týsdagur 22. januar 2013síða 48

eykablað l januar 2013 Ókeypis lýsingarblað 12 Igloo við tógvi úr lamaull - Síðan eg keypti handilin, havi eg fingið tógv úr lamaull, sum er ógvuliga bleytt og heitt - og sum nakað nýtt fái eg um dagarnar eisini íslendskt tógv av slagnum Ístex, sigur Jansy Simonsen, sum eigur og rekur Igloo Tað var hin 10. desember í fjør, at Jansy Simonsen keypti handilin Igloo, sum húsast í egnum hølum í Sverris­ gøtu 19 í Havn. Jansy hevur ikki rikið handil áður, men sjálv hevur hon bund­ið, síðan hon var smágenta. - Eg havi stóran áhuga fyri binding, og sum oftast bindi eg eftir egnum upp­skriftum. At keypa ein handil er ein stór avbjóðing, men hetta er eisini spenn­andi. Jansy sigur, at høvuðsútboðið hjá Igloo er tógv, men handilin hevur eisini ymiskt til brodering. - Í framtíðini fara eg helst at leggja meg enn meiri eftir tógvi og tí, sum her til hoyrir, sigur hon. Ymisk tógvsløg Handilseigarin í Sverrisgøtu sigur, at hon hevur tógv til ymiska binding og nýts­lu, og talan er soleiðis um nógv sløg av tógvi. - Síðan eg keypti handilin, havi eg eisini fingið tógv úr lamaull, sum er ógvu­liga bleytt tógv og heitt. Jansy Simonsen sigur, at sum nak­ að spildurnýtt fær hon um dagarnar eisini íslendskt tógv av slagnum Ístex. - Ístex, sum er úr ull av íslendskum seyði, er kent í Føroyum. Igloo selir eisini tógv, sum føroysku veitar­ar­nir, Snældan og Sirri, standa aftan­fyri, sigur hon. Bindikapping Enn er nýggi eigarin av Igloo ikki kom­ in har til, at hon hevur hugsað um eina nýggja føroyska bindibók, men hon er vorðin partur av einum øðrum og nýggj­um hugskoti. - Á facebook er ein stórur bindi­ klubb­ur, og saman við hesum bindi­ klubba og Smyril Line er nú upp á tal at gera ein túr við Norrønu í mai. Jansy sigur, at skipað verður fyri einari bindikapping, har tógv verð­u­r keypt í Igloo, og síðan kunnu kvinn­ ur­nar, sum eru við í kappingini, lata bund­nu pløggini til Igloo. - Her verður so mett um pløggini, og vinnarar verða funnir. Avdúkaðir umborð Handilseigarin sigur, at hugskotið er at skipa fyri einum túri við Norrønu í mai, har bundnu pløggini verða víst fram, eins og handilin tekur við ein part av sínum útboði. - Umborð á Norrønu verða vinnar­ ar­nir so avdúkaðir, men alt hetta fáa viðskiftafólk og stóri facebook bindi­ klubb­urin at vita nærri um, sum tíðin gong­ur, sigur Jansy Simonsen. - Eg havi ikki átt handil áður, men eg havi bundið, síðan eg var smágenta, sigur Jansy Simonsen, sum eigur og rekur Igloo í Sverrisgøtu Mynd: Álvur Haraldsen