fríggjadagur 12. oktober 2012síða 51

nr. 119 · 12. oktober 2012 15 VIKUSKIFTI Í desember mánaði í fjør fekk Youssif serstaka virðisløn frá skúla sínum í Los Angeles. Virðislønina fekk hann, eftir at hann hevði sýnt bæði vilja og hegni at hjálpa øðrum næmingi á skúlanum, tá hesin kom illa fyri. Næmingurin hevði fingið ein snudd í armin, men Yossif var skjótur at finna ís at køla armin niður við, og eisini eydnaðist honum at steðga bløðingini. – Ein drongur hevði ilt, og eg hjálpti honum. Mær dámar at hjálpa teimum, sum hava pínu, tí eg veit hvat tað er at hava pínu, segði ein stórsmílandi Youssif, tá hann fekk heiðurslønina. Heiðursløn fyri at hjálpa Brezhnev tekur valdið 14. oktober 1964 tekur Leonid Brezhnev við sum aðalskrivari í Sovjetsamveldinum. Hann loysir Nikita Krushchev av. Brezhnev røkti sessin í 18 ár, og tað er bert Stalin, sum hevur sitið longri í sessinum. Í hesum tíðarskeiðnum fekk Sovjetsamveldið alsamt størri vald á heimspallinum. Ikki minst, tí Brezhnev støðugt valdi at økja um játtanina til herin. Ein játtan, sum við deyða Brezhnevs var upp á ikki minni enn 50% av samlaðu bruttotjóðarúrtøkuni hjá Sovjetsamveldinum. Brutu ljóðmúrin 14. oktober 1947 varð ljóðmúrurin fyri fyrstu ferð brotin av einum flogfari á røttum flogi. Tað var eitt Bell X-1 royndarflogfar hjá amerikanska herinum, sum varð nýtt til flúgvingina, sum fór fram í oyðimørkini í syðra partinum av California. Umborð sat Chuck Yeager, sum við hesum gjørdist ein av stóru amerikonsku samtíðarhetjunum.