fáar túrar á Borðoyarvík fyri at venja seg við at svimja á sjó­ num. Tó kunnu viðurskiftini á Borð­ oyar­vík ikki heilt samanberast við Nóls­oyarfjørð, tí her er í fyrsta lagi streymurin á muni. – Teinurin út í Oyrar er góðar tveir kilometrar langur, og onkuntíð hevur hon svomið út í Oyrar og innaftur á víkina, sigur Herbjørg Eysturdal. Góðir svimjarar Cecilia, sum ikki er eitt ókent navn innan føroyska svimjing, eigur eisini eina systir, Victoriu, sum júst er fylt 14 ár, og sum eisini er ein rættiliga dugna­ligur svimjari. – Cecilia hevur vunnið okkurt FM-heiti í svimjing, og Victoria eigur eitt nú føroyska metið í 200 metra frísvimjing fyri kvinnur, sum hon setti í eini ungdómsmeistarakapping í Dan­ mark í summar. Herbjørg Eysturdal sigur, at tvær yngri systrar eru eisini, Barbara sum er níggju ár – og Sonja, sum er seks ára gomul. Cecilia Eysturdal, sum sló gamla metið um Nólsoyarfjørð á ovastevnu í ár, fyllir 16 ár hin 29. august. Herbjørg Eysturdal, sum er mamma Ceciliu, ið sló gamla metið í svimjing um Nólsoyarfjørð á ovastevnu, sigur, at dóttirin segði lítið, tá hon kom í land, men var øll eitt stórt smíl. – Eg klemmaði hana og ynskti henni tillukku, og sjálvandi vóru vit errin av henni Vit eru errin av dóttrini – Eg trúði ikki, at Cecilia fór at vera so skjót út um fjørðin, og eg hevði væntað, at hon fór at síggja troyttari út, tá hon kom í land, sigur mamman, Herbjørg Eysturdal Mynd: Leo Poulsen Eingin ótti og eingin sjóverkur – Eg havi sjálvandi hugsað um hvalir, hemarar og annað, sum livir í sjónum, men hetta var ikki nakað, eg kundi brúka á leiðini um fjørðin. Sjálv haldi eg, at eitt nú bóghvítuhvalur er eitt flott dýr, og eg hugsaði ikki, at ein slíkur fór at gera mær nakað, sigur Cecilia Eysturdal Vilmund Jacobsen Cecilia Eysturdal, sum gjørdist fyrst út um Nólsoyarfjørð og sló gamla metið í svimjing um fjørðin á ova­ stevnu, sigur, at hennara fremsta mál var at gjøgnumføra teinin. – Men eg helt skjótt, at eg lá væl fyri, og tí hevði eg bara eitt mál – at koma sum skjótast út um fjørðin. Meðan fleiri av hinum svimjarunum líka sum svumu til fylgibátarnar, kom báturin, sum fylgdi mær, til mín. Tá tú svimur á sjónum, sært tú ikki, hvar tú ert, tí tú liggur so lágt. Tí er sjálv­andi neyðugt við fylgibáti, og tú noyðist soleiðis at fylgja kósini hjá bátinum, sum ger av, hvussu svomið verður um fjørðin. Cecilia sigur, at eingin ótti – ei held­ur sjóverkur – var á henni á leið­ ini út um fjørðin. – Eg havi sjálvandi hugsað um hvalir, hemarar og annað, sum livir í sjónum, men hetta var ikki nakað, eg kundi brúka á leiðini um fjørðin. Sjálv haldi eg, at eitt nú bóg­hvítu­ hvalur er eitt flott dýr, og eg hugsaði ikki, at ein slíkur fór at gera mær nakað. Hon sigur, at munurin á at svimja á vánni í Klaksvík, á Borðoyarvík og so um Nólsoyarfjørð, vóru aldurnar, sum á leiðini um Nólsoyarfjørð líka sum komu frá øllum síðum. Cecilia sigur, at hon var rættiliga móð, tá hon vann upp land í Nólsoy – og hon var eisini ógvuliga glað. – Tað var tá, eg kom í land, at eg skilti, at eg hevði sligið gamla metið í svimjing um Nólsoyarfjørð á ovastevnu, og tað kennist væl, sigur fryntliga klaksvíksgentan, Cecilia Eysturdal við Vikublaðið. Føroya størsti væl­ger­ andi loppu­ markn­ aður Fyri at savna pening til felags­ skapin Beran, sum arbeiðir við at stuðla børnum og ungum, ið hava mist familjulim, verður enn eina­ ferð skipað fyri risastórum loppu­ marknaði leygardagin 8. september í Hoyvíkahøllini. Tiltakið er skipað á tann hátt, at øll, ið hava hug at selja sínar brúktu lutir, kunnu leiga sær eitt borð fyri 300 krónur. Allur peningurin, sum kemur inn fyri borðleigu, fer til felags­skapin Beran. Loppumarknaðurin verður í Hoy­víkshøllini leygardagin 8. sep­ tember frá klokkan 10 til 18. Tey, sum vilja leiga borð hendan dagin, kunnu skráseta seg við at ringja til Nitu tlf. 258105 ella senda ein teldupost til loppur@gmail.com Endamálið hjá Beranum er at geva børnum og ungum, ið hava mist foreldur og ella systkin við deyða, eitt forum, har tey kunnu møt­ast og práta við javnlík. Fyrstu árini var felagsskapurin ikki á fíggjar­lógini, men síðani 2007 hev­ur verið pláss fyri arbeiðinum hjá Beranum á landsins fíggjarlóg. Men gávur og stuðul frá privatum, virkjum, stovnum og kommunum eigur ein berandi part av lívinum í felagnum. Seinasta tiltakið, sum var 14. april í ár,  gav 20.000 kr.  sum fóru til Beran. Vónandi verður undirtøkan líka so stór hesaferð.