týsdagur 22. januar 2013síða 40

eykablað l januar 2013 Ókeypis lýsingarblað 4 Lærlingurin hesaferð Fríðgerð Petersen Áðrenn Fríðgerð Petersen fór í læru, hjálpti hon til í fjósinum hjá Poul Müller. Henni dámdi serstakliga væl at arbeiða við hestum og hon ríðir næstan hvønn dag úti í Havnardali Fríðgerð Petersen eigur sjálv ross, eina ryssu, ið er 19 ára gomul. Hon hev­ur havt áhuga fyri hestum síðani hon var smágenta. – Eg fekk mín fyrsta hest, tá eg var 11 ára gomul, og hesturin, eg havi nú, er tann triðji í røðini. Fríðgerð sigur, at meginparturin av frí­tíðini fer við hesum. Men dagliga er Fríðgerð Petersen í læru sum kramba­ kvinna. – Eg havi verið í læru í næstan fýra ár hjá Sirri og Noa Noa, sigur hon. Eg havi altíð havt stóran áhuga fyri móta, og tá eg so fekk læruplássið bjóðað frá Óluvu á Lofti, so tók eg av hesum tilboð. – Eg haldi, at hettar er eitt rættu­ liga spennandi lærupláss, og eru nógv­ar av­bjóðingar hvønn dag, eitt nú um summar­ið, tá ið ferðafólk vitja okk­ara land. Hon heldur eisini, at tað er rættu­ liga áhugavert at skipa fyri móta­fram­ sýningum. – Hetta er spennandi at arbeiða við, og serstakliga læruríkt at leggja til rætt­is eina slíka mótaframsýning. Her er tað áhugaverda at velja klæðini til modell­ini og at fáa tað heila at ganga upp í eina hægri eind, sigur hon. Fríðgerð sigur víðari, at hnenni dámar eisini sera væl at prýða glugg­ ar­nar, bæði hjá Sirri og Noa Noa. – Gluggarnir eru jú andlitið hjá handlunum, og tað ræður um at teir eru so snotuligir og møguligt er. – Eg var til Copenhagen Fashion Week fyri tveimum árum síðani, og helt at hetta var sera spennandi. Vit fóru millum annað at vitja sniðgevararnar, og tær nýggjastu »kollektiónirnar«. Eisini vóru vit í Øksnehallen, har hugdu vit eftir kollektiónum hjá Jóhannu av Steinum, ið hevði framsýning har tá. Hetta var ein stór inspiratión fyri meg, og gjørdi hetta eisini sítt til, at mín áhugi ikki minkaði fyri hesum, sigur Fríðgerð. Útbúgvingin hjá Fríðgerð Petersen tekur vanliga trý ár. Men av tí at hon onga miðnámsútbúgving hevði, tekur tað í hennara føri fýra ár. – Tað ber til at taka skúlagongdina í Danmark, men eg valdi at taka skúla­ gongdina í Føroyum, av tí at eg ikki kann verða burtur frá mínum hesti í langa tíð í senn. Men hvat heldur Fríðgerð um handils­lívð í miðbýnum? –  Eg haldi, at handilslívið í mið­ býnum er blivið nógv betur, men ein stórur vansi fyri okkum handlar er, at ikki er nóg mikið av parkerings­ møguleik­um uttan fyri hjá okkum, og eg veit eisini um aðrar handlar, ið hava hendan trupulleika. Eitt nú fyri Noa Noa, ið liggur mitt á gongugøtuni, er hetta ein stórur trupulleiki, tí tú hevur bert loyvi at parkera í 15 min, men eg eri glað fyri, at nógv var gjørt burturúr mið­bý­num á jólum, tí tað var virkiliga ein hugna­lig tíð, og so komu eisini nógvir før­oy­ingar at vitja miðbýin um jólini. Eftir lokna útbúgving ætlar Fríðgerð Petersen sær víðari í skúla. – Men eg eri eitt sindur í iva um, hvørja leið eg skal fara, sigur hon. 21 ára gamla Fríðgerð Petersen, hevur umframt fólkaskúlan, eisini FHS í samband við læruna Mynd: Álvur Haraldsen