hósdagur 6. juni 2013síða 34

nr. 64 · 7. juni 2013 2 VIKUSKIFTI Tónleikur Eyðun Klakstein eydun@sosialurin.fo Á nýggju útgávuni hjá Halli Joensen, sum kom nú um dagarnar, syngur Hallur Joensen duett saman við kendu amerikansku Bellamy Brothers. Sang­ urin “Send Me A Letter Amanda” hevur verið nógv at hoyrt seinastu vikuna, og í næsta mánaði skal Hallur Joensen fram­føra sangin live saman við Bellamy Brothers. Tað verður á Norsk Countrytreff, sum er størsti countryfestivalurin í Noregi. Festivalurin verður hildin mið­ skeiðis í juni, og Hallur Joensen skal hava framførslu við sínum bólki. Bella­ my Brothers eru høvuðsnavn á festi­ vali­num, og teir vilja hava Hall Joensen at fram­føra nýggja sangin saman við teim­um. – Hetta er stórt fyri meg og vísur eisini, at teimum dámar sangin væl, sigur Hallur Joensen. Søgdu ja beinanveg Bellamy Brothers eru eitt av fleiri kend­um nøvnum, sum syngja saman við Halli Joensen á nýggju útgávuni “Hallur With Stars And Legends”. Og teir vóru skjótir at játta at verða við. – Eg sendi sangin yvir til umboðs­ kvinn­una hjá Bellamy Brothers, og hon svar­aði beinanvegin, at hatta var ein ordi­ligur Bellamy sangur. Sama kvøld kom so svar frá Bellamy Brothers, at teir vildu gjarna syngja sangin saman við Halli, sigur Allan Samuelsen, sum hevur hjálpt Halli í sambandi við nýggju útgávuna. Og tað kann verða at framførslan á countryfestivalinum í Noregi verður fyrsta av fleiri framførslum hjá Bellamy og Halli saman. Í heyst er ætlanin, at Bellamy Brothers koma til Føroya at spæla, og tað kundi verið, at Hallur eisini skal framføra við teim­um aftur uttanlands, um høvi býðst til tað. Fyrst eg – ella? Redaktørur: Eyðun Klakstein Útgevari: Sosialurin, www.sosialurin.fo Sniðgevi/umbróting: Pætur Eyðunsson Jensen, Sosialurin Forsíðumynd: Estera Apreutesei / Mynd: Álvur Haraldssen klumman Simona Weihe Hallur Joensen skal framføra nýggju duettina við Bellamy Brothers á størsta countryfestivalinum í Noregi Rákini koma í bylgjum og við teimum nýggj hugtøk og nýggjar orðingar. Serliga orðingin ella hugtakið »merkja eftir« (løgin orðing, man nakar hava føroyskað hana – ella eru vit før­oyingar ikki vorðnir nóg nalvaskoðandi enn?) hevur verið at hoyrt í rættiliga nógv ár. »Eg'ið« skal setast fyrst. Vit skulu minnast til at »løða upp«, »hava rúm« (space siga fleiri), »rúma ella ikki rúma hesum ella ha­s­um«, »frítt val«, »onkustaðni har hjálpir hetta», »har í lívinum, eg eri«, »velja til og frá« og ikki minst, alla tíðina »merkja eftir«. Kanska ljóðar hetta meira pro­fessio­nelt á hálvbrotnum føroyskum. Hvør veit? Og tykist tað altíð vera so spennandi at tosa um seg sjálvan. »Coacharnir« reksa upp øll hesi ymsu hug­tøk­ini, sum eg annars kenni so væl frá viku­bløð­unum. Og alt gott um tað. Sjálvsagt skulu vit ansa eftir okkum sjálvum. Fara væl um bæði likam og sál. Og undirhald skal til. Tí er tað so deiligt at seta seg við einum »Alt for damerne« og hyggja at myndum av lekkrum kjólum og skóm. Góð hugskot um t.d. at »skrykkja ein dag úr kalendaranum og bara forkela meg sjálva«. Og lesa um, hvat eg kann gera fyri at »hvíla meira í mær sjálvari«. Men hetta er gott undirhald og held­ur ikki meira. Gloymt líka so skjótt, sum eg havi lagt blaðið frá mær. Kanska skógv­arnir tó mala í knokkinum í nakrar dagar! Sjálv haldi eg, at tað er bara so keðiligt at ganga so høgt upp í seg sjálva. Um eg leygarmorgun kenni meg troytta, so fái eg tó nógv størri gleði burtur úr degnum, um eg krúpi úr songini, snolli meg upp og fari út við vinkonuni at hugna mær, enn bara at verða liggjandi og »merkja eftir«, um eg orki at fara upp ella út. Í øllum hesum íðum av lívsstílsráðum og rákum, so tykist tað at hjúkla um familju og vinir at vera skúgvað eitt sindur til viks. Men tað eru løturnar, tá tú ert so heppin at kunna vera nakað fyri onkran, sum tú minnist við takksemi. Til dømis eru løturnar saman við mínum eldru minnisgimsteinar. Og gongu­túrar í haganum saman við systur eru dýrgripir. Tað er hetta, eg haldi ikki er at forsmáa sum bæði gleðandi, mennandi og gevandi fyri sinnið. Og verður ov lítið givið gætur í meldrinum av góðum ráðum. So segði hon... Hallur á pall við Bellamy Brothers – Summi eldri fólk hava brúk fyri reingerð, tí tey klára seg annars sjálvi. Hvat nyttar tað í slíkum førum, at heima­hjálpin kemur at gera teimum ein temunn og kóka havra­greyt, men kann ikki turka av gólvinum. Rúna Sivertsen, stigtakari til felag hjá avvarðandi hjá heimahjálpsbrúkarum Hallur Joensen skal í næstum framføra saman við Bellamy Brothers