fríggjadagur 31. august 2012síða 34

nr. 101 · 31. august 2012 2 VIKUSKIFTI Summarið er av álvara farið at halla. Tó so hava seinastu dagarnir bjóðað upp á frálíkt sólskynsveður, hóast hitin ikki er heilt tann sami sum fyri einum mánaði síðani. Fólk flest eru komin aftur úr feriu, og eru farin tiil verka aftur. Onnur hava gjørt øvugt. Biðið arbeiðinum farvæl og eru farin undir nýggjan setning. Mongu útisetarnir eru dømi um hetta. Tey, sum lesa uttanfyri føroysku landoddarnar, men sum hava verið heima í summarfrí og vunnið sær pening, soleiðis at lestrarárið, sum stendur fyri framman, fellur lættari. At færri ung andlit eru at síggja í býar- og bygdamyndini, eru greið tekin um, at summarið skjótt er av. Termometrið ber somu boð, men eitt annað gott dømi um, at ársins heitasta og ljósasta tíð gongur móti endanum, er fallandi talið av brúdleypum. Í Summar hava vit í greinarøð varpað ljós á fleiri av hesum brúdleypum. Sjey Summar á rað hava vit havt tvær síður við flottum myndum, har brúðarpør hava greitt frá. Henda greinarøð er nú av og vit taka saman um hesaferð. Ársins steypakapping í fótbólti er somuleiðis av. Endabresturin var farna vikuskiftið við tveimum fantastiskum finaludøgum á Tórsvølli. Venjararnir hjá finalistunum í kappingini um løgmanssteypið, Jógvan Martin Olsen og Heðin Askham, líta aftur á finaluna og taka samanum í hesum blað. Av øðrum tilfari borðreiðir Summar hesaferð við drúgvari samrøðu við Miðflokkamannin Bill Justinussen, einari søgu um film, ið viðger samleika, umframt at vit aðrastaðni fara í dýpdina við hugtakinum sjálvsøkni. Við øðrum orðum borðreiða vit við eitt sindur av hvørjum, júst eins og summarið hevur gjørt. Summarið farið at halla Rólant Waag Dam Summarredaktørur Tiltøk um vikuskiftið Peter Gade, danska badmintonstjørnan, heldur ókeypis fyrilestur í Norðurlandahúsinum fríggjadagin klokkan 17 Vágatunnilin, sum júst hevur kunngjørt, at fleiri enn fimm milliónir akfør hava koyrt ígjøgnum tunnilin síðani hann lat upp fyri ferðslu 10. desember 2002, loyvir ókeypis ferðslu leygardagin Tórshavnar Marathon byrjar í miðbýnum sunnudagin klokkan 13. Bragdið skipar fyri og talan er samstundis um FM-kapping Marknaliðið við Anniku Hoydal, Jógvani Dahl, Eyðuni Mohr Hansen og Kaj Johannesen og Vágaverk við Sámali Ravnsfjall, Jóan Jakku Guttesen, Finnuri J. Johannesen og Holgari Jacobsen hava konsert í Norðurlandahúsinum fríggjakvøldið klokkan 20 Loppumarknaður í Sirkus í Vágsbotni í Havn við alt frá lutum til heimið, gomlum leikum, ljóðføri, LP plátum og klæðum leygardagin klokkan 13 Cirkus Baldoni vitjar í Trongis­ vági leygardagin og í Havn sunnudagin. Báðar dagarnar verður byrjað klokkan 14