mánadagur 18. februar 2013síða 31

31 Mánadagur 18. februar 2013 · Nr. 20 Sosialurin Hugskot og viðmerkingar – send sms til 225000 Lat tað vera sagt í stundini, mamma mín er røsk, ar­ beiðssom, eitt konubrot og mamma mín er virkin. Altíð í ferð við okkurt. Fýra børn í seks ár Í 1991 fekk heiðurin at verða fyrstføddi og einasti drong­ urin hjá mammu. Árið fyri gift­ist hon við babba. Í 1995 var friðurin úti, tí tá kom tann fyrsta systurin í verð­ ina. Óluva. Sum smá­drong­ur ynskti eg mær so inni­liga ein beiggja, so eg purr­aði upp undir, um tey ikki kundu royna einaferð aft­urat. Mamma og babba so gjørdu. Í 1997 náddi hon so aftur á sopp­in, tá við ovur­stór­um búki, tí tvíburar vóru ávegis. Tá hugsaði eg, at nú mátti fara at ganga. Men Guð hjálpi mær, komu tvær systrar aft­ urat og enn tá báðar ísenn. Eg trúði ikki mínum egnu eygum og spurdi tí­skil mammu á Lands­sjúkra­hús­ in­um, um lækn­arnir høvdu hugt orduliga eftir. – Men eftir­tíðin hevur víst og prógv­að at tríggjar systrar ikki eru so galnar kortini. Í hesi baldrutu og frukt­ bæru tíð vóru eg og mamma við babba úti og sigldu á heimsins høvum. Tað var í 1994 tá ið Óluva allar­helst hev­ur verið undir fram­ leiðslu. Í 2001 vóru vit eisini við Torm Kristinu úti og sigldu við babba. Tá var Óluva eisini við. Í 2006 var kvotan hjá mær uppbrúkt, tí tá vóru tað bert systrarnar og mamma við babba á heims- høvunum. Upplivingar utt­ anlands hava ikki vantað sam­an við mammu og pápa. Í 2000 vóru vit øll í Íslandi, í 2005 í Gran Kanaria og 2007 í Turkalandi. Mamma er røsk og arbeiðssom Tá ið mamma ikki arbeiðir á føroyska arbeiðs­markn­að­in­ um, arbeiðir hon í køkinum, stovuni, fjósinum, kirkjuni, sunnudagsskúlanum ella aðrastaðni. Ja, so hevur hon eisini verið deknur í skjótt eina fjórðingsøld. Tá ið mamma varð liðug í fólkaskúlanum, fór hon á tað, tey kalla “húspláss” niðri í eitt ár. Tá ið hon kom heim, dyrgdi Hans Olaf, tannlæknin í Klaksvík eftir henni, tí hon hevði verið so røsk har í starvsvenjing. Har bleiv fast, tí í 1986 varð hon sett í starv sum klinikkassistentur. Leggjast skal afturat, at tað vóru fleiri arbeiðsgevarar, ið vóru áhugaðir í røsku og ar­beiðssomu Elsebeth av Viðar­eiði. Men mamma er ikki bang­in fyri tí nýggja og ei heldur fyri at royna nakað nýtt. Hon fýltist til tíðir á, at hon ikki fekk sær út­búgv­ ing sum ung. Í hesum føri var hon heldur ikki ráða­ leys. Í 2007, eftir drúgva um­ hugsunartíð, avgjørdi hon at fara á Heilsuhjálparaskúla í Suðuroy. Í januar 2011 átti hon tvey góð prógv sum heilsu­ hjálpari og heilsu­røktari. Síðani hevur hon arbeitt á Sambýlinum á Heygnum og nú á Vesturstovu í Fuglafirði. Uttan at taka munnin ov fullan, so veit eg at hon er sera væl dámd. Hvør er ikki glaður fyri eina arbeiðssama, fryntliga, ábyrgdarfulla og virkna konu mitt í fjørut­ un­um? – Fyri okkara við­ kom­andi er tað ein fragd, at hava eina slíka mammu í hús­inum. Eingin er sum mamma Nú kunnu tit kanska gruna yvir, at hasin Danial er ein ordans mammudrongur. Um so er, er tað tykkum at ráða fyri. Eg eigi minst líka góðan pápa – tann lýsingin kemur helst, tá ið hann rundar ár. Men tað er torført ikki at leggja til merkis, alt tað, sum mamma dag og dagliga ger. Er okkurt tiltak í missións­ húsinum, er tað aloftast mamma, sum stendur við evstu ábyrgd til endans. Er okkurt serligt í kirkjuni, eitt nú tá ið vit fingu nýggjan prest, er tað aloftast mamma, sum leggur tann síðsta brikk­ in. Er okkurt merkisvert ella onkur broyting, sum skal gerast heima, er tað mamma, ið leggur upp til broytingina og tekur stigið. Ja! og hava vit, børnini, gloymt at smurt matpakkan – sum vit aloftast gera – er tað mamma (eisini babba) sum smyr hann. Tað er nógv meira, eg kundi skrivað. Men skjótt verð­ur silvurbrúdleyp. So okk­urt má goymast. Eingin sum mín mamma er, arbeiðir við fullari ferð. Hugagóð og eitt konubrot, brosandi sum eitt blídligt lot. Tillukku við degnum Vinarliga sonurin 70 ára føðingardagur Fríggjadagin 22. februar fyllir Jógvan E. Ósá, Klaksvík, 70 ár. 65 ára føðingardagur 24. februar verður Páll Leo, Vágur, 65 ár. Dagurin verður hildin leygardagin 23. februar frá kl. 10 til 16 í Jomsborg. Øll eru hjartaliga vælkomin. 50 ára føðingardagur Fríggjadagin 15. mars verður Mainhild Harrysdóttir Strendur 50 ár (Gugga). Dagurin verður hildin leygar­dagin 16. mars í Bygdarhúsinum frá kl 18, har øll eru vælkomin. 50 ára føðingardagar 18. mars fylla tvíburarnir Elias og Dánial Christoffersen 50 ár. Føðingardagurin verður hildin 16. Mars kl 19.00. Tey, ið vilja hátíðarhalda dagin saman við okkum, kunnu tekna seg við at ringja tlf. 23 73 23, 22 83 89 ella skriva til 180363@email.fo innan 3. mars 2013. Verið hjartaliga vælkomin! Elias og Dánial Føðingardagar 2. mars verður Sanna Saxov 65 ár og 3. apríl verður Karsten Saxov 70 ár. Í hesum sambandi eru familja, vinir, kenn­ingar og starvsfelagar vælkomin til brunch á Hotel Føroyum leygar­ dagin 2. mars millum kl. 10 og 15.30. nøvn Mamma mín ‘still going strong’ Mamma mín verður í dag, 18. februar, fýrati og fimm ár. Nøkur góð orð vil eg ogna henni á hesum degi, tí annað hevur hon ikki uppiborið.­ merkisdagar Silvurbrúdleyp Týsdagin 5. mars hava Helena og Finn Johannesen, Miðvágur, 25 ára brúdeypsdag. Dagurin verður hildin heima hjá okkum á Svabosvegi 22. Øll eru hjartaliga vælkomin. Helena og Finn