mikudagur 9. januar 2013síða 8

Mikudagur 9. januar 2013 · Nr. 3 8 Sosialurin Hugskot og viðmerkingar – send sms til 225000 meldurin Rannvá G. Fossaberg Tað verður 43 ára gamla Kristi­anna Winther Poul­sen, sum komandi tíðina skal røkja sessin hjá Sjálv­stýris­ flokkinum í Løgtinginum. Hon tekur við eftir Jógvan Skorð­heim, sum hevur biðið um farloyvi frá Løgtinginum, eftir at hann nú er borgar­ stjóri í Klaksvík. – Eg verði ikki andstøðu­ politikari í samgongu. Hin­ vegin fari eg at royna so vítt gjørligt at sleppa undan gera neyðsemjur um eitthvørt, ið stríðir ímóti tí, eg sjálv haldi er rætt, sigur Kristianna Winth­er Poulsen. Má velja sínar bardagar Sum einasta umboð í Løg­ tinginum fyri Sjálvstýris­ flokk­in skal Kristianna Winth­er Poulsen so at siga vera fram­søgufólk í øllum mál­um. – Málið er at kunna seta meg inn í øll mál líka frá oljuprísum hjá Strand­ferðsl­ uni, ætlanunum um eitt Foun­tain House og til nýggju fiski­vinnu­lóg­gávuna. Sjálv­ andi veit eg ikki líka nógv um øll øki, men eg fari at leggja meg eftir, at vita so nógv um tað ítøkiliga málið, áðrenn eg taki støðu. Men at seta seg væl inn í øll mál og alla tíð vera virk­in í orðaskiftinum kann møgu­ liga gerast í so fram­søkið. Og hetta er Kristianna Winther Poulsen eisini tilvitað um. – Tí eri eg eisini greið yvir, at eg verði noydd til at velja mínar bardagar. Eg trúgvi eisini, at tað í stóran snýr seg um, at finna eina javnvág, greiðir Kristianna Winther Poulsen frá. Ein stríð, sum hon hevur ætlanir um at berjast fyri, er málið um fosturtøku og eina møguliga fosturtøkunevnd. Og Kristianna Winther Poul­sen er als ikki í iva um, hvørja støðu hon hevur til tað málið. – Eg eri ímóti, at fólk, ið hava sítt fulla vit, verða tvungin til eitthvørt. Eingin skal verða tvungin til at fara til eina ráðgeving, har ráð­ gevingin hevur eitt ávíst enda­mál fyri eyga, heldur Kristi­anna Winther Poulsen fyri. Men hvussu fer hon so at atkvøða, tá Karsten Han­sen, landsstýrismaður í heilsu­ málum, fer at leggja fram uppskot um tvungna ráð­ gev­ing í sambandi við fostur­ tøku? – Mín meginregla er, at vaksin fólk hvørki skulu ella kunnu tvingast til ráðgeving. Júst hvussu, eg fari at at­ kvøða, tá málið kemur fyri, veldst um, hvussu lógar­upp­ skotið sær út og um, hvørjir fakpersónar skulu sita í hes­ um bólkinum og veita ráð­ geving. Kennir eitt stórt trýst Kristianna Winther Poulsen dyl­ur ikki fyri, at hon kenn­ ir eitt ávíst trýst á sær, nú hon einsamøll skal um­boða Sjálvsstýrisflokkin í Løg­ tinginum. – Flokkurin er tann elsti í landinum, og sambært velj­arakanningum stendur Sjálv­stýrisflokkurin til ikki at koma inn um ting­ gátt­ina til næsta val, og tí kenni eg avgjørt eisini eitt stórt trýst á mær við hes­ um løg­tingssessinum, sig­ur Kristianna Winther Poul­ sen. – Vit vita øll, at til hvørt val er tað kontant avrokning, so jú, eg eri rættiliga spent fyri ikki at siga eitt sindur nervøs fyri at sita í sessinum hjá Sjálvsstýrisflokkinum í Løgtinginum. Serliga er tað tann harði tónin og tað at taka ópopu­ lerar avgerðir, sum Kristianna Winther Poulsen væntar fer at vera ein stór avbjóðing. – Nú er hetta ikki fyrstu ferð, eg siti í Løgtinginum, og tí veit eg eisini, at tónin inni í salinum mangan kann vera rættiliga harður. Tað er ikki altíð lætt at takla henda tónan, men tá er umr­áðandi at hava gott fólk rund­an um seg, og tað havi eg bæði í familju og vinfólki, sigur Kristianna Winther Poul­ sen. – Eg má bara lata meg í eina brynju, tá eg eri til ar­beiðis, og so lata meg úr henni, tá arbeiðsdagurin er liðugur. Torfør uppgáva Hetta er ikki fyrstu ferð, at Kristianna Winther Poulsen situr á Løgtingi. Tilsamans hevur hon verið inni í tríggjar vikur. Allíkavæl kennir hon seg ikki heilt trygga í tí ar­ beið­inum, ið stendur fyri framm­an. – Eg haldi, tað er torført at stýra í politiska landslagnum, finna ta røttu strategiina og vita, hvussu tú skalt vera sum politikari. Tað merkir tó á ongan hátt, at hetta ikki er ein spennandi avbjóðing, ið stendur fyri framman, og eg gleði meg veruliga at byrja løgtingsarbeiðið, sigur Kristianna Winther Poul­ sen. Kristianna Winther Poul­ sen ætlar sær at vera annað enn atkvøðuneyt, sum sam­ gongufólkini annars hava verið løgd undir at verið. – Eg fari at vera aktiv. Vænti næstan at tey vera noydd til at biðja meg halda munn, sigur Kristianna Winther Poulsen flennandi og heldur fram: – Tað er ikki nóg gott at sita í Løgtinginum og tiga fyri lønina, vit tingfólk fáa. Nú eigi eg alla talutíðina, og hana ætli eg at gagnnýta best gjørligt. Javnstøða framvegis týdningarmikil Kristianna Winther Poulsen er ikki heilt ókend. Í 2008 bleiv hon vald sum forkvinna í Javnstøðunevndina, og hetta heitið hevði hon fram til í fjør. At javnstøða skal vera millum menn og kvinnur er nakað, sum Kristianna Winther Poulsen framvegis ætlar at hava serligt atlit at. Eisini sum løgtingskvinna. – Javnstøða snýr seg ikki bara um kvinnur og teirra rættindi. Tað ræður um bæði kynini. Eitt nú haldi eg tað vera serstakliga týdningarmikið at fáa fleiri ungar dreingir at velja at taka útbúgving. Í dag síggja vit alt fleiri ungar dreingir, sum ikki trívast á skúlabonki, og velja at arbeiða heldur enn at útbúgva seg. Út­búgv­ ingarskipanin skal gerast meira liðilig og freistandi, eisini fyri dreingir. Tað vísir seg, at útbúgving hevur nógv at siga fyri møguleikar á arbeiðsmarknaðinum, fyri lívsinntøku og fyri lut­tøku í tí, sum fer fram í ein­um samfelag og ikki minst sam­ felagskjaki, sig­ur Kristi­anna Winther Poulsen. – Vinnulívið hevur góða umboðan í samgonguni, með­ an tey veiku í samfelagnum eftir míni meting mangla eina rødd, sigur Kristianna Winther Poulsen og heldur fram: – Tey, ið ikki duga nóg væl at orða seg, og tey, ið onk­ ursvegna hava ser­ligar av­ bjóðingar, verða ofta gloymd. Hesum sam­felags­bólkunum vil eg leggja meg eftir at lurta eftir. Sum skilst verður Kristi­ anna Winther Poulsen at síggja í tinginum komandi hálvár. Kristianna væntar kontanta avrokning - Hóast eg eri týpan, ið stendur føst við míni prinsipp, eri eg eisini greið yvir, at eg má velja mínar bardagar. Soleiðis sigur Kristianna Winther Poulsen, sum í næstum skal í Løgtingið fyri Sjálvstýrisflokkin Navn: Kristianna Winther Poulsen Aldur: 43 ár Bústaður: Hoyvík Útbúgving: Cand. Mag. frá RUC og Master í fyrisiting og leiðslu frá Robert Gordon University Fakta