týsdagur 26. februar 2013síða 82

27. februar 2013 SOSIALURIN FÓTBÓLTUR 2013 42 07 vestur bakgrund ■■■ H etta var ikki ætlanin, tá ið teir har vesturi í 1994 tóku seg saman í felagslið. Tá varð stigið við FS Vágar tikið í tí treysti, at tað skuldi eydnast felagsliði, mannað við spæl­ arum úr øllum bygdunum í oynni, at fáa fótin fyri seg í fremstu røð. Setningurin var harvið rættuliga at seta dám á kapp­ingina heldur enn at stríðast í botninum. Hetta hevði ann­ars verið søgan hjá MB og SÍF, sum viðhvørt høvdu verið í bestu deildini, meðan SÍ nógvu tey seinastu árini bara onkuntíð var við í kappingini um at flyta upp, uttan at tað eydnaðist. Tølini siga, at tað ikki hevur gingið, sum tað varð vónað, at tað skuldi gera. Dagsskráin hevur verið júst tann sama, sum hon frammanundan hevði verið, og sum tað varð vón­ að, at tað skuldi eydnast at sleppa undan. Síðani 2008 hevur 07 Vestur verið annað hvørt ár í bestu deildini og hini árini í næstbestu deildini. Í fjør eydn­ að­ist tað enn eina ferð at vinna uppflyting úr næst­bestu deild­ini, og tað er einki at ivast í, at aftur hesa ferð er setn­ing­urin at skava so mikið av stigum saman, at plássið millum tey bestu verður varðveitt. Piotr Krakowski er framvegis venjari. Vágamenn stað­ festu beinanvegin eftir, at uppflytingin var vunnin, at tað var neyðugt at fáa styrk aðra staðni frá. Hóast tað eru ungir og evnaríkir spælarar, so varð mett, at teir ikki enn eru førir fyri einsamallir at halda tørn um plássið í fremstu røð. Téhé Aristide av Fílabeinsstrondini hevur tvey tey sein­astu árini verið álitið í miðverjuni, og tað verður hann aftur í ár. Landsmaður hansara, Evrard Blé, er komin úr Sarpugerði at styrkja um á verjukenda miðvøllinum, og Andras Gango úr Ungarn er komin úr Klaksvík og vestur í Vágar at verja málið. Royndu menninir á miðvøllinum eru liðformaðurin Tór-Ingar Akselsen og Jovan Radinovic-Panic úr Serbia, sum hevur verið í Føroyum síðani 2006 og harvið í fót­ bólts­høpi verður roknaður at vera føroyingur. Millum ungu vágamenninar, sum síðani 3. janaur hava drivið á niðri á Dungasandi í Sørvági, eru Ásmund Hansen, Emil Mikkelsen, Hørður Johansen, Torstein Mýlingstind, Jákup Olsen, Holgar Durhuus, Ragnar Nattestad, Sølvi Egilsson, Andrias Eriksen og Brandur Heinason, sum allir í fjør áttu stóran leiklut, tá ið liðið vann uppflytingina. Hans Arni Ellefsen og Sjúrður Ellefsen, sum er komin aftur í felagið, og Eli F. Nielsen, sum í fjør royndi seg í HB, hava fleiri royndir. Petur G. Dalbø er komin úr Víkingi, og Gunleif Olsen er komin vestur aftur, eftir at hann í fjør royndi seg í TB. Í venjingardystunum seinastu vikurnar hava úrslitini verið á góðari leið, men tað verður hildið vera neyðugt at styrkja um álopið við málsóknum og royndum spælara. Fleiri hava verið vigaðir, og onkrir hava verið upp á tal, men higartil hevur tað ikki eydnast at finna mannin við máltevinum og royundunum, sum liðið hevur brúk fyri, um vánirnar skulu vera betri fyri at standa seg. Nú fæst at síggja, um tað hesa ferð fer at eydnast felagsliðnum at fáa fótin fastan í fremstu deildini. Nú fæst at síggja, um tað hesa ferð fer at eydnast felagsliðnum at fáa fótin fastan í fremstu deildini. stríðast fyri at fáa fótin fastan ■■■ Meiri enn nakað annað er felagsliðið í Vágum ímyndin av stríðnum fyri at flyta upp í bestu deildina og stríðnum at sleppa undan niðurflyting úr bestu deildini Nú fæst at síggja, um tað hesa ferð fer at eydnast felags­liðnum at fáa fótin fastan í fremstu deildini ■■■ Mál 1 Andras Gango 12 Petur Meinhard Magnussen Verja 3 Hanus Nielsen 13 Emil Mikkelsen 15 Tehe Arestide 16 Gunleif Olsen 18 Tórstein Mýlingstind 19 Gutti Guttisen 23 Petur Dalbø 21 Ásmund Hansen Miðja 2 Eli Falkvard Nielsen 4 Evrard Blé 5 Heini F. Nielsen 7 Jovan Panic 9 Andrias Eriksen 10 Tór-Ingar Akselsen 14 Sjúrður Ellefsen Álop 6 Holgar Durhuus 8 Hørður Johansen 11 Jákup S. Olsen 20 Johan Selfoss Venjari: Piotr Krakowski Tilgongd Evrard Blé, Petur Dalbø, Andras Gango, Brian Jacobsen, Eli F. Nielsen og Gunleif Olsen Frágongd Hørður Askham, Petur Meinhard Magnussen og Brian Olsen 10. PLÁSS vit tippa: