týsdagur 26. februar 2013síða 62

27. februar 2013 SOSIALURIN FÓTBÓLTUR 2013 22 Víkingur bakgrund ■■■ Í fjør eydnaðist tað at vinna atgongumerki til altjóða fótbólt í summar við finalusigri í steypakappingini á EB/Streymi. Talan var um dramatiska upp­gerð, sum endaði við brotssparkskapping. Í lands­kapp­ ing­ini var úrslitið fimta plássið, men tað var bara mál­mun­ urin, sum skilti liðið frá bronsukrónunum. Í fjør løgdu teir í Eysturkommunu ógvuliga sannførandi fyri. Eftir sjey umfør var Víkingur ósigrað oddalið, men so var tað meiri striltið, og tað var eyðsýnt, hvør trupulleikin var. Tølini siga, at Víkingur skoraði færri mál enn hini lið­ ini, sum kappaðust um FM og heiðurskrónurnar. Finnur Justinussen royndi seg í Svøríki, og hóast felagið bæði heima á landi og uttanlands royndi at finna avloysaran, so eydn­aðist tað ikki. Miðvallarin Kaj Leo í Bartalsstovu var topp­skjútti. Síðani kappingarlok hevur hann royndarvant uttan­lands, men nú er tað greitt, at bóltsnillingurin eisini í ár verður á Víkinga liðnum, sum sær spennandi út. Álopsvápnið er hvest, tí Finnur Justinussen er aftur í barndómsfelagnum. Saknur er í Sølva Vatnhamar, sum er uttanlands í útbúgvingarørindum, men nýggju Jann Ingi Petersen og André Olsen styrkja um miðvøllin, har gomlu kenningarnir umframt Kaj Leo í Bartalsstovu eru Niclas Niclasen, Hans Jørgen Djurhuus, Hjartvard Hansen, sum í fjør spældi seg orduliga inn millum teir fyrstu ellivu, og Philip Djordjevic, sum vísti seg at passa væl inn, tá ið hann síðsta summar flutti úr KÍ og í Sarpugerði. Í verjuni eru royndirnar nógvar hjá Geza Turi, sum síðani 2006 hevur vart málið í Sarpugerði, og hjá verjuketuni: Bárður Hansen, Atli Gregersen, Erling Jacobsen og Hanus Jacobsen. Jógvan Martin Olsen er farin undir fimta árið við stýrisvølin á víkingaskútuni. Hann er ógvuliga tilvitaður um at skúla ungar spæl­arar til skipanina, og millum teirra, sum meiri og minni hava snoddað til besta liðið, eru Dánjal Pauli Lervig, Heðin Hansen, Ingi Sørensen, Magnus Jarnskor, Martin Olsen og Per Gregersen. Í Leirvík og Gøtu er áhugin fyri fót­bólti og Víkingi rættuliga stórur. Við spenn­ingi verður sæð fram ímóti altjóða av­bjóð­ingini í summar, og um tað skal eydnast at endur­vinna steypakappingina. Fyrst og fremst snýr tað seg tó um at røkka upp í toppin í landskappingini. Í fjør sást tað aftur og aftur, at síðsti brikkurin í putli­spælinum restaði. Hann er aftur í Sarpugerði, nú Finnur Justinussen – fyribils í hvussu so er – hevur slept uttanlands dreyminum. Harvið tykjast vánirnar vera betri. Finnur skal vísa, um hann framvegis hevur máltev, og harvið um hann megnar at umseta innleggini frá Kaj Leo í Bartalsstovu, Bárði Hansen og øllum hinum til mál og stig og endastøðu, sum er nærri toppinum enn í fjør. Víkingur hevur hvest svørðið ■■■ Síðani leirvíkingar og gøtumenn gingu saman í Víking, hava teir verið við í kappingini í bestu deildini í fimm ár. Ikki ber til at siga annað, enn at tað hevur hilnast væl. Liðið hevur vunnið steypakappingina tvær ferðir, og í landskappingini er úrtøkan tvær bronsukrónur, og tríggjar ferðir er liðið endað á fimta plássi Mál 1 Geza Turi 30 Elias Rasmussen Verja 2 Bergur Gregersen 3 Hanus Jacobsen 4 Atli Gregersen 5 Dánjal Pauli Lervig 12 Bárður Hansen 13 Erling Jacobsen 23 Niclas Niclasen 25 Hjartvard Hansen Miðja 7 Jann Ingi Petersen 10 Kaj Leo í Bartalsstovu 11 André Olsen 16 Hans Jørgen Djurhuus 19 Magnus Jarnskor 20 Jákup Olsen 22 Ingi Sørensen 27 Martin Olsen Álop 8 Heðin Hansen 9 Philip Djordjevic 17 Finnur Justinussen 18 Per Gregersen Venjari: Jógvan Martin Olsen Tilgongd Finnur Justinussen, André Olsen og Jann Ingi Petersen Frágongd Joseph Bassene, Evrard Blé, Fritleif í Lambanum og Sølvi Vatnhamar Bólt­snillingurin og topp­skjúttin í fjør, Kaj Leo í Bartalsstovu ■■■ 2. PLÁSS vit tippa: