fríggjadagur 22. februar 2013síða 15

15 Fríggjadagur 22. februar 2013 · Nr. 22 Sosialurin Hugskot og viðmerkingar – send sms til 225000 nøvn Nú tú úr sjónliga liðnum er farin, minnini vitja so føgur og fín, um tínar fedrar, systkin og vinir, leiddur varð til teirra árin, og hví varð hesin fjálgandi flokkur so blíður við bygdardrongin Havnini í? Jú, tað var tykkara fjølbroytta atlit, bygt upp av áliti smáttuni í. Ei var hon rúmsátt í vídd og í vavi, virði fanst í henni – hjartarúm várt – treivst har, tí friðsom fólkini vóru, dugdu at fjølgast, um trongt var og smátt. Løgdu ei í tað, sum menniskju rokna stórt nú á døgum, tí spilla er í, vegna tað trongskygni, fólkini fáa fyri at skifta um stórt fyri gott Smíltust og kveistraðu burtur alt ótol, tolin tit sessaðust føgur og frí, mintust í nøgdsemi, gudsóttin alist, heimið bert trívast kann samleika í. Millum tey taldist tú, Erling, so glaður, áttand' av ellivu systkjunum blíð', sartur og árinamikil av lyndi livdi tú eginleikunum í. Legði til merkis móður tíns lyndi, dugnalig, hóskaði manninum væl, tók sær av hansara ynskjum við yndi, hegnisliga hon byrðina bar, árla á morgni hon ætlanir legði, hvør vaktur fyrst varð til hvat og hví, sendi meg niðan til morgunmannin "Wang" so blíður stóð handlinum í. Matmóðir lívgaði um meg við mildni, tilreiddi vørurnar hóskandi tí, monnunum líkaði tíðliga á morgni, fekk okkum undan so hvørt, og hví vakti hon Erling til seinast av øllum, sessaðist við honum køkinum í, hjúklaði um hann og bar honum yndi úr tí lyndi, henni var í? Nú eg tað skilji, sum lívið tað aftnar, hvat hon sá í tær ungdómi frá, fyrireikaði lívslagnu tína, eginleikarnar sálini hjá, snøggaði um teir og elvdi teg til at gerast tann maður, gudsdámur varð á, helmaði ei fyrenn málið var rokkið, knýttur tú nú vart til Harran og tá. Klárt tú sást fyri tær lívsætlan Harrans, Kristvør stóð hjá tær og rætti tær hond, knýttur til hana av Harranum eina eydnaðist framtíðin tær ei vond Harrin tilmáldi, børn tit fingu, Kristian og Súsanna lívgaðu sæl, heimið á Flatlondum, har tit fingu sátt og semju í aldingarð. Øll hesi systkini trivust og vóru prýði foreldranna, bóru í bý, krúnu av børnum, sum fedrarnir sóu, fegnaðust, eldust, viknaðu, tí tíðin frá teimum rann, tíðarlokið legðist um teirra nøgdsama lív, friðfylt og hvílandi vendu tey bakið til hesa tilveru heiminum í. Syngjandi sálmin, sálin var fríð: "Alene í håb til Gud, min sjæl er stille!" Heilsan við takksemi Poul Færø Erling Guttesen farin um sýn Systkini, aftast frá vinstru: Petur, Maja, Leivur, Óla Jógvan, Jens, Erling, Brynhild, Gunnar. Sitandi: Kirstin, Gunnhild og Ingrid Húsini við Tinghúsvegin Erling Guttesen við familju (uml. 1985) Í morgin, leygardagin klokk­ an 11, verður matiné í Christ­ ianskirkjuni í Klaksvík við heitinum At sigla, farast og hvørva. Talan er um eina øðrvísi matiné, har Monika Stauss og Dánjal Eysturstein spæla violin og klaver, meðan Heðin Kambsdal spælir á Orgul. Men eisini fara Elsa og Róland í Skorini á hesi Matiné­ini at hugleiða um hug­tøkini »At hvørva, sakna og ikki vita«. Hetta við støði í krígs­ áru­num, har 80 familjur í Før­oyum - undir og eftir 2. heimsbardaga ikki vistu, nær, hvar og hvussu menn, pápar og synir fórust. Eisini hava Frits Jo­hanne­ sen og Heðin Kambs­dal, lista­menn eina lítla lista­ fram­sýning við ímynd­um úr hesum sama – Holo­caust, ella fólka­týning. – Henda Matinéin er ein partur at Torraskránni, og øll eru vælkomin heilsa tey úr Klaksvík. Listamaðurin Pól Skarðenni læt upp listaframsýning í dag, fríggjadagin, klokkan 14 í Smiðjuni í Lítluvík í Havn. Opið verður hvønn dag fra klokkan 14 til klokkan 18 til og við týsdagin 26. februar – Myndaevni er tann føroyska natúran og bygda­ løg, sigur Pól Skarð­enni. Pól Skarðenni í Smiðjuni Matiné í Christianskirkjuni leygardag