fríggjadagur 10. mai 2013síða 34

nr. 53 · 10. mai 2013 2 VIKUSKIFTI Íbúð Eyðun Klakstein eydun@sosialurin.fo Í 1959 keypti Andy Warhol eini hús á Lexinton Avenue í New York fyri 341.000 krónur. Nú eru húsini aftur til sølu, og tú kanst keypa tey fyri 33 milli­ ónir krónur. Andy Warhol, sum var listamaður og hevur gjørt heimskend verk, búði í 15 ár saman við mammu síni í hús­un­ um. Húsini, sum ikki eru serliga stór, eru í fimm hæddum, og í niðastu hædd­ ini hevði Warhol atelier, har hann fram­ leiddi og seinni goymdi síni verk. Sambært New York Times verða húsini roknað sum fyrsta lista­verk­ smiðj­an hjá Warhol, og har vóru eitt nú hansara verk av suppudósum og bananum framleidd. Virða Warhol Sambært James Warhola, sum er skyldmaður hjá Warhol, búðu eitt skifti 25 kettur, sum allar vórðu kallaðar Sam, í húsunum. Síðani Andy Warhol flutti úr hús­ un­um, hevur tað havt tveir ymiskar eig­arar og er sett í stand. Seinastu eig­ ararnir hongdu verk hjá Warhol upp í húsinum fyri at virða og varðveita Warhol-andan í húsunum. Eigararnir hava tó ikki latið húsini upp fyri fjepparum ella almenningi, men húsameklarin Lawrance Comroe, sum stendur fyri søluni, sigur, at nýggi eigarin skal virða, at húsið hevur tilknýti til Andy Warhol og hansara list. Nakrir tankar ein summardag Redaktørur: Eyðun Klakstein Útgevari: Sosialurin, www.sosialurin.fo Sniðgevi/umbróting: Pætur Eyðunsson Jensen, Sosialurin Forsíðumynd: Olevina Sundsskarð / Mynd: Ólavur J. Hansen klumman Barbara Holm Húsini í New York, har listamaðurin Andy Warhol skapti nógv av sínum verkum, eru nú sett til sølu Í skrivandi stund siti eg í Keypmannahavn í ársins fyrsta sóldegi, og nú eru summar­ klæðini komin fram. Men saman við shorts­unum kemur eisini óttin. Óttin fyri at ikki passa inn. Óttin fyri at vera kiksað, ljót ella fyri at vera avdúkað fyri tað man er – ein kvinna, sum ikki líkist modellunum á forsíðunum. »Mær dámar nógv betri veturin, tí tá kann man lata seg væl í uttan tað er løgið«, segði ein vinkona mín í dag. Hon helt fyri, at við sólini kemur eisini tørvurin á at lata seg úr. Vísa seg fram, og harvið missa møgu­ leikan fyri at goyma seg. Allar sótu vit og nikkaðu við, og kendu væl til trupulleikan við tí fyrsta sóldegnum. Hendan vinkonan er í mínum eygum ógvuliga vøkur. Hon er tað, sum aðrar kvinnur vilja vera. Men í hennara egnu eygum er hon alt ov kiksað til at lata seg í shorts. Løgið, hugsaði eg. Hvør hevur í veru­ leikanum tikið tað avgerð, at appelsinhúð ella kritahvít bein er nakað ljótt, nakað kiksað, nakað, sum skal goymast burtur? Í Kuba eru kvinnurnar rundar, stórar, klænar, lítlar, ja í veruleikanum í øllum støddum, og tær vera allar virdar og sæddar sum vakrar. Her í Danmark og í Føroyum skulu vit helst hava eitt nøkunlunda BMI tal; vit skulu venja, so búkurin og lørini eru í form; vit skulu ongantíð vera heilt hvítar (heldur ikki í mai?), og vit skulu undir øllum umstøðum ikki hava appelsinhúð. Eg hugdi rundan um meg í Keypmanna­ havn í dag, og eg sá ikki eina kvinnu, sum var eins og hinar. Allar vóru tær serstakar á hvør sín hátt. Summar við stórum bróstum, summar minni. Summar væl vandar, aðrar eitt sindur leysar. Summar við appelsinhúð, og aðrar við strekkmerkjum. Ja, allar høvdu tær okkurt, sum ikki passaði inn í tað per­ fektu myndina, sum onkur hevur upp­stillað til okkum. Men hvør er tað so, sum hevur bestemmað, at hesi tingini ikki er nóg góð? Hví eru vit ikki sum kvinnurnar í Kuba, og bara góðtaka okkum júst sum vit eru? Ja, tað kann allarhelst skrivast ein heil PHD ritgerð um hetta evnið, men eg haldi, at veruleikin er sera einfaldur. Eingin varnast mínar feilir, um eg ikki sjálv varnist teir. Tað er eingin universell lóg sum sigur, at strekkmerkir, heingiboppir ella appelsinhúð er av tí ringa – tað er bara nakað, sum vit sjálvar halda og tí útstrála til øllum rundan um okkum. Tí má niðurstøðan vera tann, at vit skulu læra okkum at ikki bara góðtaka okkum sjálvar, men at dyrka tað! Dyrka appelsin­ húð­ina, tey leysu lørini, tað hvítu húðina og tann ótrimmaða búkin, og síðani signalera til øll rundan um okkum, at tað er okey at vera kvinna. So segði hon... Warhol-hús til sølu fyri 33 milliónir – Hann er júst soleiðis, sum vit kenna hann. Munurin er bara, at hann ikki fær rørt seg og samskiftir umvegis teldu Sunniva B. Simonsen, mamma Emil Fyrrverandi íbúðin hjá Andy Warhol er prýdd við verkum hjá listarmanninum