týsdagur 26. februar 2013síða 88

27. februar 2013 SOSIALURIN FÓTBÓLTUR 2013 48 AB profilur ■■■ Í 1999 vunnu smápiltarnir hjá AB gull. Tað var eitt sermerkt gull, tí ongantíð áður hevði AB vunnið eitt gull heiðursmerki í ungdómsfótbólti hjá dreingj­um. Tá var AB ikki eitt felag, sum varð tikið í álv­ara í føroyskum fótbólti. Í dag, góð 14 ár seinni, er støðan ein onnur. At kalla allir á lið­num frá 1999 eru at finna í hópinum hjá AB, og skulu saman við øðrum spælarum, ið eru uppaldir í felagnum, verða bulurin í felagnum. Ein av teimum er 23 ára gamli Dion Splidt. Hann er ein av spælarunum, sum var á liðnum, ið vann gull í smápiltum í 1999. Tá stóð Dion í mál, men í dag er hann framrættaður mið­vallari við góðum bóltførleika og tekur sær eisini av deyð­bólts­støðunum. Umframt Dion, so eru Rógvi Poulsen, Teitur Jóannesar­ son, Martin Midjord, Jobin Drangastein og Rói Danielsen allir í felagnum í dag, meðan eitt nú Rógvi Holm er at finna í HB. Eftir tvey ár í 1. deild er tíðin nú komin at royna seg í Effo-deildini. – Fyrr hevur felagið roynt seg við nógvum spælarum aðra­staðni frá. Møguliga tað er ein orsøk til svingandi úrs­ litini. Nú er tíðin komin til at brúka okkara egnu, sigur Dion Splidt. AB spældi á fyrsta sinni í bestu deildini í 2007. Nógv órógv var rundan um felagið, og nógvir spælarar komu og fóru. Nú tykist meiri skil verða komið á og felagið hevur eitt grundarlag av egnum tilfari, sum eftir tvey ár í 1.deild skulu til at vísa hvør dugur er í teimum. – Vit eru eldri nú og hava fleiri royndir. Eisini fólkini rund­an um felagið hava nú royndir við at reka eitt felag í besti deildini, greiður Dion Splidt frá. Bagge skal leggja teimum ungu lag á Sámal Erik Hentze, eisini kendur sum Bagge, er venjari á Argjum aftur í ár. Sámal Erik tók við á Argjum um miðj­an august í 2010. Tá var felagið á veg niður í 1.deild. Upp­ flyt­ingin glapp í evstu løtu í 2011, men í 2012 var ongin sling­ur í valsinum. – Sámal Erik dugur væl at greiða teimum ungu frá hvat hann vil hava. Teir koma ikki á vøllin og vita ikki hvat teir skulu gera. Tað hevur stóran týdning fyri teir yngru, sigur Dion Splidt, sum fyri uttan eitt ár á Toftum bara hevur spælt við AB. Nú skulu argjamenn traðka til – Vit spæla eisini við sama konseptinum, sum vit hava gjørt tvey tey seinastu árini. Útgangsstøðið kemur sjálvandi at verða nakað meiri verjukent, men ætlanin er at vit skulu spæla fótbólt og tora at hava bóltin, sigur Dion Splidt. Ein av nýggju spælarunum í felagnum er Sorin Anghel, sum eftir 12 ár í EB/Streymi valt at skifta út á Argir. – Hann kemur helst at hava stóran týdning fyri liðið. Vit hava brúk fyri nøkrum royndum spælarunum, sum kunnu leggja hinum lag á, sigur Dion víðari. Sjálvur hevur Dion eisini royndir frá bestu deildini bæði í AB og tá hann í 2011 spældi við B68. – Eg havi vant nógv í vetur og nú gleði eg meg bara at koma í gongd. Málið hjá okkum er at yvirliva og tað vóni eg at vit klára, sigur Dion. Eisini Rógvi Poulsen er komin aftur til felagið har alt byrjaði, eftir at hava spælt í HB og roynt seg í enska Crew Alexandra. Bólttryggi vongurin er avgjørt ein av spæl­ar­ unum, sum kann gera mun á Argjum um teir skulu yvirliva í deildini. ■■■ Dion Splidt er ein av fleiri spælarum í AB, sum er uppaldur í felagnum. Eftir nøkur ár við ójøvnum úrslitum er tíðin komin til at argjamenn seta sín dám bestu deildina í føroyskum fótbólti. – Málið er fyrst og fremt at yvirliva í deildini, sigur Dion Splidt Argja Bóltfelag Stovnað 15. august 1973 Formaður Jens Michal Tróndheim Meistari (0) Ongantíð Steypavinnari (0) Ongantíð Greipuvinnari (0) Ongantíð Í bestu deildini (4 ár) 2007, 2009-10, 2013- Í Europa (0) Ongantíð – Málið er fyrst og fremst at yvirliva í bestu deildini ■■■ 8. PLÁSS vit tippa: