týsdagur 16. apríl 2013síða 14

Mikudagur 17. apríl 2013 · Nr. 43 14 Sosialurin Hugskot og viðmerkingar – send sms til 225000 nøvn Tað kom okkum í bindiklubbanum dátt við at vakna tíðliga á morgni, har telefonin ringdi og sagt varð at Birita var ikki ímillum okkum meira. Tað var næstan ikki til at skilja, sjálvt um vit vistu, at hon var sjúk og hevði verið tað í nøkur ár. Vit høvdu bindiklubba kvøldið fyri. Birita ringdi og segði okkum frá, at hon var innløgd á sjúkrahúsið – hon bað okkum bara samlast, tí hon roknaði við at vera har eina viku aftrat. Hon segði við okkum, at nú ynskti hon bara at fáa góða hjálp, áðrenn hon kom heim aftur til Fuglafirðar. Seinni sama kvøldið ringdi hon aftur til okkara, og vit hoyrdu, at hon nú var viknað á málinum. Men at hon bara fáar tímar aftan á samtaluna við okkum skuldi fara foldum frá, varnaðust vit ikki – hetta bleiv ein sannur kvøkkur fyri okkum, og saknurin er so ómetaliga stórur. Góða Birita. Tú vart altíð so glað fyri at koma saman við okkum. Hóast tú vart sjúk, vart tú altíð við – vit aðrar plagdu at taka til, at tá tú ikki komst, bleiv næstan tøgn av okkum, tí tú vart so áhugaverd at lurta eftir. Tú dugdi so væl við tínari róligu rødd at siga frá tí, sum tú hevði upplivað um dagarnar. Ja, tað vóru nógvar stuttligar løtur, vit høvdu saman í bindi­ klubbanum – ikki at gloyma túrin í Keypmannahavn fyri bara tveimum árum síðani. Tað sum altíð lá fremst í tí, sum tú segði frá, var um eygnasteinin – ommusonin Tóra, sum tú náddi at vera saman við í fimm ár. Abbi lítla Tóra, Kári av Reyni, sáli, syngur so væl hendan sangin: 1. Eg livi og veit, at sál mín er grødd At dómur ei á meg skal falla Eg livi og bíðiðtí kallandi rødd Sum fremmandur fuglur er sál mín her stødd Til Faðirin barn sítt vil kalla 2. Eg doyggi og veit, tað vinningur er At hvíldin hin sæla er funnin At enda er lívsins hin troyttandi ferð At seinasta royndin er útstaðin her Og ævigi sigurin vunnin 3. Eg fari og veit, hvar ferðin meg ber: Til Faðirins æviga ríkið Til heimið sum Jesus til reiðar mær ger Til landið, har aldri við sorg sum her Frá vinunum burtur er víki 4. Eg livi og veit, at doyggi eg skal Til lívið eg upp aftur standa Eg fari til vinin, eg kenni so væl Hví er ei mín sál meiri frí og sæl Hvønn dag enn á fold eg skal anda Sorgin og saknurin hjá tykkum góðu Svein, Oddur og Tóri, sum mistu eina kæra konu, mammu og ommu í besta blóma, geva nógvar tungar løtur. Harrin styrkið tykkum í sakninum. Við hesum fátøku orðum vilja vit lýsa frið yvir minnið um okkara góðu vinkonu – hvíl í friði og takk fyri alt, góða Birita. Rosit, Jonny, Malan og Ebba Skyldmanninum Poul hjá Annufíu ( 1950-2012) til minnis Tá ið vevurin at enda steðgar og skjúttulin ei longur fram fer Vil Guð lyfta klæði til síðis og lata okkum skilja til fullna her Hví teir gyltu træðrir eins væl, og tey dimmu bond Í mynstri, øll høvdu sín leiklut Í Meistarans fullkønu hond. Friður verið við minni tínum, frægi frændi. M. Birita Zachariasen *23. februar 1957 † 12. februar 2013 90 ára føðingardagur Leygardagin 20. apríl verður Lena í Beitinum, Trøðum, á Sandi 90 ár. Dagurin verwður hildin í Sandabrekkuni 14 frá kl. 12. Øll eru hjartaliga vælkomin. Jón bóndi 80 ár 21. apríl fyllir Jón Joensen í Bø 80 ár. Dagurin verður hildin í heiminum frá kl. 13.00. 80 ára føðingardagur Mikudagin 17. apríl fyllir Herborg Olsen Sandavágur 80 ár. Dagurin verður hildin í Meiniheitshúsinum leygar­dagin 20. apríl frá kl. 15-19. Øll eru hjartaliga vælkomin. 80 ára føðingardagur Leygardagin tann 20. apríl verður Gudrid Dahl Søren­ sen, Viðar­eiði 80 ár. Dagurin verður hildin í Róðrar­ neyst­inum í Árnafirði frá kl 18, øll eru vælkomin. Konfirmatión Sunnudagin 21. apríl verður Ester Eiriksdóttir Skála, Argir, konfirmerað í Oasuni, Kirkjustræti 2, Hoyvík. Dagurin verður hildin frá kl. 18 í Oasuni, Kirkjustræti 2 kj. Hoyvík. Tøkk Hjartaliga takki eg øllum, sum gleddu meg á 75 ára degnum. Takk til tykkum, sum hjálptu til. Takk fyri gávur, blómur, talur og takk til Streingjakórið og Heimaforbunds­systrar fyri góðan sang Inger Hansen