týsdagur 26. februar 2013síða 64

27. februar 2013 SOSIALURIN FÓTBÓLTUR 2013 24 Víkingur profilur ■■■ T að var ein fegin Finnur Justinussen, sum tosaði við føroyskar fjølmiðlar eftir kappingarlok í 2011, tá tað gjørdist greitt, at hann fekk sáttmála við svenska Jönköping. Ein trýára sátt­mála, sum kom í hús eftir, at Finnur millum annað hevði skotið fýra mál í einum venjingardysti fyri felagið. – Hetta var tað, sum eg hevði droymt um, og nú fái eg møguleikan at royna meg og at menna meg, segði hann við Dimmalætting tann 23. november 2011. Og um longdina á sáttmálanum segði hann: – Tað eri eg ógvuliga errin um, tí tað vísir, at teir hava álit á mær. Samstundis merkir tað, at eg fái tíð at menna meg, og eg skal bara hugsa um fótbólt. Broyttist frá degi til dags Men fótbóltsverðin er eirindaleys. Frá degi til dags kann alt broytast – og tað gjørdi tað hjá Finni í Svøríki. Ætlanin var, at hann skuldi koma í gongd, venja seg við ferðina og spakuliga snodda til besta liðið. Men ein skaði helt honum úti í eitt hálvt ár. Síðani fór ítróttarstjórin úr felagnum, mað­urin sum upprunaliga hevði fingið Finn til felagið og sum trúði upp á hann. Og so endaði tað við, at venjarin ynskti at leiga føroyingin út til annað felag, fyri at fáa ein ann­an áleypara í staðin. Alt, sum byrjaði so væl, so brád­ liga rættiliga svart út. – Eg sat á beinkinum í tíggju dystir og kom inn í trimum av teimum. Eg spældi kanska ein hálvan tíma tilsamans. Tað er trupult, tá tú ikki fært kjansin at prógva títt virði. Eg var væl fyri og stóð meg væl til venjing, men venjarin valdi altíð hin áleyparan fram um meg. Líka mikið hvussu hann spældi. Tað kendist niðrandi, greiðir Finnur frá. Lært nógv Hóast tað ikki gekk sum ætlað í Svøríki, so heldur Finnur seg vera mentan sum leikari, nú hann er aftur í Føroyum. – Tað er ógvuliga deiligt at vera aftur. Eg haldi sjálvur, at eg havi lært nógv hetta lítla árið – eisini hóast eg havi verið skaddur. At taka ábyrgd er ein stórur partur av tí. Eg spældi nógv við U21-liðnum hjá felagnum, sum hevði tað besta kappingarárið nakrantíð, meðan eg var har, greiðir Finnur frá. Mótstøðuliðini vóru U21-lið hjá eitt nú fleiri liðum í bestu svensku deildini. Har gjørdi hann níggju mál í 11 dystum. Droymir enn um útlandið Tá tað gjørdist greitt, at Finnur fór at koma heim aftur til Føroya, segði hann við Sosialin 4. januar, at hetta kortini ikki var endin á hansara fótbóltsdreymum uttanfyri Før­ oyar. Tað heldur hann fast um. – Eg ætli mær framvegis at spæla fótbólt uttanfyri Føroyar aftur. Men eg føldi, at tað var best at koma heim, at koma í somu venjing sum áðrenn eg fór avstað. Heim at finna málið ■■■ Tølini tala fyri seg. 47 mál í 96 dystum í bestu deildini, har hann var toppskjútti í 2009 og 2011. Finnur Justinussen er nakrar royndir ríkari, nú hann er heima aftur. Og hann torir eisini at lova nøkur mál Og har síggi eg Víking til besta liðið til tað, sigur Finnur Justinussen, sum longu hevur funnið vegin til meskarnar í venj­ingardystum, sum Víkingur hevur spælt. – Eg veit, at eg dugi at skjóta mál. Eg skal tó líka finna rútmuna aftur, tí tað er eitt ár síðani, at eg spældi her seinast. Tað er altíð ringt at siga hvussu nógv mál, tað verður til og eg tori heldur ikki at lova, at eg verið topp­skjútti. Men nøkur mál geri eg heilt víst, sigur Finnur Justinussen avgjørdur. Topp trý Víkingur vann í fjør steypafinaluna, men gjørdist bara nummar fimm í deildini. Steypafinalusigurin er at fegnast um, men í ár skal vend koma í í landskappingini. – Vit síggja ljóst upp á kappingarárið. Útskiftingin hevur verið stór, men eg haldi ikki, at hópurin er viknaður. Topp trý er okkara mál, men sjálvandi fara vit eftir øllum, um tað er realistiskt, tá kappingin gongur móti endanum, sigur Finnur Justinussen. Víkingur Stovnað 14. januar 2008 Formaður Brandur Jacobsen Meistari (0) Ongantíð (GÍ 6 ferðir) Steypavinnari (2) 2009, 2012 (GÍ 6 ferðir) Greipuvinnari (0) Ongantíð (GÍ 2 ferðir) Í bestu deildini (6 ár) 2008- Í Europa (2) 2010, 2012 (GÍ 12 ferðir) Málslúkurin er aftur í ljósabláum ■■■ 2. PLÁSS vit tippa: