týsdagur 26. februar 2013síða 68

27. februar 2013 SOSIALURIN FÓTBÓLTUR 2013 28 F M árið skoraði B36 63 mál, meðan talið í fjør var 42. Í verjuni var munurin ikki so stórur – í fjør fóru 36 mál ígjøgnum, meðan málverjin í fyrraárið bara noyddist 28 ferðir í meskarnar. Munurin frá 2011 og til 2012 var fyrst og fremst, at lyklaspælarar ikki megnaðu at halda støðið. Lukasz Cieslewicz og Jákup á Borg vóru nógv skaðaplágaðir. Meðan tað FM árið mest sum einki sást til skaðar og leikbann, so var hetta gerandiskostur í fjør. Nú leggja teir í B36 til brots av nýggjum, og tað er framvegis Mikkjal Thomassen, sum hevur ábyrgdina, og tað tykist snúgva seg um arbeiði bæði í álopi og verju. Fleiri av verjukendu spælarunum frá undanfarnu árunum eru burtur. Tórður Thomsen er nýggjur millum stólparnar, har hann skal kappast við unga Jákup Højgaard, Martin M. Pedersen sum í 2008 vann DM við AaB, er nýggjur miðverji, og Niels Joensen er komin aftur á miðvøllin, eftir at hann hev­ur verið á flatlondum í útbúgvingarørindum, og í frítíðini hev­ur hevur hugnað sær við fótbólt í ÍF Føroyum. At felagið hevur ásannað, at tað serliga var í álops­part­ inum, at tað av álvara haltaði í fjør, sæst aftur í, at tveir profilar eru keyptir, hóast Jákup á Borg, Lukasz Cieslewicz og ungi og evnaríki Rasmus Dan Sørensen framvegis eru á liðnum. Annar av nýggju framrættaðu monnunum er Adeshina Abayoni, sum síðani 2004 hevur roynt seg í donskum og svenskum fótbólti, og sum verður sagdur at vera rættuliga skjótur og málsøkin. Sjálvan jólaaftan varð kunngjørt á B36 heimasíðuni, at felagið hevði vunnið kapprenningina við fleiri onnur feløg um Gilla Sørensen, sum er uppaldur í TB, og sum bæði í TB og á U-21 landsliðnum aftur og aftur hevur víst, hvussu skjótur og málsøkin hann er. Róaldur Jacobsen og Súni Olsen eru stuðlarnir á mið­ vøll­inum, og Høgni Eysturoy og Símun Joensen eru fram­ vegis bestu boðini at manna vong­verjarnar. Høgni Midjord er komin úr HB, og umframt Rasmus Dan Sørensen eru fleiri aðrir ungir spælarar, sum tað verður vónað skulu megna at vera við í kappingini. Robert Heðin Brockie og Karl Martin Danielsen eru boð upp á plássið í mið­verjuni undir liðini á Martin M. Pedersen, og longri frammi á vøllinum hava aðrir víst seg at hava góð evni, eitt nú Ámund Nolsøe, Benjamin Heinesen, Patrick Larsen og Hørður H. Askham, sum í fjør var útleigaður til 07Vestur. Ungu menninir hava vant tvey kvøld um vikuna í vetur, og tí eru teir betri fyri, enn teir vóru, tá ið teir í fjør vunnu silvur í unglingadeildini. Men tað er fyrst og fremst treytað av, um lyklaspælararnir verða tøkir og nóg svangir, um tað skal eydnast B36, Mikkjali Thomassen og nýggi hjálpar­ venjara hansara, Milan Kuljic, at fáa liðið upp í aftur kapp­ ingina millum tey fremstu. Undanfarnu árini hevur tað verið tætt í verjuni, men spurningurin er, hvussu tað nú fer at roynast. Í venjingar­ dystunum hava úrslitini ikki verið nakað at reypa av. Tað vóru tey heldur ikki, tá ið B36 í 2011 vann FM. Tað plagar at verða tikið til, at álop er besta verja, men í fótbólti er hetta sjáldan allur sannleikin, og tað vita teir í B36, har teir nú miðvíst arbeiða við at brynja seg av nýggjum. B36 brynjar seg av nýggjum ■■■ Fyri einum ári síðani var málið hjá yngra felagnum í Gundadali at endurvinna FM heitið. Tað hevði ongantíð eydnast áður, og royndin í fjør miseydnaðist, so tað stóð eftir í. FM varð í 2011 vunnið við 67 stigum, og í fjør var úrtøkan 6. plássið og 38 stig. Serliga var tað í álopspartinum, at tað ikki gekk eftir vild b36 bakgrund ■■■ Mál 1 Tórður Thomsen 16 Thomas Knudsen 24 Jákup Højgaard Verja 2 Ámund Nolsøe 3 Símun Joensen 4 Robert Heðin Brockie 5 Martin Pedersen 12 Bogi Hermansen 20 Høgni Eysturoy 22 Karl Martin Eivindson Danielsen Miðja 6 Niels Joensen 7 Súni Olsen 10 Róaldur Jacobsen 15 Patrick Larsen 17 Hørður Askham 18 Benjamin Heinesen 19 Sandri Færø Álop 8 Gilli Sørensen 9 Jákup á Borg 11 Lukasz Cieslevicz 13 Adeshina Abayoni Lawal 14 Høgni Midjord 23 Rasmus Dan Sørensen Venjari: Mikkjal Thomassen Tilgongd Hørður Askham, Niels Joensen, Adeshina Abayoni Lawal, Høgni Midjord, Martin Pedersen, Gilli Sørensen og Tórður Thomsen Frágongd Atli Danielsen, Símun Hansen, Meinhardt Joensen, Bárður Olsen, Dánjal Rói Olsen, Jonas Flindt Rasmussen og Gunnar Zachariassen Súni Olsen ein av stuðuls­ leikarunum á miðvøllinum hjá B36 ■■■ 6. PLÁSS vit tippa: