fríggjadagur 7. september 2012síða 30

nr. 104 · 7. september 2012 2 VIKUSKIFTI Lív í Baiansstovu hevur framsýning rópt »Heimferð« í Öström í Rættará í Havn fríggjadagin til klokkan 18 og leygardagin frá 11-15 Í kvøld, fríggjakvøldið, verður ársins fótbóltsbrak hjá fótbóltslandsliðnum. Talan er um ein dyst, sum er áhugaverdur upp á so nógvar mátar. Hetta verður fyrsta veruliga roydin hjá Lars Olsen, sum landsliðsvenjara. Harnæst er hetta fyrsta ferðin, at vit vitja aftur í Týsklandi, eftir tepra 2-1 tapið á sinni. Tí varpa vit ljós á henda dystin á hesum síðum og spyrja fólk, ið varða av landsliðnum, hvat tey rokna við. Føroya løgmaður, sum hevur spælt fleiri landsdystir sjálvur, er bjartskygdur og trýr upp á ein javnleik. Tað hevði av sonnum verið eitt bragd! Ein annar, sum tók lut í altjóða kapping um dagarnar, var ÍSB-svimjarin Ragnvaldur Jensen. Hann framdi eitt bragd og kom við til paraolympisku leikirnar, har hann svam seg til eitt 12. pláss í 100 metra bringusvimjing. Sjálvur iðrar hann seg um, at hann ikki rakk finalu plássi, men Ragnvaldur og vit onnur eiga at minnast til, at hann kappast millum heimsins allarbestu á sínum øki. Tí er tað flott av honum, at hann setir Føroyar á heimskortið á henda hátt. Tað sama er galdandi fyri øll hini 4000, sum luttaka á Paraolympisku leikunum. Tað er ótrúligt, hvat tey megna at avrika – og okkurt av tí varpa vit ljós á í Summar hesaferð. Bestu telvarar okkara stríðast eisini undir merkinum í hesum døgnum, og hava fingið fleiri frálík úrslit í Istanbul. Teir fáa sítt pláss aðrastaðni í Sosialinum. Er tað nakað, sum kann savnað og spjaða líka so nógv sum ítróttur, so er tað politikkur. Í summar hesaferð fara vit aftur í tíðina og aftur um politiska gerandisdagin og spyrja, hvat í roynd og veru formar politikkin. Ert tú hvørki til politikk ella ítrótt, so er eisini bókatilfar at koma eftir í Summar. Og tað er ógvuliga hóskiligt, nú summarið gongur móti endanum, og tíðin er búgvin til djúpar sofur, fjálg teppir og góðar bøkur. Eitt bragd og annað Rólant Waag Dam Summarredaktørur Tiltøk um vikuskiftið Fernisering í Smiðjuni í Lítluvík í samband við at Rasmus Rasmussen og Maigun Othamar hava felags framsýning av nýggjum myndum og málningum fríggjadagin klokkan 15 Landsdystur í fótbólti millum Týskland og Føroyar. Sjónvarp Føroya sendir beinleiðis frá dystinum fríggjakvøldið klokkan 19.45 Fysioterapeutfelag Føroya skipar fyri fyrilestri um heilsu og trivna hjá eldri, tí 2012 er av ES útnevnt at vera ár teirra eldru. Fyrilesturin við Peter Thybo verður í Norðurlandahúsinum leygardagin klokkan 14 og er ókeypis Philippe Carré letur upp framsýning í Galerie Focus í fríggjadagin klokkan 16-18, og leygardagin er opið klokkan 16-18. Ferðavinnuprát á Kafe Kaspar á Áarvegnum í Havn fríggjadagin frá 15.30 til 17.00