týsdagur 14. mai 2013síða 18

Mikudagur 15. mai 2013 · Nr. 55 18 Sosialurin Hugskot og viðmerkingar – send sms til 225000 nøvn Tað er við sorgblídni, eg hug­ leiði um Tór, sum eg havi kent frá teimum sorgleysu dreingja­árunum á Selatrað. Frá strævna lívinum á skips­ dekki sum tannáringur og síðan alt lívið. Tórur bleiv ikki gamal maður bert 65 ár, men hann hevði tó eitt langt ar­beiðslív. Tórur fór til gravar úr Vest­urkirkjuni. Nógv fólk vóru komin til jarðarferðina at vísa Tóri tann seinasta heið­ur. Byrjað varð við at syngja sálmin, Eg sigla man yvir lívsins hav, meg ber hin skift­andi bylgja. Havi hoyrt henda sálm manga ferðir, men ongantíð so sigandi sum í hesi løtu, nú hann varð sung­in yvir Tóri. Meðan bispur helt gravar­ taluna og hugleiddi um Tóra’sa lív sum skilamann, skip­ara og fiskiklógv, fóru tank­ar mínir longur aftur. Aft­ur til ungdómsárini. Tórur sleit sínar barna­ skógv­ar úti á Heyggi á Sela­trað. Sum drongur var hann við í leiki og fyri­fall­ andi heimaarbeiði, sum hoyrdi til eitt húski í hálv­ trýss­unum. Hann vísti, at hann var arbeiðssamur, røk­ in, dugnaligur, fáorðaður drong­ur, sum dugdi væl at leggja bæði spæl og arbeiði til rættis. Tórur byrjaði sítt lívsyrki á sjónum sum fjúrtan ára gam­al. Áðrenn fyrsta árið var runnið, var Tórur útfyri skak­andi hendingum. Fyrsta summarið á sildaveiðu norð­ an fyri Føroyar kom eldur í skipið, sum hann var við. Mann­ingin varð noydd at fara av skipinum, sum ikki stóð til at bjarga. Eftir hesa hend­ing fór Tórur um heystið til Grønlands við línuskipi. Hesin túrur bleiv nakað drúgv­ur, tað dró út til fyrstu vetrardagar, har kuldin setti síni spor. Seint í novembur út fyri Streymfjørðinum í land­ nyrðingsvindi fall tempera­ tur­urin niður í fleiri tjúgu kulda­stig. Lastin var tá um at vera full av saltfiski, og við meiri og meiri yvirísing hevði skipið tungt við at halda seg flótandi. Tí varð siglt frá línuni, og skipið tik­ ið undan vindinum. So skjótt sum dekkið varð turt, fór øll manningin at høgga ís fyri at lætta um skipið. Tórur rund­ aði tá síni fimtan ár. Fyrsta árið í eina hálva øld í sigling var byrjað. Tórur var ærukærur, í øll­ um arbeiði vildi hann verða millum teir bestu og skjót­ astu. Um tað var í einum egn­ ingarskúri, við eini trol­nál í hond ella í tí minni dámda sjálvdrátti, har hann kapp­að­ ist við teir bestu. Tá ið Tórur sjálvur fór at føra fiskiskip, bleiv navnið kent millum før­ oyingar sum ein av okkara frægu fiskiskiparum. Tórur var enn tann­áring­ ur, tá ið vit skiltust sum skips­felagar. Hesa tíð, undir Føroyum, New Foundland, Grøn­landi, Norðsjónum og Eystrasalti, fekk eg stóra virð­ ing fyri honum sum menn­ iskja. Tórur vísti dygdir, sum skaraðu fram úr tí vanliga á skipsdekki. Hann gloymdi ong­antíð, hvat hann hevði lært heimanífrá. Tí tosaði hann ongantíð niðursetandi um nakran. Hann var reinur fyri illbønum. Barnatrúgvin varð ikki vikin frá, og hann var ikki sjálvsøkin. Tað var altíð áhugavert at hitta Tór. Hansara fram­úr góða innlit í sam­felags­viður­ skifti, blandað við góðum minnum, lyfti samtalurnar upp á eitt hægri støði. Tá ið vit skiltust, var kenslan, sum sat eftir, góð. Løtan við Tóri var altíð gevandi. Bispur endaði sína talu í kirkjuni við, at Tórur til tíðir lá í tungari aldu. Tá ið aldan er tung, so er ódn onkustaðni, har eygað ikki sær. Tórur var av náttúru bæði sum ungur og eldri sinniligur, tryggur og javnsintur. Hann vildi og skuldi klára allar uppgávur sjálvur, og tað gjørdi hann eisini til lítar. Men at stýra burt­ur úr tungari aldu, var ikki altíð lætt. Úti í kirkjugarðinum hend­an kalda vetrardag var tað, sum um náttúran hvíldi, nú Tórur fór til gravar. Tað var logn og klárur himmal. Og tá ið kistan varð lorað nið­ ur í grøvina, hoyrdi eg aftur síðsta versið frá sálm­in­um, sum sungin varð í kirkjuni. Lat akker falla! eg náddi havn, farvæl, tú ótrygga bylgja! Og tá ið bispur kastaði jørð, var tað sum um, at akkerið festi botn. Stilla havnin funnin og tunga aldan burtur. Eg drýpi høvur við størstu virðing fyri mínum vini og skipsfelaga. Mín samkensla fer til børn hansara og tey nærm­astu. Páll B. Weihe Minnisgrein um Tór Jacobsen Tórur og abbadótturin Tóra Merkisdagar Konfirmantar í Sands kirkju 19. mai kl. 11.00 Súna Fagradal, Í Nesi 7, 210 Sandur. Sigrið Hentze, Heimasandsvegur 14, 210 Sandur. Rói Klementsen, Heimasandsvegur 114, 210 Sandur. Dagurin verður hildin í Missiónshúsinum á Sandi. Rani Nicolajsen, Ognarvegur 9, 240 Skopun. Rakul Mohr Olsen, Sandabrekkan 2, 210 Sandur. Bogi Petersen, Heiðaravegur 1, 220 Skálavík. Rannveig Poulsen, Skúlavegur 3, 240 Skopun. Maibritt Simonsen, Runtagøta 6, 210 Sandur. Sandra Thomsen, Uttan Á 5, 210 Sandur. Benjamin Trygvason, Heimasandsvegur 114, 210 Sandur. Dagurin verður hildin í Missiónshúsinum á Sandi. Gullbrúdleyp Sunnudagin 12. mei høvdu hjúnini Hildibjørg og Akku Hansen, Miðvági verið gift í 50 ár. Dagurin verður hildin 18. mei i heiminum, frá kl. 15.00. Gullbrúdleyp Hvítusunnudag 19. mai hava vit verið gift í 50 ár. Gull­ brúdleypið verður hildið í SÍF húsinum frá kl. 15.00. Øll eru hjartaliga vælkomin. Vinarliga Thurid og Hergeir Brúdleyp Leygardagin 18. mai kl. 15 giftast í Hvalvíkar kirkju Súsanna Eikhólm, Hvalvík og Rúni Kruse, Sør­vági. Veitsla verður fyri innbodnum. Dagin eftir, hvítu­sunnudag 19. mai, kl. 17 verður opið hús í Heinagerði 10, Streymnesi. Øll eru hjartaliga vælkomin. Brúdleyp Leygardagin tann 18. mai giftast í Middelfart kirkju, Danmark Annika Fríða Vatnhamar (dóttir Hjartvør og Karl Súna Vatnhamar, ættað úr Leirvík) og Peter Plauborg Larsen (sonur Inge-Marie og Elmar Larsen frá Esbjerg). 90 ára føðingardagur Hósdagin 16. mai verður Andrea Han­sen Fuglafjørður 90 ár. Dagurin verður hildin saman við børnunum. 70 ára føðingardagur 2. hvítusunnudag 20. mai verður Marin Poulsen, Eiði, 70 ár. Hon verður burturstødd. 60 ára føðingardagur 22. mai fyllir Sigfríður Olsen, Sandavágur, 60 ár, Føð­ingar­ dagurin verður hildin heima 2. hvítusunnudag, 20. mai frá klokkan 17. Ester Hansen hevur tann 16. des. 2012 á Univesitetinum í Keypmannahavn lokið prógv, sum Cand. Polit. Hon starvast nú í Danmark Nationalbank. Prógv 90 ára føðingardagur Hvítusunnuaftan 18. mai verður Aksel Jacobsen, Tórshavn 90 ár. Føðingardagurin verður hildin í Meinig­heitshúsinum frá kl. 18:00 95 ára føðingardagur Tann, 16. mai Eva Johanna Jacobsen 95 ár. Dagurin verður hildin saman við børnunum heima á Suðuroyarvegi 13, Tórshavn.