týsdagur 23. apríl 2013síða 36

l ý s i n g a r • a p r í l 2 0 1 3 tunnilsblaðið Sosialurin 8 unavík R Í morgin 25. apríl skal Effo-liðið hjá NSÍ taka ímóti EB/Streymi við Løkin, og longu sunnudagin 28. apríl er avbjóðingin HB, eisini á heimavølli. Tað hevur ikki skorist nakað serligt hjá NSÍ higartil í landskappingini í ár, og eftir seks umfør hevur Effo-liðið 8 stig. Vert er tó at bíta merki í, at liðið hevur fingið fult stigatal í tveimum teimum seinastu dystunum, nevniliga móti B36 á heimavølli og móti AB á útivølli. Hini bæði stigini eru vunnin í javnleikum móti TB á Tvøroyri og 07 Vestur í Vágum. Í byrjanini av landskappingini tapti NSÍ fyrst móti Víkingi og síðan móti KÍ. Sjálvur heldur venjarin, Abraham Løkin, at teir hava leikt betri dystir enn teir báðar seinastu, sum teir vunnu. – Øll hava vit ein dreym um vakran og elegantan fótbólt, men í seinasta enda eru tað stigini sum telja. Eg vil siga, at bæði í dystinum móti B36 og síðan móti AB leiktu vit meiri »ópoleraðan« fótbólt, og í hesum báðum førunum fingu vit fulla úrtøku. Full segl Abraham Løkin ivast onga løtu í, at báðir teir næstu dystirnir á heimavølli vera truplir. – Hetta eru tvær stórar avbjóðingar slag. Hóast EB/ Streymur enn ikki hevur fingið tey nógvu stigini, eru vit onga løtu í iva um, at liðið fer at koma fyri seg og fer at blanda seg. Hinvegin liggur HB í løtuni í oddinum við 14 stigum. Venjarin vísir á, at hetta eru tvær stórar uppgávur, sum liggja fyri framman, men fyribils hevur hann valt at konsentrera seg fult og heilt um ta fyrru uppgávuna, EB/ Streym á heimavølli flaggdagin. – Á heimavølli fara vit ikki eftir javnleiki, men eftir øllum trimum stigunum. Vit fara at seta øll segl, og vit fara í báðum teimum komandi dystunum at »fighta« til seinasta bríksl. So, fáa vit at síggja, hvussu langt tað røkkur, leggur hann aftrat. Skapa meiri Í landskappingini í Effo-deildini í fjør endaði NSÍ niðanfyri miðjuna, og málið í ár er at røkka einari betri plastering enn í undan­ farnu kapping. – Vit halda, at vit hava eitt hampiliga gott lið. Kanska spæla vit eitt sindur øðrvísi fótbólt í ár enn í fjør við tað, at dentur verður lagdur á at skapa meiri – ella, at sleppa longur niðan á vøllin. Tað tekur tíð at fáa spælið at hanga væl saman. Abraham Løkin vísir á, at tað nyttar so lítið at spæla væl dyst eftir dyst, um eingi úrslit spyrjast burtur úr. – Neyðugt er, at spælið er ein kombina­ tión millum góðan fótbólt og úrslit. Okkara menn kunnu sjálvandi fara hampiliga væl nøgdir av vøllinum, tá liðið hevur spælt væl, tó at vit taptu, men í seinasta enda verður eingin glaður, um vit ikki eisini fáa stigini í hús, sigur hann. Ógvuliga spentur Abraham Løkin sigur, at bæði hann sjálvur sum venjari og hansara menn á liðnum eru ógvuliga spentir upp á avbjóðingarnar, sum liggja næst fyri framman. – Ja, hetta verður ógvuliga spennandi, og vit fara at gera okkara til, at hetta verða tveir góðir dystir. Í løtuni hugsa vit bara um dystin móti EB/ Streymi – og slett ikki um hina seinnu avbjóðingina, sigur venjarin, sum eigur nógv ár tilsamans í NSÍ og sum nú aftur hevur tikið um stýrisvølin sum venjari hjá Effo-liði felagsins. Tað eru heimligir leikarar sum manna besta liðið hjá NSÍ í ár og einastu leikarar, sum ikki hoyra heima í Runavíkar-økinum, eru skálamenninir, Andras Frederiksberg og Jónhard Frederiksberg, sum tó eru í somu kommunu. – So, vit kunnu við rímiliga røttum siga, at talan bara er um lokalar kreftir, sigur Abraham Løkin. Tað verður »fight« til síðsta bríksl Fjølbroytt konsert í Glyvra skúla Teir næstu dagarnar hevur besta liðið hjá NSÍ tvær stórar avbjóðingar á heimavølli. Venjarin, Abraham Løkin, sigur, at liðið fer á vøllin við tí fyri eyga at vinna báðar dystirnar. – Vit fara at seta øll segl, og vit fara í báðum dystunum at »fighta« til seinasta bríksl, sigur hann Í kvøld – mikukvøldið 24. apríl klokkan 19.30 – hava Nes Sóknar Musikkfelag og Fuglafjarðar Hornorkestur konsert í fimleikahøllini í Glyvra Skúla Nes Sóknar Musikkfelag hevur mangan spælt konsertir saman við øðrum orkestrum, og hesaferð verður tað saman við Fuglafjarðar Hornorkestri. Kenneth Jones stjórnar Nes Sóknar Musikkfelag, og Kjell Orseth stjórnar Fuglafjarðar Hornorkestri. Konsertin í Glyvra skúla í kvøld er liður í fyrireikingunum hjá orkestrunum báðum til árligu musikkstevnuna, sum hesaferð verður í Skúlanum við Løgmannabreyt næsta vikuskifti. Tað er Havnar Hornorkestur, sum fyri­ skipar Musikkstevnuna í ár. Fjølbroytt skrá Skráin fyri kvøldið í kvøld er fjølbroytt. Til musikkstevnuna hava orkestrini vant fleiri ymisk løg sum skulu vísa, hvussu væl orkestrini megna at spæla ymisk og fjølbroytt tónleikasløg – alt frá siðbundnum marsjum og klassiskum tónleiki til fosturlandsløg og lættari tónleik. – Dámar tær hornorkesturtónleik, er avgjørt vert at seta eina løtu av til konsert­ ina í kvøld klokkan 19.30, siga Nes Sóknar Musikkfelag og Fuglafjarðar Hornokestur. Skráin fyri konsertina í fimleikarhøllini í Glyvra skúla í kvøld verður fjølbroytt - alt frá siðbundnum marsjum og klassiskum tónleiki til fosturlandsløg og lættari tónleik – Neyðugt er, at spælið er ein kombinatión millum góðan fótbólt og úrslit, sigur Abraham Løkin, venjari hjá NSÍ – Í løtuni hugsa vit bara um dystin móti EB/Streymi flaggdagin – og slett ikki um avbjóðingina móti HB sunnudagin, sigur venjarin