týsdagur 26. februar 2013síða 72

27. februar 2013 SOSIALURIN FÓTBÓLTUR 2013 32 U ndanfarnu árini hevði úrtøkan verið góð. Í 2007 vann NSÍ fyrsta og higartil einasta FM heitið. Næstu árini var NSÍ støð­ugt við í kappingini millum tey fremstu, og úrslitini vóru góð. FM varð vunnið við 61 stigum, og næstu árini var úrtøkan hvørja ferð millum 40 og 50 stig. Tað bar bronsu­krónurnar við sær í 2010, og hini árini endaði NSÍ á 4. plássi. Í fjør endaði NSÍ á sjeynda plássi. Harvið varð málið rokkið. Úrtøkan var 31 stig, og tað skuldi leitast aftur til 2004 fyri at finna umleið somu úrtøku. Tað árið var kappingin 18 umfør, og NSÍ vann 24 stig og endaði á 6. plássi. Síðani kappingarenda í fjør hevur gongdin orduliga verið rætta vegin í Runavík. Tað kveikir vón um, at tað nú skal eydnast at bjóða av í kapping um plássini ovari á støðu­talvuni. Ábraham Løkin, sum býr í Runavík og longu miðskeiðis í áttati árunum var venjari í NSÍ, hevur aftur ábyrgdina, og nú eru fleiri av spælarunum, sum eru uppvaksnir við Løkin, og sum hava roynt seg í øðrum feløgum, aftur í barn­dóms­ fel­agnum. 20 ára gamli Kristian Joensen vísti síðsta kappingarár, at hann er ein av evnaríkastu málverjunum í landinum. Einar Hansen og Monrad Holm Jacobsen eru uppløgd boð upp á vongverjarnar, og í miðverjuni hevur skjóti og skila­ góði Jónhard Frederiksberg verið royndur í nýggjum leikluti undir liðini á Jens Joensen. Á verjukenda miðvallarplássinum er Karl Løkin sjálv­ skrivaður, og Pól Jóhannus Justinussen er við styrki í høvuðspælinum og góðu evnunum at leggja langar og neyvar sendingar góður møguleiki á verjukenda mið­vøll­ inum. Í borðunum eru Árni Frederiksberg, Debes Danielsen og Andy Olsen upp­løgd evni. Toppskjúttin seinastu ár­ini, Klæmint A. Olsen, verður fremsti maður, og at stuðla honum eru Jann Martin Mortensen, Magnus Olsen, Andras Frederiksberg og Andrias á Líknagøtu. Gongdin í NSÍ og so nógva aðra staðni seinastu árini hevur víst, at tað er neyðugt at arbeiða tilvitað við at seta við. Millum teir, sum longu hava sneytað til besta liðið, eru Bjarki Danielsen, Rógvi Højgaard og Per Langgaard. Millum blaðungu spælararnar, sum venja við besta liðnum, og sum tað er møguleiki fyri í løtum at síggja á vøllinum, eru Leivur Højgaard, Meinhard Olsen og Betuel Hansen. Tíðarskeiðið er farið, tá ið tað millum teir fyrstu ellivu á heimaliðnum við Løkin vóru fleiri útlendingar og spælarar, sum eru uppvaksnir í øðrum feløgum. Sonni L. Petersen er hjálparvenjari hjá Ábraham Løkin, og harvið er talan bara um lokal og kend andlit. Í veningardystunum hevur tað gingið eitt sindur upp og niður. Tá ið tað verður álvari og orduliga fer at ráða um, fer tað ivaleyst at vísa seg, at úrtøkan fer at verða væl størri, enn hon var tað í fjør, tá ið tað leingi ikki sá so gott út. NSÍ hevur fótað sær, og liðið verður neyvan millum teirra, sum fara at stríðast fyri at sleppa undan aftastu plássunum. NSÍ í kendari útgávu ■■■ Tað er gott fótbóltslag við Løkin. Undan síðsta kappingarári sá tað ikki so væl út. Fíggjarligar avmarkingar vóru orsøk til, at seglini vórðu repað, og tað varð ikki roknað við meiri av kappingárinum, enn at tað skuldi eydnast at sleppa undan niðurflyting NSÍ bakgrund ■■■ Mál 1 Kristian Joensen 20 Pætur Høj Verja 2 Per Langgaard 3 Monrad Holm Jacobsen 4 Jens Joensen 5 Jákup Andrias Gaardbo 12 Einar Tróndargjógv 13 Pól Jóhannus Justinussen 17 Jónhard Frederiksberg 19 Rógvi Højgaard Miðja 6 Betuel Hansen 7 Jann Martin Mortensen 8 Karl Løkin 9 Debes Danielsen 18 Magnus H. Olsen 21 Sjúrður Jacobsen 22 Leivur Højgaard 23 Andras Frederiksberg 27 Andy Olsen Álop 10 Klæmint A. Olsen 11 Árni Frederiksberg 14 Meinhard Olsen 15 Arni Gregersen 16 Andrias á Líknargøtu Venjari: Abraham Løkin Tilgongd Jonhard Frederiksberg, Einar Tróndargjógv, Karl Løkin og Andy Olsen Frágongd Óli Arge, Pál M. Joensen og Helgi L. Petersen Toppskjúttin, Klæmint A. Olsen, verður aftur fremsti maður í Runavík ■■■ 5. PLÁSS vit tippa: