fríggjadagur 14. desember 2012síða 42

nr. 146 · 14. desember 2012 2 VIKUSKIFTI Ferðavinna Eyðun Klakstein eydun@sosialurin.fo Tað loysir seg at hýsa upptøkunum til ein stórfilm, og tað var kanska nakað, sum føroyingar eisini kundu arbeitt fyri í komandi tíðum. Í øllum førum fær Ný Sæland nógvar pengar í kassan av, at nýggja filmsrøðin um Hobban gongur fyri seg í Ný Sælandi. Fyrsti filmurin, sum í gjár varð frumsýndur kring heimin, er fyri stóran upptikin har norðuri á Ný Sælandi, og ferðavinnan í Ný Sælandi ger sær dælt av hesum við stórum lýsingaátøkum, sum skulu draga ferðafólk til landið. – Vit ætla sjálvandi at nýta hendan møguleikan at promovera Ný Sæland til tær hundraðtals milliónirnar av fólki, sum fara at síggja filmin, sigur Kevin Bowler, sum er ferðavinnustjóri í Ný Sælandi, við miðlarnar. Pengar í kassan Og líkt er til, at lýsingaátøkini fara at gera mun. Roknað verður við, at bara í ár fara 150.000 fólk at leita sær til býin Hobbiton, har upptøkurnar eru gjørdar, og ein meting vísur, at Ný Sælandi fer at fáa meira enn tvær miliardir krónur um árið burtur úr ferðavinnu, sum hevur tilknýti til filmarnar um Hobban. Peter Jackson er leikstjóri av nýggju filmsrøðini. Fyrsti filmurin er júst frumsýndur, næsta ár kemur annar partur í røðini, og í 2014 kemur triði film­urin. Filmarnir byggja á bókina hjá J.R.R. Tolkien, sum eisini er týdd til føroyskt. Axel Tórgarð týddi søguna um Hobban, sum er frá 1937, til føroyskt. Tað eitur fólka­ upplýsing! Redaktørur: Eyðun Klakstein Útgevari: Sosialurin, www.sosialurin.fo Sniðgevi/umbróting: Pætur Eyðunsson Jensen, Sosialurin Forsíðumynd: Allan Simonsen / Mynd: Polfoto klumman Uni Holm Johannesen Ferðavinnan í Ný Sælandi hevur góðar dagar, nú nýggi filmurin um Hobban verður sýndur kring allan heimin Tað var ófatiliga arrogant at síggja sam­ gonguna undir viðgerðini av avtøku Lands­banks mikukvøldið. Øll fólkavald vistu, at henda óvæntaða avhøvdingin hevur birt óvissur millum fólkini í hesum landinum. Kortini sat samgongan bara tigandi og hugsaði um seg og sítt, nøkur lunka aftursvar komu frá Bill Justinussen og Jákupi Mikkelsen, meðan samgongan oysti um seg við hoyringssvarum, atfinningum og grund­gevingum, hví Landsbankin ikki skal avtakast. Landsins ovasti, sjálvasti Kaj Leo, vildi heldur ikki á røðarapallin at sissa nakran. Ikki eitt kis. Heldur ikki á Facebook. Og hetta er langt frá fyrstu ferð. Sitandi sam­gonga hevur aldrin tikið fyrilit fyri fólk­inum. Tað skal aldrin grundgevast fyri nøkrum! Samgongan vildi ikki fortelja fólkinum, hvørji árin flatskatturin fekk. Eingin vildi útgreina avleiðingarnar av for­ skatt­ingini av pensjónum. Og eingin hevur grund­givið gjølla fyri okkum, fólkinum sum búgva her, hví Landsbankin skal avtakast. Tá fjølmiðlarnir lova sær at traðka í karakter og seta valdsharrum spurningar, verða fjølmiðlafólkini bara skýrd fyri at rotta seg saman í herferð móti samgonguni. Skamm fái tykkum, skítbýttu journalistar! Eingin veit, um hetta er rætta leiðin. Nú bíða vit. Riggar tað, so er tað meira hepni enn skil. Riggar tað ikki, hvat so? Hvar er kjakískoyti hjá samgonguni? Hvar eru lesarabrøvini og útgreiningarnar hjá Jørgeni Niclasen? Hví fyriheldur meirilutin í fíggjarnevndini seg ikki til atfinningarnar í hoyrings­svarinum? Hví lýsir samgongan ikki málini, sum koma fyri? Eiðasørt. Tit kunnu ikki taka so stórar avgerðir uttan at fortelja hví og hvat. Í Løgtinginum er eisini lítið og einki at frætta frá samgonguni. Har eru viðgerðirnar oftast innantómar og hjálparsleysar, sum sjáldan er sætt fyrr. Er tað løgið, at meirilutin av fólkinum ræðist? At nógv fólk kenna seg ótrygg? Tað er ikki andstøðan, sum er trupulleikin. Tað eru ikki fjølmiðlarnir, sum er trupulleikin. Tey, ið ráða fyri borgum, hava simpulthen ikki verið sannført fólk um, at henda gongdin er tann rætta. Tí breiður ein ótti seg fyri, at sam­gongan hevur ikki ánilsi fyri, hvat fer fram. Trupulleikin er tykkara. Argumentini vinna. Eingin ivi um, hvør stendur sterkast har. Eitt sunt fólkaræði rúmar ósemjum. Men eitt sunt fólkaræði hevur eisini eina fólkaupplýsingarsiðvenju. Fólkaupplýsing, fólkaupplýsing, fólkaupplýsing. Lat meg enda lesturin við orðunum hjá Bill Justinussen í útvarpssendingini Sjónarhornið. Vónandi ovtalaði hann seg. »Fyri meg persónliga, so haldi eg, at tað hevði verið fínt, um samgongan slapp frá at skula hoyra upp á alla hesa andstøðuna í mánaðir og ár frameftir.« So segði hann... Fáa milliardir burtur úr filmi Rokningina fyri skattalættan til tey múgvandi sendir landsstýrið komandi ættarliðum, so tey kunnu plágast av henni, og tí kunnu vit staðfesta, at hvørki í dag ella í framtíðini hevur sitandi landsstýri minsta hug til at taka ábyrgd av nøkrum sum helst sosialpolitikki. Vorðið sum leiðsla! Heðin Mortensen, borgarstjóri í Tórshavnar kommunu Ný sælendingar fáa nógva ferðavinnu burtur úr filmunum um Hobban