fríggjadagur 1. mars 2013síða 35

35 Fríggjadagur 1. mars 2013 · Nr. 25 Sosialurin Hugskot og viðmerkingar – send sms til 225000 Ítróttur Tróndur Arge Stórsteypadysturin telur ikki við í samlaðu støðuni, men í nógvar mátar er hann startskotið til kapp­ingarárið 2013. Á ovara vølli í Gunda­dali møtast EB/Streymur og Víkingur. Tey lið, sum verða mett mill­um tey sterkastu í landinum aftur í ár. Hjá báðum liðum er talan um broyt­ingar frá í fjør. Fyri EB/Streym er størsta broytingin í verjuni, með­ an tað er miðvøllurin, ið er broytt­ur mest hjá Víkingi. Verjan er nýggj Egil á Bø er ikki byrjaður aftur, með­an Jónhard Frederiksberg hev­ur skift til NSÍ. Sorin Anghel, sum stundum var í verjuni, er farin til AB, meðan miðvallarin Pauli G. Hansen er givin. Hetta eru allir menn, sum í sínum leiklutum vóru týdn­ingar­miklir fyri verjuspælið hjá sunda­lagsmonnum. Nýggi venjarin, Rúni Nolsøe, skal nú blanda kortini av nýggjum og finna eina loysn í verjuni, Rógvi E. Nielsen er komin til úr 07 Vestur og hevur higartil verið í miðverjuni, men mátti fara út skaddur í Klaks­ víkskappingini. Hann er ikki tøkur til stórsteypadystin. Tí skal Rúni til at finna eina nýggja loysn. Møguleikin er, at ann­ar av Gert Hansen ella Árna G. Olsen verða í miðverjuni saman við Marna Djurhuus, og hin er á høgra bakki. Á vinstra bakki er Leif Niclasen ein møguleiki, men meiri sann­líkt verður tað Poul G. Olsen. Levi Hanssen kemur ikki til landið fyrr enn seinast í mars mán­ aði. Tí verður miðvøllurin uttan hann. Pætur Dam Jacobsen og Niels Pauli Danielsen byrja heilt víst á miðvøllinum, men so er spurn­ing­ urin um tað verður við Gunnari Zachariasen frammanfyri, ella um tað verður Brian Olsen. Hans Pauli Samuelsen og Arnbjørn Hansen eru sjálvskrivaðir á lið­num, so er bara spurningurin um tað verður Leif Niclasen ella Gunnar Zachariasen, sum verða í høgra bori. Broyttur miðvøllur Verjuparturin hjá Víkingi er tann sami, sum hann hevur verið seinnu árini. Geza Turi er í málinum. Framm­an­fyri seg hevur hann Hanus Jacobsen, Erling Jacobsen, Atla Gregersen og Bárð Hansen. Niclas Niclasen er einsamallur mað­ur eftir frá miðvøllinum, men verður sum skilt møguliga ikki við. Evrard Blé, Sølvi Vatnhamar og Fritleif í Lambanunum eri allir farnir úr felagnum. Tí er ikki óhugs­ andi, at Jann Ingi Petersen og André Olsen koma á miðvøllin. Her er Heðin Hansen eisini ein møguleiki. Sum skilst, so hevur VÍkingur eisini spælt meiri 4-4-2 í mun til 4-3-3 frá í fjør. Tí er hugsandi, at Kaj Leo Í Bartalsstovu og Hjartvard Hansen spæla á hvørsínum vongi, með­an Finnur Justinussen saman við Filip Djordjevic manna álopið. Hans Jørgen Djurhuus er skaddur. Víkingur vinnur Bæði liðini skulu umstilla seg nakað frá í fjør, men tað er nærliggjandi at hugsa, at Víkingur verður omaná sunnudagin, tí broytingarnar eru longri frammi á vøllinum. Við Finni Justinussen aftur í álopinum og Kaj Leo í góðum formi, so verður tað helst ov nógv hjá nýggju verjuni hjá EB/Streymi at takast við. Tað er heldur ikki ólíkt sunda­ lags­monnum at verða spakir tíðliga í kappingini. Hinvegin, so er álopið gott og Arnbjørn Hansen sær lætt­ ari og skjótari út í ár enn í fjør. EB/Streymur skorar, men Víkingur vinnur. trondur@sosialurin.fo Stórsteypadysturin 2013 Víkingur vinnur Fótbóltur Sunnudagin verður Stórsteypafinalan millum FM vinnararnar úr EB/Streymi og steypavinnararnar úr Víkingi. Sosialurin metir, at talan verður um eina endurtøku av steypakappingin, tá Víkingur vann EB/Streymur - Víkingur 1-2 Sosialurin tippar: EB/Streymur: 4-3-3 Rene Tórgarð – Gert Hansen, Árni G. Olsen, Marni Djurhuus, Poul G. Hansen – Pætur Dam Jacobsen, Niels Pauli Danielsen, Gunnar Zachariasen – Hans Pauli Samuelsen, Leif Niclasen, Arnbjørn Hansen Víkingur: 4-2-2 Geza Turi – Bárður Hansen, Atli Gregersen, Erling Jacobsen, Hanus Jacobsen – Kaj Leo Í Bartalsstovu, Jann Ingi Petersen, André Olsen, Hjartvard Hansen – Finnur Justinussen, Filip Djordjevic endurtøka Sosialurin metur at stórsteypadysturin verður ein endurtøka av steypafinaluni í fjør, har teir ljósabláu enda sum vinnarar Mynd: Álvur Haraldsen