týsdagur 12. mars 2013síða 16

Mikudagur 13. mars 2013 · Nr. 30 16 Sosialurin Hugskot og viðmerkingar – send sms til 225000 tíðindi Eydna Skaale - Tey flestu munnu kenna hentleikarnar við Skype- skipan­ini, sum er eitt slag av videoloysn til sam­skifti um­vegis netið. Men pro­ fessio­nella tøknin menn­ist við fullari ferð, og kann ikki samanberast vid Skype. Tað svarar til at samanbera ein kassa­bil við ein Ferrari, stað­ festir Sigmundur. Nýggja tøknin ger, at fysisk fjarstøða ikki er nakar trupulleiki - og tað kann spara bæði privat­fólki og fyritøkum tíð og út­reiðsl­ ur, tí tað nú slepst und­an at ferðast til fundir. Inn­an lesnað er hetta somu­leið­is funnin fressur, tí gesta­undir­ vísar­um nýtist ikki koma til Før­oya fyri at undirvísa. Nógv betri góðska - Hyggja vit at nýggjastu út­ gerð­ini hjá Cisco Systems, sum er leiðandi framleiðarin á økinum, so hava tey video­tøkni, sum gevur eina krystall­klára HD mynd. Har­ um­framt eru skermar í al­ skyns støddum og skapum, vís­ir Sigmundur á. Ímynda tær: Tú ert á bygd. Tú hevur eina fundaravtalu - til dømis í Havn. Men heldur enn at nýta bæði tíð, orku og pening uppá at koyra til Havn­ar, so fert tú í staðin inn í eitt høli í heimbygdini. Har er eitt borð, ein skermur og ein stólur. Tá tú sessast, tendr­ar skermurin, og tann, tú skalt fundast við, sæst nú á skerminum - fundurin er sett­ur. Og tað krevur hvørki tøkn­liga vitan ella royndir, tí tað er lætt at fáast við. - Eru onkur skjøl, sum tit skulu tosa um á fundinum, so eru fleiri møguleikar. Antin ber til at hava eitt kamera í lofti­num, soleiðis, at tann, tú fundast við, sær pappírið, tá tú leggur tað á borðið. Tað ber eisini til at fáa skjøl, excell ørk ella hvat tað skuldi verið, inn á skermin umvegis teldu ella teldil soleiðis at báð­ir partar síggja hvønn ann­an og skjølini í senn. - Flestu fólk eru von við, at videosamskifti hevur vána­liga myndagóðsku, at sam­band­ið er svikaligt, ljóð­ ið er seinkað og at tøkn­ligu møgu­leik­ar­nir er av­mark­ að­ir. Men vit eru kom­in so øgi­l­iga nógv long­ur enn tað, stað­festir Sig­mund­ur og saman­ber mynda­góð­skuna við at síggja tíðindini á ein­ um HD sjónvarpi. - Tað er næstan, sum at sita andlit til andlits - mun­ ur­in er bara, at tað nú ber til at sita andlit til andlits hvør sær. Sigmundur nevnir, at hend­an loysnin kundi verið nýtt á smáplássunum, og at fleiri stórar fyritøkur sum bankar, Posta, trygg­ing­ar­ feløg osv kundu tikið seg saman um at keypt út­gerð- ina, og síðani kundu tey øll nýtt hana og havt eina felags bókingarskipan, so borgararnir fingu persónliga hjálp, uttan at fara úr heim- bygd­ini. Hetta kundi eisini verið hent hjá læknum, tera­ peut­um osv. Fjarlestur Nógv hevur verið tosað um at útbyggja møguleikarnar fyri fjarlestri í Føroyum. Bæði at kunna fylgja undir­ vís­ing, sum verður hildin uttan­lands, men eisini hjá bygda­fólki at kunna fylgja und­ir­vísing, sum verður hild­ in til dømis í Havn. - Vit kunnu nú hava eina skerm videofundarloysn, sum blæsir læraran upp í fulla stødd. Á tann hátt sleppa tey lesandi und­an at hyggja at ein­um lítlum skermi, og undir­vís­ingar­ støð­an tykist meiri nattúrlig, vís­ir Sigmundur á. Lærarin kann saktans undi­rvísa fleiri flokkum, sum eru staddir ymsastaðni, í senn. Nýggja tøknin ger, at øll síggja hann og hann sær øll. Eisini her ber til at seta interaktivar talvur til skipan­ ina, soleiðis at øll síggja, hvat undir­vísarin skrivar. Har­um­ f­ramt ber eisini til hjá undir­ vísara­num at síggja, hvat ymsu næmingarnir skriva. - Slíkar loysnir eru upp­lagd­ar fyri føroyska sam­felagið, tí tað ger tað møgu­ligt at kunna nema út­ búgv­ing­ar av øllum handa slag -uttan at noyðast av landi­num, og uttan at vit noyð­ast at rinda einum undir­vísara ferð, uppihald og kost, umframt lønina. Hann skal bara hava sína undi-r­vís­ ing í einum høli, sum hev­ur neyðugu tøknina, vísir Sig­ mund­ur á. Fundarvirksemi Sigmundur nevnir eisini, at hjá føroyskum fyritøkum er ein øgilig spilltíð, tá tað kem­ ur til fundarvirksemi. - Skalt tú úr Havn til Klaks­víkar á ein fund, sum var­ar ein tíma, so tekur tað tær meiri enn tríggjar ferð­ir so langa tíð. Rokna vit tíð­ ina, tú letur teg í, gongur út í bilin, koyrir, leitar eftir park­ er­ings­plássi, gongur inn í fundar­hølið og fyrireikar teg til fundin, ja - so eru har fleiri tíma­løn­ir, sum verða nýttar sera óeffektivt. Fundast tú nógv runt í landinum, so eru bæði pengar, tíð og orka at spara. - Tá vit hugsa um video­ loysn­i­r, so mugu vit gevast at hug­sa, sum vit hava gjørt. Nú ber til at skapa virtuell rúm, so tað tykist, sum øll sita við sama borð. Til dømis kunnu tvær deildir hjá einum felagi fund­ast. Báðar deildirnar sita í einum hálvsirkuli við eitt borð frammanfyri stóra skýggja­num, soleiðis at mynd­in á skíggjanum verður eitt forleingilsi av borðinum, tey sita við. Á henda hátt sær tað út, sum um øll sita við sama borð. Hetta er eisini hent, tá føroyskar fyritøkur skulu fundast við útlendsk feløg. Tað er ikki longur ein forð­ing at vera fjarskotin, tí tøkn­in ger, at tað er líka­mik­ ið, hvar vit eru stødd, vísir Sig­mundur á. Hann nevnir, at til slíkar fundir ber eisini til at logga seg uppá gjøgnum telduna ella teldilin, um so er, at onk­ ur ikki fær verið til staðar. -Tað tykist upplagt, at vit í Føroyum fara at gagnnýta slíka tøkni betri. Prísir Í tráð við at tøknin mennist og gerst betur, verður hon eisi­ni bíligari. - Tá eg ráðgevi fólki um virtuell­ar samskiftishættir, eru tey flestu sera bangin fyri prísinum. Men tað er als ikki so dýrt, sum fólk halda. - Tá eg rokni prísir út í Før­ oy­um,­ so taki eg altíð støði í, at tað skal loysa seg at seta pen­ing í útgerðina, og tað skulu ikki nógvir biltúrar til um mánaðin, áðrenn tað loys­ir seg. Sigmund leggur aftur­at, at tað eru óteljandi yms­ar loysnir, sum kunnu lagast eftir tørvinum. Ráðstevna Fyrstu vikuna í apríl verður ráð­stevna um nýggja sam­ skiftis­tøkni hildin á Hotel Før­oyum. Sigmundur Mikk­ el­sen er sjálvur ein av fyri­ reik­ar­unum, og nógvar før­ oysk­ar fyritøkur og stovn­ar eru boðin við. - Føroyingar eru uttan iva meiri avskornir, enn vit nýtast vera. Tøknin ger heim­ i­n minni - og tá tað er dýrt og tíðar­krevjandi hjá okkum at fara út í heim, ja, so áttu vit at dug­að betur at fingið heimin til okkara, heldur hann. eydnaskaale@hotmail.com Andlit til andlits við stórari fjarstøðu - Tað er upplagt hjá einum fjarskotnum landi sum Føroyum at satsa meiri uppá videotøkni til samskifti. Tað hevði lætt um, har lokalar tænastudeildir verða niðurlagdar, tað kundi hjálpt til at fingið fjarlestur í lag, og tað kundi verið hent føroyskum fyritøkum, sum skulu samskifta millum oyggjarnar ella við útheimin. Tað sigur Sigmundur Mikkelsen, ráðgevi innan visuelt samskifti - Nýggja tøknin ger, at vit kunnu sita andlit til andlits, hóast stóra fjarstøðu, og hetta kann koma føroyingum til góðar uppá nógvar mátar