mánadagur 20. august 2012síða 29

29 Mánadagur 20. august 2012 · Nr. 96 Sosialurin Hugskot og viðmerkingar – send sms til 225000 Hetta er aðru ferð vit skriva minningarorð um barnið hjá einum av okkara systkjum, sum alt ov tíðliga í lívinum bleiv tikið frá okkum. Fyrst Hjarnar, sum doyði 18. Desembur 2006 í ferðsluvanlukku, og nú Ási sum doyði 8. Oktobur 2011 av herviligari krabbameinssjúku. Tá vit skrivaðu minningarorð um Hjarnar, høvdu vit ikki droymt um, at vit so fá ár aftaná, skuldu skrivað minningarorð um Ása. Ási var ein róligur og skilagóður drongur, og tvørur uppá tann góða mátan. Hann helt uppá tað sum hann vildi, og gav ikki upp uttan víðari. Hetta kom honum tilgóðar, tá hann gjørdist sjúkur. Hann gav ongantíð upp, hóast hann fór ígjøgnum harða viðgerðir og skurðviðgerð. Hann kempaði til tað síðsta, og lat altíð væl æt tá hann bleiv spurdur, um hvussu hann hevði tað. “Eg havi tað gott”, segði hann. Tá Ási fylti 12 ár, hugnaðu vit okkum saman við honum í campingvogninum hjá einari fastur, og nakrar dagar seinni helt hann føðingardag fyri floksfelagum. Í dag 10. August hevði hann fylt 13 ár. Hann var so spentur at blíva tannáringur, og tosaði ofta við mammu sína um tað. Men hetta upplivdi hann ikki. Ási var sera áhugaður í tónleiki, og var “fan” av rockbólkinum Metallica, sum pápin eisini dámar sera væl. Àðrenn Àsi gjørdist sjúkur, byrjaði hann at læra seg at spæla guitar. Hann mátti flyta til Danmarkar at búgva saman við familjuni, meðan hann var í viðgerð, og steðgaði við at spæla guitar um hetta mundi. Ìstaðin byrjaði hann at spæla trummur, trummuspælarin úr Metallica Lars Ulrich var hansara stóra fyrimynd. Ein dagin stutt eftir at hann var komin heim úr Danmark, ringdi Lars Ulrich og ynskti at tosa við Ása. Lítillátin sum Ási var, gjørdi hann ikki nakað hóvasták burtur úr hesum, men tað sást tíðiligt at hann var glaður. Hann fekk eisini tað gleði, at framføra saman við Kim Hansen, James Olsen, Paula Magnussen og fastur síni, til ein stóran føðingardag í familjuni. Í Juli mánaði í fjør, bleiv hann bjóðaður til Gøteborg í Svøríki, at verða gestur hjá Lars í samband við konsert hjá Metallica. Tað var stórt hjá honum, og hann var sera glaður um hetta. Hann hevði tað gott tá, og tað sá betri út við sjúkuni, hóast hann var uppgivin av læknunum. Hesa uppliving livdi hann uppá, og tosaði ofta um tað. – Men gleðin var stokkutt. Tveir mánaðir aftaná, herjaði sjúkan aftur, og nú sá sera svart út. Tað gingu einans 2 vikur, so orkaði hann ikki meira. Leygarkvøldið 8. Oktobur stendur fast í minni okkara. Vit vóru nógv um tey hesa sváru tíð, og hetta kvøldið eisini. Àsi sovnaði um sjeytíðina, og vaknaði ikki aftur. Vit eru sera takksom fyri at Ási hevði ein so góðan vin sum Jens Svávar. Hann var trúfastur at vitja hann, eisini tá hann var sjúkur. Teir báðir vóru veruliga “Best friends” Góðu tit, Hilbert, Ella, Mikala, Sverri og Jóhan. Saknurin er stórur hjá okkum, men enn størri er saknurin hjá tykkum. Tit gjørdu tað tit kundu, fyri at Ási skuldi hava tað gott meðan hann livdi, og gjørdu alt fyri at njóta tær góðu løturnar saman við honum. Ási og Hjarnar liggja jarðaðir lið um lið. Ási var so keddur um at Hjarnar doyði, og tosaði nógv um hann. Nú eru teir báðir aftur saman uppi hjá Jesu pápa. Vit liva í vónini um at vit ein dag síggjast aftur, teir eru bert farnir um sýnina. Vit ynskja at Harrin má styrkja tykkum øll, og hjálpa tykkum at liva uttan Ása. Við hesum orðum vilja vit lýsa frið yvir okkara elskaða Ása. “Tann ið verður sum hetta lítla barnið, eyðmjúkt og álitisfult, skal gerast tann størsti í Himmiríkis ríki” Matt. 18,4 Omma og Asmund, Jónhild, Katrina, Jensia, Ella, Kirstin og Jesar. Minningarorð um Ása Hilbertsson f. 10.08.1999 d. 08.10.2011 Nøvn Bíleggið kalendaran nú og sendið hann út í heimin Tel. 341800 Johanna Vang · johanna@sos.fo Ann Christiansen · ann@sos.fo 2013 Føroya Myndakalendari 2013 fæst á hesum sølustøðum: Rit & Rák Tórshavn · H.N. Jacobsen Tórshavn · FK Miðbýnum Tórshavn · Inn Landavegin · FK Hoyvík· P.E. Miðbýnum · Fast Kollafjørð · Børge í Kollafirði · Esmar Olsen Hósvík · Magn við Streymin · Inn við Norðskála · Inn á Eiði · Fast Skálafirði · Effostøðin á Strondum · Strandasentrum á Strondum · P.E.Skála · Fk Saltangará · Brotið Saltangará · Kios Vár Saltangará · Bókabúðin Saltangará Eysturoyar Heimavirkið Runavík · Hjá Pidda Toftir · P.E. Í Norðagøtu · Magn í Gøtudali · Haraldsen Fuglafjørð · FK Fuglafirið · Effostøðin í Leirvík · Effostøðin í Klaksvík · Alfa Bókhandil í Klaksvík · Kiosk Vár Klaksvík · Leikalund Klaksvík FK Klaksvík · Effostøðin Sørvági · Prýðið á Flogvøllinum · FK Miðvági · Fk Tvøroyri · Suðuroyar Heimavirkið · Debusarhandil Gjógv · Eldhús á Sandi · Palle Lamhauge Vestmanna · Magn Vestmanna · Tangabúðin Tvøroyri