týsdagur 16. apríl 2013síða 10

Mikudagur 17. apríl 2013 · Nr. 43 10 Sosialurin Hugskot og viðmerkingar – send sms til 225000 tíðindi Vilmund Jacobsen Leygardagin klokkan 10 letur Djórahandilin upp í nýggju hølunum, har umstøðurnar eru nógv betri enn í gomlu hølunum. Vanligar dagar verður opið frá klokkan 10-17.30, og vanligar leygardgar verður opið frá klokkan 10-14. – Nú leygardagin, tá latið verður upp á Óðinshædd klokk­an 10, fara vit at hava opið til klokkan 16. Tað sigur Sune Berglind, sum eigur og rekur Djóra­ hand­ilin í dag. Formella yvirtøkan frá pápanum, Flemmingi Berg­ lind, sum annars keypti hand­ilin í 1994, fór fram um árs­skiftið. Forvitnisligur handil – Heilt síðan eg var stórur smá­drongur, havi eg havt áhuga fyri djórahandlinum, sum tá í tíðini kallaðist Akvariu­búðin. Eg havi so­ leiðis altíð verið partur av hes­um og havi hjálpt til í handlinum, eftir at pápi mín keypti hann. Sune heldur, at hetta altíð hevur verið ein hugtakandi, spennandi og forvitnisligur handil. Navnið Djórahandilin er eini 6-7 ára gamalt. – Fólk, sum ringdu, spurdu ofta, um tað var Djóra­hand­ ilin, og haðani er navnið kom­ið, sigur hann. Sune Berglind sigur, at nógv hevur verið at gera, nú handilin flytir, og arbeitt hevur verið bæði dagar og nætur. – Djórini eru nú komin upp á pláss, og tá leygardagurin kemur, og vit lata upp, er alt komið upp á pláss. Hann sigur, at umframt tað at umstøðurnar í síni heild verða nógv betri, verður eisini ein lítil ”garður” settur upp, har børn kunnu síggja og nerta við kaninur. Hann leggur aftrat, at tey smæstu børnini saktans kunnu fara inn í garðin mill­ um kaninurnar. Fjølbroytt úrval Djórahandilin hevur eitt stórt og fjølbroytt úrval av djór­um, fiskum og fuglum, og haraftrat hevur handilin ein hóp av ymiskari útgerð til hesi. – Vit hava eisini útgerð til eitt nú kettur, hundar og ymisk gnagdjór - ja, alt frá fóðuri til reimar, kurvar og búr. Sune Berglind sigur, at hann eisini hevur ymisk skrið­djór, slangur og eitur­ kopp­ar. – Beint í løtuni havi eg eini 3-4 sløg av slangum, har­av tann størsta er meiri enn hálvan annan metur lang. Slangurnar eru tó ikki vanda­miklar fyri menniskju, kanska fyri mýs, sigur hann bros­andi. Handilseigarin sigur, at úrvalið av fiskum eisini er hampiliga stórt. – Vit hava fleiri sløg av hamstrarum, marsvínum, kan­inum, og vit hava eisini chin­chilla, ið líkist íkorni og er til støddar sum eitt stórt mar­svín ella ein lítil kanin. Sune Berglind vísir á, at Djórahandilin hevur eini 20 búr við ymiskum skrið­ djórum, fýrbeinum og skjald­ bøkum, og eini 10-15 búr við ymiskum gjagdjórum. – Vit hava eisini kanariu­ fuglar, undurlátar og fink­ ur, sigur eigarin av Djóra­ handl­inum, sum letur upp í nýggjum hølum leygardagin og fer at bjóða vitjandi okk­ urt gott. Hann er ein av teimum, sum selir fleiri milliónir eintøk av sínum útgávum, spælir á útseldum konsertstøðum og festivalum kring allan heimin, vinnur heiðurslønir fyri sín tónleik og stórtrívist á hitlistunum. Hann er 29 ára gamal, hev­ur eina langa røð av hitt­ unum í skjáttuni, er aktuellur við nýggjum tónleiki, og í august kemur hann til Før­ oya at spæla kanska størstu popp­konsert her á landi nakran­tíð. Hann eitur Mika og er heimskend poppstjørna. Hittini hjá honum eru nógv í tali – millum annað sang­ir sum Grace Kelly, Love Today, We Are Golden, Lolli­ pop, Happy Ending, Relax Take It Easy og fleiri. Mika hevur vunnið eina Brit Award umframt aðrar heið­urslønir. Hann hevur eis­ini verið tilnevndur til Grammy heiðursløn fyri sín tón­leik. Gjøgnumbrotið Mika verður roknaður sum breti, men hann varð føddur í Libanon og hevur libanesiska mammu og amerikanskan pápa. Tey fluttu fyrst til París at búgva, og tá ið Mika var sjey ára gamal fluttu tey til London. Har upplivdi Mika at verða happaður illa í skúlanum. Eitt var, at hann kom úr Frakland, men annað var, at hann var lesiveikur. Endin var, at mamma hans­ ara undirvísti honum heima, til hann var 12 ára gamal. Hann fór aftur í skúla, og seinni gekk hann eisini á Royal College of Music, men har gavst hann, tí hann fór at gera innspælingar til sína fyrstu útgávu. Fyrsta stakfløgan hjá Mika kom út í 2006 og kall­ aðist Relax, Take It Easy. Sangurin varð í fyrstu syftu serliga spældir á BBC Radio 1. Hetta var byrjanin til veru­liga gjøgnumbrotið hjá Mika. Í januar árið eftir kom stak­fløgan Grace Kelly út, og sangurin gjørdist nummar 1 á bretska hitlistanum. Sìðani komu fløgurnar Life In Cartoon Motion og The Boy Who Knew Too Much, og nú var tað, at Mika fekk eitt hitt fyri og annað eftir. Í fjørheyst gav Mika sína triðju fløgu út – The Origin Of Love – og eisini hon hevur selt væl. Ferðast kring heimin Mika brúkti meginpartin av 2010 og 2011 á eini heims­um­ fatandi konsertferð, har hann spældi eitt ótal av konsertum fyri fullum húsum í Europa, Fjareystri og Norðuramerika. Hann hevði eisini framførslu á Olympisku Leikunum í London í fjørsummar. Mika er meira enn bert ein brestskur popptónleikari. Hann hevur fingið gull og platin heiðursløni rí 32 lond­ um, og hann hevur eisini fingið bæði Brit Awards og MTV Award. Nú kemur Mika so til Før­ oya at hava konsert, og hann spælir á Summar Festi­val­ inum í Klaksvík, sum verður hildin í døgunum frá 8. til 10. august. – Vit hava í longri tíð havt samband við umboðsfólkini hjá Mika fyri at fáa Mika til Føroya at spæla, og vit eru serstakliga fegin um, at tað nú hevur lukkast. Hetta er eitt tað størsta og mest aktuella poppnavnið, sum nakrantíð hevur verið í Før­oyum, og vit rokna við eini ordans poppkonsert á Vágsbøi, sigur Erik Biskopstø, ein av fyrireikarunum av Summ­ar Festivalinum. Djórahandilin flytur niðan í Óðinshædd Djórahandlin, sum seinastu árini hevur húsast í trongum hølum í Janstovugøtu í Havn, flytir nú niðan á Óðinshædd í hølini, har Bónus-handilin var áður. - Gomlu hølini vóru um 50 fermetrar, og nýggju hølini eru meiri enn fýra ferðir so stór, sigur handilseigarin, Sune Berglind Hann varð so illa happaður í skúlanum, at mamma hansara hevði hann heima og undirvísti honum, men nú er Mika altjóða poppstjørna - Hetta hevur altíð verið ein hugtakandi, spennandi og forvitnisligur handil, og tað verður hann ikki minni, nú umstøðurnar verða so nógv betri, sigur Sune Berglind, sum eigur og rekur Djórahandilin, sum nú fer at húsast í fyrrverandi Bónus-hølunum á Óðinshædd Mynd: Álvur Haraldsen Happaði drongurin bleiv poppstjørna