týsdagur 26. februar 2013síða 86

27. februar 2013 SOSIALURIN FÓTBÓLTUR 2013 46 AB bakgrund ■■■ Í 2007 eydnaðist tað at skava 17 stig saman, men tað rakk ikki meiri enn til 9. plássið, og sum tað oftast gongur hjá upp­flytarunum, so noyddist AB niður aftur í næstbestu deildina. Í 2009 var AB aftur í bestu deildina, og hetta árið rakk liðið fram á 6. plássið. Úrtøkan var 34 stig, og tað kundi bent á, at nú var tyngsta takið tikið, og AB hevði fótað sær. Soleiðis vísti tað seg ikki at vera, tí árið eftir var úrtøkan 14 stig, og AB endaði aftast. Síðani hevur AB arbeitt miðvíst fyri at røkka uppflytingini. Í 2011 miseydnaðist tað í síðstu sekund­unum í 27. umfari, men í fjør var eingin ivi. 15. august verður AB 40 ár. Sámal Erik Hentze, sum áður hevur vunnið FM við HB, er venjari triðja árið á rað, og setningurin er, at tað hesa ferð skal eydnast at sleppa undan niðurflyting og at spælararnir fáa royndirnar, sum eru neyðugar, um liðið skal standa seg betri í bestu deildini. Í yngru deildunum sær tað gott út, og argjafólk taka væl undir við sínum felagi. Tí ræður tað um nú at fáa tað at koppa rætta vegin. Undanfarnu ferðirnar, tá ið AB hevur bjóðað seg fram í bestu deildini, var liðið í stóran mun mannað við spælarum, sum vóru mentir aðra staðni enn á Argjum. Hetta varð ikki mett at vera optimalt, men tað varð hildið at vera neyðugt, um vánir skuldu vera at varðveita plássið. Síðani uppflytingin í heyst var veruleiki, eru fýra spæl­ arar komnir aftrat. Símun Rógvi Hansen skal kappast um mál­verjuplássið við Heðin Stenberg, Áka Dahl og Thomas Juul Thomsen, Rói Danielsen skal vera við til at styrkja um verj­una, Rógvi Poulsen skal syrgja fyri royndum á mið­vøll­ inum, Ahmed Keita er málsøkin, og Sorin Anghel verður stórur styrkur, uttan mun til í hvørjari av ketunum Sámal Erik Hentze heldur, at hann fer at gera mest nyttu. Hesa ferð verður roknað við, at innføddu AB spælararnir verða førir fyri at taka størri ábyrgd, enn teir áður hava gjørt. Fleiri teirra eru í besta fótbóltsaldri. Eitt nú mið­ vall­ar­arnir Jobin Drangastein, Jónas Stenberg, Mikkjal T. Hentze og Dion B. Splidt, verjuspælararnir Martin Midjord, Leivur Holm Joensen, Tummas Justinussen og Poul Thomas Dam og álopsspælarnir Nicolaj Eriksen og Bjartur Kjærbo, sum í fjør var toppskjútti í AB, og sum nú fyri fyrstu ferð skal royna seg í bestu deildini. Millum ungu menninar, sum eisini áttu lut í uppflytingini, eru verjuspælarin Teitur Olsen miðvallararnir Beinir Ellefsen, Hørður M. Mohr og Gert Drangastein, álopsspælararnir Dan Petersen og Karstin Højgaard, og millum hinar er eitt nú verju­spælarin Teitur Jóannesarson. Sámal Erik Hentze hevur omanfyri 20 spælarar, sum fyri­reika seg til setningin, ið er talan skal verða um fagn­ aðar­ár, tá ið AB heldur 40 ár føðingardag og væl og virð­iliga prógvar, at liðið hoyrir heima millum tey fremstu. Venj­arin veit, hvat tað snýr seg um, nýggju veteranirnir hava roynd­ ir­nar. Spurningurin er, um ungu menninir megna at lyfta seg og felagið. Um tað eydnast, so er góður møguleiki fyri, at gávan runda føðingardagsárið verður tann, sum teir á Argjum fyrst og fremst ynskja sær. 40 ár og stríðist fyri lívinum ■■■ Tað var í 2000, at Argja Bólfelag setti kós ímóti fremstu fótbóltsdeildini. Tá var besta liðið hjá felagnum í 3. deild. Sjey ár seinni vóru argjamenn fyrstu ferð í fremstu røð AB vil á 40 ára fagnaðar­ árinum, prógvað at liðið hoyrir heima millum tey fremstu ■■■ Mál 1 Símun Rógvi Hansen 16 Heðin Stenberg 23 Thomas Juul Thomsen 24 Áki Dahl Verja 3 Rói Danielsen 5 Teitur Jóannesarson 6 Morten B. Overgaard 8 Martin Midjord 12 Teitur Olsen 13 Jónas Stenberg 19 Leivur Holm 46 Poul Thomas Dam Miðja 4 Dion Splidt 7 Jobin Drangastein 14 Mikkjal T. Hentze 15 Hørður M. Mohr 18 Rógvi Poulsen 21 Gert Drangastein 22 Beinir Ellefsen Álop 9 Bjartur Kjærbo 10 Sorin Anghel 11 Nikolaj Eriksen 17 Dan Petersen 20 Karstin Højgaard 99 Ahmed Keita Venjari: Sámal Erik Hentze Tilgongd Sorin Anghel, Rói Danielsen, Símun Rógvi Hansen og Rógvi Poulsen Frágongd Tummas Justinussen, Alex Mellemgaard, Ebbe Kristin Thomsen, Yohan A. Borðoy og Tróndur Sigurðsson 8. PLÁSS vit tippa: