fríggjadagur 9. november 2012síða 46

Fríggjadagur 9. november 2012 · Nr. 131 46 Sosialurin Hugskot og viðmerkingar – send sms til 225000 Ítróttur VÍF fekk øll stigini, tá teir vóru á vitjan í høllini á Hálsi. Kyndil kom best frá byrjan, men helst skuldi VÍF verið á odda við fleiri enn trimum í hálvleikinum. Spenningurin vardi líka til átta sekund fyri tíð, tá VÍF kom á odda við tveimum. Kyndil fekk tvey tey fyrstu málini og tóktust tendraðir, men VíF svaraði aftur. Móti endanum av hálvleikinum vóru Kyndlamen ein maður í yvirtal í fýra minuttir, men megnaðu ikki at útnytta støðuna. Millum annað langaði Rasmus Junker ein bólt í málhornið. Tá Kyndil so skoraði, so var tað fleiri ferðir upptakt til skjóta byrjan frá gestunum. Tað gav mál einar tvær ferðir og kostaði Josef Abrahamsen eina útvísting, tá mátti stegða einum skjótálopi. Finnur Hansson megnaði at minka um munin við góðum skotið í seinasta sekundinum av hálvleikinum, so munurin var trý mál í hálvleikinum. Kyndil svaraði væl aftur í fyrru hálvu av seinna hálvleiki. Tíggju minutir fyri tíð kom Kyndil upp á 20-20, men megnaði ikki at taka av, tá VÍF í fleiri førum vóru í undirtal. 90 sekund fyri tíð var time-out, og støðan var javnleikur 22-22. VÍF hevði bóltin og skoraði upp á sítt álop. Tað eydnaðist ikki Kyndil at svara aftur, og í seinastu sekundunum avgjørdi VÍF dystin til 24-22. Úrslitið merkir, at VÍF nú yvirhálar Kyndil á stigatalvuni og hevur saman við H71 átta stig á ávíkavist øðrum og triðja plássi. Kyndil hevur sjey stig á fjórða plássi. Strandingar vunnu mikukvøldið 29-20 á Neistanum. Úrslitið merkir, at StÍF nú hevur seks stig á fimta plássi, meðan Neistin frmvegis bara hevur tvey stig á næstaftasta plássi. Hóast StÍF hevur verið verið væl við í teimum flestu av dystunum í ár, so er tað bara blivið til tvey stig higartil. Mikukvøldið lá betri fyri, men tað var ikki fyrr enn fimm minuttir fyri tíð, at sigurin gjørdist tryggur. Í hálvleikinum var munurin tvey mál. Fyri neistan var tað serliga Terji Mørk, sum gekk undan við at skjóta mál. Hann skoraði fimm av sínum átta í fyrra hálvleiki. Áki Mørk, venjari hjá Neistanum, hevur fyrr víst á, at unga liðið hjá Neistanum manglar royndir. Tað kom til ssjóndar, tá Neistin mistið takið fimm minuttir fyri tíð. Tá var munurin framvegis bara trý mál, men StÌF seks mál upp í slag og endaði við at vinna ein tryggan sigur. VÍF vann á Kyndli Kyndil – VÍF 22-24 (11-14) Kyndil: Finnur Hansson 7, Ludvík Súnason 4, Josef Abrahamsen, 3, Birgir Poulsen 2, Thorvald Abrahamsen 2, Hørður Fannar Sigtorsson 2, Andrias Sólsker 1, Høgni Klein Olsen 1 VÍF: Magnus á Rógvu 4, Andrias Eriksen 4, Filip Jojic 4, Martin Ritto 4, Rasmus Junker 3, Joen Pauli Høgnesen 2, Bárður Brimsvík 1, Angar Joensen 1, Holger Durhuus 1 StÍF – Neistin 29-20 (12-10) StÍF: Allan Norðberg 8, Sveinur Justinussen 5, Pætur Joensen 4, Borgar Danielsen 4, Marius Joensen 4, Rógvi Danielsen 2, Jógvan G. Joensen 2 Neistin: Terji Mørk 8, Teitur Magnusson 4, Torstein Balle 3, Ári Roch 2, Andras Joensen 1, Beinir Davidsen 1, Rógvi Nolsøe 1 StÍF dregur frá botninum Tað var spenningur til seinasta minutt, tá Kyndil mikukvøldið vann 24-22 á felagsliðnum VÍF/Tjaldur. Í hálvleikinum var felagsliðið á odda við fýra, men tíðliga í seinna hálvleiki kom Kyndil upp á javnt. Dysturin kundi koppa báðar vegir, men tríggjar útvísingar upp á seks minuttir gjørdi fortreyturnar hjá gestunum nakað verri miskeiðis í seinna hálvleiki. Kyndil valdi eisin at mansverja Adinu Petrea í seinna hálvleiki, eftir at hon skjeyt heili fimm mál í fyrra hálvleiki. Liljan Djurhuus og Sarah Hansen toku tí yvir í seinna hálvleiki fyri felagsliðið. Kyndil fekk oda seg framum. Við støðuni 23-22 hevði VÍF/Tjaldur ein risa møguleika at javna, men Tomma Petersen stórbjargaði í Kyndla málinum. Í hinum endanum avgjørdi Kyndla toppskorarin, Guðrið G. Eysturberg dystin við máli til 24-22. Kyndil knógvaði VÍF/Tjaldur Kyndil – VÍF/Tjaldur 24-22 (12-16) Kyndil: Guðrið G. Eysturberg 7, Turið Arge 4, Ásleyg Súnadóttir 3, Jórun Ludvig 2, Bjarta Johannesen 2, Anna Brimnes 2, Anja Heinadóttir 1, Birita Mortansdóttir 1, Annika Sigurðsdóttir 1, Randi S. Wardum 1 VÍF/Tjaldur: Adina Petrea 7, Liljan Djurhuus 5, Sarah Hansen 5, Amanda Kristensen 3, Heidi Sevdal 1, Tóra Seloy 1