fríggjadagur 12. apríl 2013síða 34

nr. 41 · 12. apríl 2013 2 VIKUSKIFTI Radio Leo Poulsen leo@sosialurin.fo Í næstu viku fer Rás2 at halda til í italska stórbýnum Milano, haðani rásin fer at senda í tveir dagar. Mikudagin og hósdagin verður Rás2 úr luftini úr Milano og økinum har á leið, og sent verð­ur báðar dagarnar frá klokkan 9 til 12 fyrra­partin og frá klokkan 13 til 15 seinna­part. Rás2 hevur seinnu árini javnan sent úr útlandinum – millum annað úr Reykjavík, London, Barcelona, Seyðis­ firði og Hannover, og Rás2 hevur eisini regluliga sendingar úr Keyp­manna­ havn. Nú verður kósin so sett suður til Italia, har Rás2 manningin fer at halda til í komandi viku. Nógv evni Í sendingunum úr Italia verður tosað við føroyingar, sum búgva í ella hava tilknýti til Italia. Eisini verða innsløg um móta, mafia, mat, vín, politikk, bilar, ferðavinnu og annað. Rás2 fer eisini at leita eftir matstovu í Milano, har før­ oyskur saltfiskur verður borðreiddur. Tosað verður um tónaskaldið Verdi, for­før­aran Casanova, og listamannin Leonardo Da Vinci. Eisini verður vitjað í Norðuritalia, har nógv spennandi og kend ferðavinnustøð eru. Í sendingunum verður ein flogferð fyri tvey fólk til Milano í summar burtur­lutað. Rás2 manningin í Milano verður Rannvá Gaard Fossaberg, Eyðun Klakstein og Hjalmar Hvítklett. Bangin fyri skúlanum Redaktørur: Eyðun Klakstein Útgevari: Sosialurin, www.sosialurin.fo Sniðgevi/umbróting: Pætur Eyðunsson Jensen, Sosialurin Forsíðumynd: Jens Marni Hansen / Mynd: Heinesen Myndir klumman Inna Törnroos Í næstu viku sendir Rás2 úr norðuritalska stórbýnum Milano. Sent verður fimm tímar um dagin í tveir dagar Í morgin skal eg verða við í flokkinum hjá 8 ára gamla soninum allan dagin. Tað er vanligt, at foreldur gera soleiðis her í Svøríki. Eg havi blandaðar kenslur mótvegis skúladegnum. Eg vil – men samstundis vil eg ikki verða við í flokkinum. Tey foreldur, ið hava verið við, eru øll glað og jaliga yvirraskað. Men míni eygu eru tíanverri – vegna egnar royndir – serliga vand at síggja øll tey, sum ikki hava tað so gott í skúlanum. – Eg eri bangin fyri at síggja ein einsa­ mallan næming, sum ongin spælir við. – Eg eri bangin at síggja ein næming, sum dugir svarið til spurningin, sum lærarinnan spyr – men hon/hann torir ikki at siga svarið av ótta fyri at ein floksfelagi rópar okkurt ljótt. – Eg eri bangin fyri at síggja næmingar, sum halda til í einum horni fyri seg sjálvi, tí tað er tryggast har, og ongin leggur merki til tey. – Eg eri bangin fyri at síggja næmingar berjast, og ongin lærari ger nakað. – Eg eri bangin fyri, at ein næmingur fer grátandi til læraran og hann/hon svarar: »Hatta var ikki so farligt. Eitt sindur mást tú tola.« – Eg eri bangin fyri at síggja næmingar, sum vilja pissa, men sum ikki tora inn á vesið, tí tey ikki vita, um tey sleppa út aftur haðani. Eg eri snøgt sagt bangin fyri skúlanum. Og eg eri so hjartans glað fyri, at eg eri sloppin langt burtur haðani – men míni eygu og oyru eru víðopin. Tí ongin skal nýtast at hoyra ljót orð um seg sjálvan og sína familju, blíva sligin, blíva sparkað og útfryst á sínum arbeiðsplássi. Og tað er júst tað, skúlin er. Hann er arbeiðs­ plassið hjá okkara børnum í 10 heili ár. Eg vóni av øllum mínum hjarta, at eg við løttum fetum gangi út úr skúlagarðinum í morgin eftir skúlatíð. Men eg lovi samstundis mær sjálvari og tykkum øllum, sum lesa hetta, at eg sigi frá, um eg síggi nakað av tí, eg eri bangin fyri at síggja. Lovið tit tað eisini. So kunnu vit kanska saman gera mun og minka um happing. So segði hann... Rás2 sendir úr Milano – Summi rysta við høvdinum og skilja ikki, hví eg geri hetta, og teimum dámar einki, at eg aftur skal avstað. Høvuðsorsøkin er tann, at tey vita ikki reiðiliga, hvat tað er, sum fer fram eini slíkari ferð. Livar Nysted, havrógvari, sum nú skal rógva um Indiska Havið Í næstu viku sendir Rás2 úr norðuritalska stórbýnum Milano, og vitjað verður ymsastaðni í Norðuritalia