týsdagur 22. januar 2013síða 38

eykablað l januar 2013 Ókeypis lýsingarblað 2 Miðbýurin & eg Bjørn Ámundsen 18 ár Hvat gert tú í miðbýnum í dag? – Eg eri sjálvur annar á ísvøllinum við 12 børnum úr Frítíðarskúlanum í Hoyvík, har eg arbeiði sum hjálparfólk. Vit vóru eisini her í síðstu viku. Børnini eru »sjúk« eftir at sleppa á ísvøllin, og eg haldi, at hetta er eitt rættiliga gott tiltak hjá býráðnum. Hvat dámar tær væl við miðbýnum? – Eg haldi, at miðbýurin er hugnaligur og eitt gott stað at fara við børnum. Miðbýurin er eisini hugnaligur fyri ungfólk í mínum aldri. Hvat kann gerast betri? – Sum 18 ára gamal, haldi eg, at her kundu verið fleiri opnar kafé’ir, eins og kaféin, sum Hvonn plagar at hava í Vágsbotni. Eg kundi væl hugsað mær at sitið meiri úti um kvøldarnar á kafé, tá veðrið er gott, helst við hitara á vetrardegi. Yndisstað? – Mær dámar væl at fara á Hvonn, og annars eri eg av og á aðrastaðni í býnum, tá høvið býðst. Halgerð Midjord 22 ár Hvat ger tú í dag? – Eg arbeiði í Skóhorninum í Bøgøtu, men fái frí um eina løtu. Eg fari til balett hjá fimleikarfelagnum Ljósinum, har eg eri venjari. Hvat dámar tær væl við miðbýnum? – Jú, eg haldi, at miðbýurin er nokso hugnaligur, men eg kundi hugsað mær, at her vóru fleiri opnar kafé’ir, har tú kundi sett teg uttandura, tá løturnar eru. Hvat kann gerast betri? – Síðan eg fyrstu ferð sá myndirnar við Havnará opnari, havi eg verið rættiliga hugtikin av hesi mynd. Eg haldi tí avgjørt, at ein opin Havnará hevði gjørt miðbýin nógv meiri hugnaligan, enn hann er í dag. Hetta hevði verið prikkurin yvir i’ið. Eg kundi eisini hugnað mær fleiri grøn økir og litir. Yndisstað? – Eg gangi mest í Sirkus í Vágsbotni, har eg eisini arbeiði. Her eru fitt fólk, og hetta er eitt deiligt stað. Elna Dam 28 ár Hvat gert tú í býnum í dag? – Eg eri partur av einum mammubólki, og nú eru vit á Hvonn. Vit eru níggju í bólkinum, men í dag eru vit fimm, sum eru úti saman. Hvat dámar tær væl við miðbýnum? – Mær dámar væl miðbýin, men eg haldi, at ymiskt kundi verið øðrvísi og betri. Hvat kann gerast betri? – Eg haldi, at gongugøtan í miðbýnum skuldi verið stongd fyri bilaferðslu, heilt avgjørt. Tað hevði gjørt miðbýin enn meiri hugnaligan. Yndisstað? – Mær dámar væl at vitja oman í Kaffihúsið í Vágsbotni, og mær dámar eisini væl at koma inn á Hvonn. Eg keypi vanliga í FK í Sverrisgøtu, og tað passar mær væl, at handilin, sum hevur allar vanligar gerandis­ vørur, nú hevur opið til klokkan 22.