mikudagur 28. november 2012síða 28

Mikudagur 28. november 2012 · Nr. 139 28 Sosialurin Hugskot og viðmerkingar – send sms til 225000 Ítróttur Tróndur Arge Máldur eftir einum føroyskum máti­stokki hevur Símun Samuelsen roynt nógv í sínum fót­bólts­lívi. Hann flutti sum blað­ ungur úr heimbygdini í Vági til Gøtu at spæla fótbólt. Hann setir met, tá hann sum 17 ára gamal spælir sín fyrsta landsdyst. Eitt met, sum Ingi Højsted tekur bara fáar dagar seinni. Sum 19 ára gamal fer hann til Íslands at spæla við Keflavík. Tað eru familjubondini til Íslands, sum gera skiftið møguligt. Símun vinn­ur steypakappingina, og í 2008 eru teir bara ein sigur frá at vinna meistaraheitið. Í 2007 verður vábingurin út­ leig­aður til Songdal – ella tað heldur hann. Tað er ikki fyrr enn hann stendur við sáttmálanum í hondini, at hann gerst greiður yvir, at talan allarhelst ikki er um fyrrnevnda felagið. Hann hevur tá bara minuttir at umráða seg í, tí flyt­ingarvindeygað letur aftur. Tað hava verið boð eftir honum úr Noregi síðani, men Keflavík vildi hava tríggjar milliónir krón­ ur fyri kvika vongin. Í 2010 kemur hann aftur til Før­oyar at spæla fyri HB. Hóast for­teyturnar við umstøðum, familju og arbeiði eru øðrvísi, enn tá hann sum 19 ára gamla fór til Íslands, so hevur hann ikki uppgivið dreymin um enn eitt út­lands­ævintýr, skuldi rætta til­ boðið komið á borðið. Øll spæla fótbólt Símun er næst elstur av fimm systkjum. Petur Óli er elst og hevur eins og Sára, Jón og Edith Maria spælt fótbólt. Eisini for­ eldr­ini íðkaðu ítrótt. Pápin, Sámal, spældi sjálvur fótbólt, meðan mamman, Anna Maria, spældi hond­bólt. Í nærumhvørvinum búgva fleiri dreingir, sum eru javngamlir. Er tað ikki venjing á skránni, so spæla teir saman. Mangan er tað bólt­urin, sum er høvðusleikurin í spæl­inum. Símun er millum teir góðu í heimbygdini. Sum fimm ára gamal tekur nábúgvin, Páll Augustinussen, hann við til eina venj­ing. Millum teir, sum venja við, eru Palli Augustinussen, son­ ur Páll. Teir eru nøkur ár eldri, men Símun er treiskur og roynir at vera við. Fótbólturin fyllir nógv í ungu døgunum, men hóast Símun er millm teir góðu í heimbygdini, so er hann ikki bjartasta stjørnan í 85 árganginum. Sum 16 ára gamal verður hann úttikin til føroyska U16 landsliðið, sum er í kapping í Føroyum. Mill­ um leikararnar á liðnum eru Ingi Højsted, Gunnar Nielsen og Rókur av Fløtum Jespersen. Símun situr sum tann einasti á bonkinum allar dystirnar og allar minuttirnar. – Eg minnist hvussu pínligt tað var, tí eg var millum teir eldru á lið­num, men slapp ongantíð inn, greiður Símun frá. Hann er júst komin frá venjing, tá Sosialurin hittir hann á Hvonn. Símun hevur stóran áhuga fyri fótbólti, og tað fyllir eisini væl í prátinum. Bankakundaráðgevin er avslappaður at tosa við, og hann geiður íðin frá teimum nógvu hendinginum, hann hevur ver­ið út fyri í fótbólti. Vónbrotið á U16 verður skjótt skúgvað til viks, tí VB hevur eitt framúr dreingjalið. Í 2001 vinn­ur Símun Samuelsen gull í dreingja­deildini. Við á liðnum eru grannarnir Jónar Borg Dahl, Poul N. Poulsen og Birni Kærbech. Árið eftir vinnur VB FM í ung­ lingum. Saman við Símuni er eis­ini tann í dag so navnframi, Lukasz Cieslewicz við á liðnum. Símun er sjálvur liðskipari. Krzysztof Popczynski er venj­ ari, men annars eru um­støð­urnar í Vági ikki tær bestu í ungu døg­ unum. Mangan hava bóltar­nir ligið úti allan veturin, og tað eru ikki meiri enn 3-4 bóltar til­sam­ ans. Hóast tað hevur VB nøkur gylt ár, har fyrsta liðið vinnur FM, meðan unglingar vinna eitt FM, og dreingjaliðið vinnur trý FM á rað. Birni stendur eftir Í 13. umfari í 2001 spælir Símun Samuelsen fyrstu minuttirnar í bestu deildini. Hann kemur inn móti bæði HB og NSÍ. Í næst­ seinasta umfari sita barn­dóms­ vin­ir­nir og grannarnir, Símun Samuelsen og Birni Kærbech sum teir einastu á bonk­inum hjá VB. Liðið er á vitjan á Eiði, har EB/Streymur tekur ímóti. Jákup símun samuelsen vangamynd Hann flutti sum ungur til Íslands at royna fótbóltseydnuna, men náddi ikki so langt, sum hann kundi ynkst sær. Hann skuldi eina ferð til norska Sogndal, men tá ið hann skrivaði undir, stóð annað felag á sáttmálanum. Keflavík metti hann hava eitt virði upp á tríggjar milliónir krónur. Hann er 27 ár og hevur ikki uppgivið dreymin um enn eitt fótbóltsævintýr. Hann er Símun Samuelsen Símun droymir enn ...framhald á síðu 30 Um eg skal siga nakað sum eg haldi eg mangli at royna, so er tað at spæla í bestu deildini í eitt nú Noreg ella Svøríki