mánadagur 14. januar 2013síða 10

Mánadagur 14. januar 2013 · Nr. 5 10 Sosialurin Hugskot og viðmerkingar – send sms til 225000 Havi ætlað leingi at fest nøk­ ur orð í blað um Begguna og Jógvan Clementsen heiman av Sandi, ið andaðust fyri knapt einum ári síðani, ja eg haldi tað vóru ikki tríggir mánaðir í millum and­lát­ini hjá teimum, í hvussu so er var eingin jaraferð ímill­um tey bæði her í kirkju­garð­in­ um heima á Sandi. Fyri at lýsa tey bæði kann eg taka Jógvan fyrst. Jógvan var álitismaður við lít, bæði á sjógvi og landi. Hann var sjómaður meginpartin av lívið sínum. Hann var bæði við trolara, slupp, línubáti, snellubáti og eisini var hann skilagóður útróðrarmaður, og eg haldi ikki eg taki munn­in ov fullan um eg sigi, at hann kendi hvørt mið og hvønn streym­kvarða rund­ an um Sand­oynna, sum sín egna buksu­lumma. Jógvan silgdi eisini ímill­ um Sand og Skúgvi í mong harrans ár. Fyrst við seksær­ ing­inum Breiðaness saman við bróður sínum Hanus hjá Hanusaklæmunti. Og so førdi hann Sildberan í mong ár. Hetta mundi neyvan altíð vera so tespuligt, ser­ liga tá sjúkraflutningur var á skránni. Innløgumaður var hann sera nærlagdur, og tað er ikki lítið hann dró til húsa bæði av sjógvi og landi og úr bakkanum eisini . Hann var eisini seyðamaður í mong ár, og ikki at for­gloyma álitis­ starvið sum grinda­formaður og merkjari. Eg kann kanska taka eina hending, ið situr sera fast í minnunum tann dag í dag . Grind var deyð á Sandi, og eg norð á gólvið um kvøldið, fyri at fregnast hvussu gekk. Komi inn í kjallarin, og síggi Jógvan situr mitt upp í dunganum av spiki og tvøsti, ið var ein stór rúgva, kanska eini 8-10 skinn, eg spyrji heldur spoyskliga, hvat ætlar tú við øllum hes­ um. Ætlar svara Jógvan, tú veit væl at eg havi nógvar munn­ar at metta bæði so og so . Jógvan dróst við herviliga sjúku, tey síðstu árini hann livdi, og hann var eisini niðri á Ríkissjúkrahúsinum í nakrar mánaðir, har døtur- nar báðar Jonna og Elsa skiftust um at vera um hann. Hann kom aftur til Sands tað síðstu tíðina at vera, og eg haldi at hann kundi ikki fingið tað betur, enn uppi hjá Jonnu og Kristjani, ið vóru sera góð við hann. Stóra takk eiga tit fyri tað. Jógvan gjørdist 79 ára tá hann legði árarnar inn. Bergfríð vanliga nevnd Beggan, var eisini ættað heim­an av Sandi. Hon vaks upp undir brekkuni hjá abba og ommu síni, og har bú­leikaðist hon alt sítt lív. Jógvan og hon høvdu eitt fyri­myndarligt lív saman, hóast tey ikki altíð vóru so einig bæði. Beggan var sera lítllátin av lindi, hon dámdi ongantíð at vera róst av nøkrum. Hon segði ongantíð nei um hon var biðin at taka hond í við onkrum. Hon stóð mangan á odda fyri matgerð, bæði í veitslum, og eisini í ervum og hennara partur lá ongantíð eftir, hvar hon var. À flakavirkinum var hon í mong ár, bæði á Sandi og Skopun, har fekk hon, sum vera mann mong vinfólk, tað gav seg eisini til kennar tá hon fór til gravar. Kann lítið ætlað, at tit døt­ur, svigarsynir við børn­ um sakna tey bæði sera nógv. Hvørjaferð man kemur koyrandi norð eftir veg­num og hyggur niðan í køks­vind­ eygað leita tankarnir aftur á farnar dagar. Har tey plagdu at sita so fitt, hon við stokkum, meðan Jógvan sat og teldi burtur av einari grindalykkju ella einum kjógvi. Eg sigi teimum takk og hitt síðsta farvæl, undir brekkuni var løtan sæl At lata eftir eina øll tey, mær vóru kær, man ferðina mær meina, tað loyni eg ei tær ; tó vil eg fróur fara til tín . Mín Guð, við treyst, tí tú vilt tey varða og goyma tey best. H.S.V Nøvn Minningarorð Eins og undan farin ár verður vælumtókti kynd­ils­ messu­dansurin í Haralds­ sundi á skránni í 2013. Hesa­ferð verður hann fríggja­kvøldið 25. januar og byrjar dansurin klokkan 22.00 og endar klokkan 3.00. Kostnaðurin fyri kvøldið er 100 krónur, og tá er matur íroknaður prísin. Fleiri dansifeløg hava víst kvøldinum áhuga, so væntandi verður dansurin væl vitjaður. Haraldssund er gomul kyndulsmessubygd, og eru fyrireikararnir glaðir fyri, at tað hevur eydnast at endurreisa hesa gomlu siðmentan í bygdini. Kyndulsmessudansur í Haraldssundi