týsdagur 5. mars 2013síða 38

Ó k e y p i s l ý s i n g a r b l a ð • m a r s 2 0 1 3 unavík 2 Nógvar byggi­verk­ætlanir í Runavík Vit fegnast um handilslívið Nógvar miljónir krónur verða í løtuni lagdar niður í Runavíkarøkinum, sum hava nógv skapandi virksemi við sær, eins og ringvirkningar eisini eru og verða av hesum íløgum. Parturin hjá kommununi í øllum hesum er kortini ikki so stórur, at hann ikki er at liva við Runavíkar kommuna er ein livandi kommuna, og handilsøkið í Runavík er rættiliga livandi og spennandi. – Vit royna at hava eitt gott samskifti við handilslívið, sigur borgarstjórin í Runavíkar kommunu, Magnus Rasmussen Magnus Ramussen, borgarstjóri í Runavíkar kommunu, sigur, at tað serliga er í bygg­ ingini av nýggjari fimleikarhøll, at kommun­ an ber størsta partin av íløguni. – Tað er Búsetur, sum eigur høvuðs­ arbeiði í hesi bygging, ið annars gongur sum ætlað. Fimleikarhøllin, sum stórur tørvur hevur verið á í nógv ár, verður sambært ætlanini liðug, tá hetta árið er runnið. Borgarstjórin sigur, at parturin hjá kommun­uni í hesi bygging, sum fer at liggja um einar 34 miljónir krónur tilsamans, verður umleið 30 miljónir krónur. – Av samlaða kostnaðinum hevur LOA- grunnurin givið okkum tilsøgn um 4 miljónir krónur í stuðli. Magnus Rasmussen fegnast eisini um, at fimleikarhøllin er onnur verkætlanin í Føroyum og samstundis onnur verkætlanin í Runavíkar kommunu, sum grunnurin veitir stuðul til. – Nú KFUM-skótarnir við Løkin byggja felagshús, sum verður liðugt móti sumri, hevur LOA-grunnurin eisini játtað teirri verkætlanini tvær miljónir krónur av eini verkætlan, sum fer at kosta einar sjey miljónir krónur, sigur hann. Aðrar verkætlanir Av øðrum verkætlanum, sum eru í gongd og fara í gongd í Runavíkarøkinum, er depilin til fjølbrekað, sum almannamálaráðið letur byggja í Runavík. – Seinni í ár verður eisini farið undir at byggja 10-16 íbúðir til menningartarnað, og eisini her er tað almannamálaráðið, sum stendur fyri verkætlanini. Í hesum báðum førum er tað kommunan, sum ger grundøkini byggibúgvin. Magnus Rasmussen sigur, at enn ein verk­ætlan, sum er í gongd, er útbygging av laksa­virkinum Bakkafrosti. – Eisini her er tað kommunan, sum ger útfyllingina norður úr verandi virkisbygningi á Bakka, sigur borgarstjórin í Runavíkar kommunu. – Eg haldi, at handilslívið í Runavíkar­ økinum hevur markerað seg nokso væl í seinastuni og tey, sum standa fyri og sam­ skipa hetta virksemi, gera veruliga nakað fyri at seta handilslívið á breddan og fáa fólk út í okkara øki at vitja og handla. Magnus Rasmussen, borgarstjóri, sigur, at tá fólk leita sær út í Runavíkarøkið í handils­ørindum, fáa tey eisini høvi at síggja, hvat annars rørist í hesum partinum av kommununi. – Her eru nógvir handlar, og her eru handlar við nógvum ymiskum vørum og tænastum. Jú, eg haldi, at vit hava eitt rímiliga ríkt handilslív og eitt gott útboð, sum vit fegin vilja bjóða fram, sigur hann. Øll vælkomin Nú tunnilsdagur verður leygardagin, har ókeypis er at koyra um Norðoyartunnilin í eitt samdøgur, bjóðar borgarstjórin í Runavíkar kommunu øllum – bæði nær og fjar – hjartaliga vælkomin í økið. – Vit gleða okkum altíð til hesar dagar, tá fólk vitja í økinum, og eg ivist onga løtu í, at handilslívið er til reiðar at taka væl ímóti og fegnast um hvørja einstaka vitjan. Magnus Rasmussen sigur, at tey, sum vitja í Runavíkarøkinum, eisini kunnu síggja, at nógv virksemi er í løtuni. – Talan er serliga um virksemi innan bygging av felagshúsum, nýggjari fim­leikar­ høll og skótahúsi, depli til fjøl­brekað og út­bygging av laksavirkinum Bakkafrosti, har kommunan er í gongd við útfylling, sigur borgarstjórin. – Vit bjóða øllum – bæði nær og fjar – hjartaliga vælkomin í økið, nú tunnilsdagur verður leygardagin, sigur borgarstjórin Mynd: Vilmund Jacobsen Nýggja fimleikarhøllin og húsið hjá KFUM-skótunum við Løkin hava fingið tilsøgnir um tilsamans seks miljónir krónur úr LOA-grunninum Myndir: Vilmund Jacobsen