mánadagur 7. januar 2013síða 25

25 Mánadagur 7. januar 2013 · Nr. 2 Sosialurin Hugskot og viðmerkingar – send sms til 225000 Vága Floghavn: Methøgt ferðafólkatal í 2012 – Ongantíð áður hava so nógv ferðafólk ferðast umvegis Vága Floghavn sum í 2012. Samlaða framgongdin í 2012 var 10.9% ella 22.123 ferðafólk fleiri enn í 2011. Hetta merkir, at 225.532 ferðafólk ferðaðust umvegis Vága Floghavn í 2012. Gamla meti bleiv sett í 2008, tá 221.942 ferðafólk ferðaðust umvegis flogvøllin, sigur Vága Floghavn í tíðindaskrivi Eftir at flogbreytin bleiv longd, hevur framburður ver­ið innan føroyska flog­ vinnu. Breytin bleiv longd frá 1250 metur til 1799 metur. Nýggj innflúgvingartól eru tikin í nýtslu, og Atlantic Airways fekk umstøður til at gera íløgu í eitt nýtt Airbus 319 flogfar. Tølini vísa umframt eina framgongd í ferðafólka­tali­ num, at reglusemi til og frá Vága Floghavn er hækkað. Hetta merkir, at ferðafólk í enn størri mun kunnu líta á, at tey kunnu koma og fara til ásettu tíðina. Harumframt so merkir hetta, at flogfeløg í minni mun skulu vænta eykaútreiðslur í samband við seinkingar og avlýsingar. Atlantic Airways er ein­ asta flogfelag sum flýgur regluliga ímillum Føroyar og útheimin. Umframt Atlantic Airways hevur flogvøllurin eisini havt vitjan av flog­ førum og flogfeløgum sum annars ikki hava roynt seg í Vágum áður. – Vit á Vága Floghavn eru sera fegin um framgongdina. Vit høvdu væntað, at 2012 bleiv eitt betur ár enn 2011, men at vit fingu ein vøkstur uppá heili 22.123 ferðafólk, var framúr. Vit roknaðu við einum lítlum undirskoti í rakstrinum, men nú sær tað út til, at raksturin fer at geva eitt lítið avlop, sigur Jákup Sverri Kass, stjóri í Vága Floghavn. – Vága Floghavn kann vænta stórar avbjóðingar komandi árini, tí at felagið er í gongd við at byggja nýggjan tænastubygning og farstøð. Útbyggingin kemur at hava við sær, at vit mugu taka nakrar avskrivingar, sum fara at hava neiliga ávirkan á okkara roknskap. Hóast hetta, so vænta og vóna vit, at komandi árini fer rakstri­ num av Vága Floghavn at geva eitt lítið avlop, sigur stjórin. Hvar kom vøksturin frá? Tølini hjá Vága Floghavn vísa, at vøksturin fyrst og fremst stavar frá framgongd á føroyska marknaðinum, og tað, at fleiri útlendingar ferðast hendanvegin. Fram­ gongdin liggur fyrst og fremst á donsku farleiðunum hjá Atlantic Airways, men í % er talan um ein munandi vøkstur ímillum Føroyar og Noreg. Í summarmán­aðu­ num er orsøkin fleiri ferða­ fólk, men frá septembur til novembur er vøksturin ser­ liga frá oljuboringini og før­ oyskum starvsmonnum, ið arbeiða í Noreg. Mett verður, at uml. 3,5 % av samlaða ferða­fólkavøkstrinum er or­ sakað av oljuflutningi. Barcelona hevur víst seg sum ein farleið, ið gevur nógv av sær, tá ið talan er um ferðafólk; eins og vøkstur í flutninginum av ferðafólkum ímillum Føroyar og Ísland. Sambært tølunum hjá Vága Floghavn, hevur talan verið um eina afturgongd í flutn­ inginum av ferðafólkum ímill­um Føroyar og London. Frá leiðsluni í Vága Flog­ havn ljóðar tað, at tey kom­ andi tíðina fara at byggja víðari uppá vøksturin. Tey vilja leggja nógv fyri at tryggja, at menningin av føroysku flogferðsluni held­ ur fram í 2013. Broytingar á flog­vølli­ num frá 8. januar Frá 8. januar og fram til miðskeiðis í 2014 verða um­ leggingar á økinum uttanfyri farstøðina og inni í sjálvari farstøðini. Fráferðaøkið verð­ ur flutt, soleiðis at fráferð, trygdarkanningar og tax­free­ -økið verður á einum øðrum stað, enn tað, ið fólk annars eru von við.   2012 0.00   5000.00   10000.00   15000.00   20000.00   25000.00   30000.00   35000.00   Jan   Feb   Mar   Apr   Maj   Jun   Jul   Aug   Sep   Okt   Nov   Des   Tal  av  ferðafólkum  frá   januar  1l  2esembur  2011   Tal  av  ferðafólkum  frá   januar  1l  2esembur  2012   – Við skelting, skermum og øðrum, so vóna vit, at vit ikki koma at órógva við­skiftafólk okkara meira enn neyðugt. Men fram til miðskeiðis í 2014, so verður talan um eitt sindur av órógvan. Saman við Articon, verkætlanarbólki okkara og starvsfólkum okkara vænta og vóna vit, at nýggja far­støðin og tænastubygning­arnir fara at bøta munandi um umstøðurnar hjá teimum ferðandi, sigur Jákup Sverri Kass, stjóri á Vága Floghavn. Jólaevangeliið á føroyskum í Dubai Jólaftan var norðurlendsk gudstænasta í Dubai, og har prædikaði føroyski presturin Marjun Lómaklett Randi Jacobsen Kl. 14 jólaaftan var norð­ur­ lendsk gudstænasta í norsku sjómanskirkjuni í Dubai. Gudstænastan var á fýra málum, føroyskum,donskum, norskum og svenskum. – Eg las jólaevangeliið á føroyskum og helt danska prædiku. Tað var sera stórt og gleðiligt fyri meg, sigur Marjun Lómaklett. Hon arb­ eiðir ikki fast sum prestur í Dubai, men hon býr har saman við familjuni. Løtan var ikki ein minni løta fyri teir 14 føroyingarnar, sum vóru til gudstænastuna. Kirkjan var fullsett jóla­ aftan. Nógvir norðurlendingar arbeiða í Dubai, og fleiri teirra høvdu vitjan av skyldfólki, sum høvdu hug at fara úr kuldanum norðan fyri at halda jól í Dubai, har hitin um høgtíðina lá um 30 hitastig.