týsdagur 11. juni 2013síða 4

Mikudagur 12. juni 2013 · Nr. 66 4 Sosialurin Hugskot og viðmerkingar – send sms til 225000 tíðindi Rinda nú prísin fyri at misbrúka skeinkiloyvi PRIVATAR VEITSLUR Skeinkistøð hava misbrúkt loyvi til at halda privatar veitslur somikið illa, at nú hevur loyvisnevndin gjørt bart Áki Bertholdsen Nú sleppa skeinkistøð ikki longur at hava privatar veitsl­ur uttanfyri vanliga skeinkingartíð. Tað hevur loyvisnevndin avgjørt. Síðani 2011 hava skeinki­ støð kunnna fingið undan­ taksloyvi til at halda privatar veitslur, har almenningurin ikki hevði atgongd, uttanfyri vanliga skeinkingartíð. Jóanna Djurhuus, for­ kvinna í loyvisnevndini sigur, hesa seinastu tíðina hevur tað vundið upp á seg, at skeinkistøð hava søkt um undantaksloyvi at hava pri­ vatar veitslur uttanfyri van­ liga skeinkingartíð. Kortini hava fleiri víst á, at hesi loyvini eru misbrúkt, tí í roynd og veru hevur talan ikki verið um privatar veitsl­ ur, men um almenna skeink­ ing. Skeinkistøðini hava bara kallað tað privatar veitslur fyri at hava eitt skálkaskjól fyri at hava barrina opna longri enn enn tey annars hava loyvi til. Tað eru eisini dømi um, at lýst varð við slíkum ”privat­ um” veitslum á Facebook. Gjørdu bart Eisini Loyvisnevndin er kunnað um treytin fyri at fáa loyvið til privatar veitslur, verður ikki hildin. Forkvinnan í nevndini sigur, at tað eru bæði nøkur, sum hava skeinkiloyvi, og onnur, sum hava gjørt vart við, at treytirnar verða ikki hildnar, sigur. – Hóast tað skuldi eitast at vera ein privat veitsla, vóru treytirnar fyri at sleppa inn, so mikið lagaligar, at í roynd og veru var talan um almenna skeinking. – Sostatt mugu vit ásanna, at skipanin við privatum veitslum ikki hevur virkað eftir ætlan, sigur Jóanna Djurhuus. Tískil hevur loyvisnevndin gjørt av, at nú verða loyvi ikki longur givin til at halda privatar veitslur uttanfyri vanliga skeinkingartíð, legg­ ur hon afturat. – Sostatt sleppa skeinki­ ngarstøð ikki longur at halda privatar uttanfyri vanliga skeinkingartíð. Men í van­ ligari skeinkingartíð, kunnu tey sjálvandi hava privatar veitslur. Øðrvísi á bygd og í bý Forkvinnan í Loyvisnevndini sigur, at í Havnini er vanlig skeinkingartíð frá klokkan 11 á morgni til klokkan 23.45 á kvøldi, mánadag, týsdag, mikudag, hósdag og sunnudag. Á bygd er vanlig skeink­ ing­artíð frá klokkan 11 á morgni til klokkan 22.45 hesar somu dagar. Orsøkin til, at skeinkitíðin er ein tíma styttri á bygd, hevur einki við loyvis­nevnd­ ina at gera. – Tað er ein spurningur sum er ásettur í politi­við­ tøkunum. Vit hava eina politiviðtøku fyri Havnina og eina aðra fyri bygdir og býir uttanfyri Havnina og tær eru ikki heilt líka, sigur Jóanna Djurhuus. Hon sigur at fríggjadag og leygardag er vanlig skeinki­ ngartíð frá 11 á morgni til klokkan 03.45 um náttina. Nøkur heilt fá undantøk eru frá hesi reglu, eitt nú á ólavsøku og øðrum serligum tiltøkum. Framvegis loyvt Hóast tað nú ikki longur er loyvt hjá skeinkistøðum at hava privatar veitslur uttanfyri vanliga skeinki­ ngartíð, er tað kortini fram­ vegis loyvt at skeinkja í brúdleypum, føðingardøgum ella øðrum privatum veitsl­ um uttanfyri vanliga skeink­ ingartíð. Er talan um at hava slíkar veitslur á støðum, sum hava skeinkiloyvi, er tað ein treyt, at staðið hevur serstøk veitsluhøli, har eingin barr er. - Tað ber væl til at hava slíkar privatar veitslum á hotellum og øðrum støðum, sum hava serstøk veitsluhøli, har ongin barr er, sigur Jóanna Djurhuus. Sum heild hava vanlig skeinkistøð ikki serskild veitsluhøli og tí ber ikki til at hava privatar veitslur har, uttanfyri vanliga skeink­ing­ artíð. Tað er heldur ikki nóg mikið, at hesi støðini steingja barrina. Annars ber sjálvandi fram­vegis til at halda veitslur í bygdarhúsum og øðrum líknandi felagshølum. Hetta eru høli, sum ikki hava skeinkiloyvi og har er einki í vegin fyri at halda veitslu og at skeinkja fyri gestunum, sigur Jóanna Djurhuus. Hesi bæði seinastu árini kundu skeinkistøð fáa loyvi til at halda privatar veitslur uttanfyri vanliga skeinkinartíð. Men tað varð misbrúkt so mikið illa, at nú hevur Loyvisnevndin gjørt bart og hevur steðgað hesum virkseminum Fáar umsóknir um skeinkiloyvi Loyvisnevndin fær ikki nógvar umsóknir um nýggj skeinkiloyvi. Tað staðfestir Jóanna Djurhuus, forkvinna í loyv­ is­nevndini. – Hesi síðstu tvey ár­ini hava vit kanska fingið einar tvær, tríggjar um­ sóknir um nýggja skeinki­ loyvi, sigur hon. Hon sigur, at tað tykist sum um at ein nattúrliga lega er funnin fyri, hvussu nógv skeinkistøðum, pláss er fyri í Føroyum. Upprunaliga var kvota á fyri, hvussu nógv skeinki­ loyvi kundu vera í teimum ymsu økjunum í landinum, men hon er langt síðani avtikin. Kortini fóru skeinki­ støð­ini ikki at skjóta seg upp sum hundalond alla­ staðni. – Tað er ikki barr á hvørjum horni, sum nøkur stúrdu fyri. Í veruleikanum eru ikki serliga nógv skeinkiloyvi í landinum. Tað eru nøkur í Havnini og so nøkur heilt fá afturat runt um í landinum. Tað heilt nágreiniliga talið hevur hon ikki í høvdinum. Gott skil á Jóanna Djurhuus sigur, at í loyvisnevndini eru tey somuleiðis av teirri fatan, at sum heild verða skeinkiloyvini umsitin við skili. – Loyvisnevndin kann taka eitt loyvi aftur, sum ikki verður umsitið eftir lógini, men tað er ikki hent hesi bæði árini, eg havi verið forkvinna, sigur Jóanna Djurhuus. Kortini hava eini tvey skeinkistøð fingið ávaring um at fáa ávís viðurskifti í rættlag, annars missa tey loyvini. Tey viðurskiftini eru so fingið í rættlag, sigur hon. Tað, mest verður hugsað um í hesum føri, er, at skeinkistøðini hava havt opið longri enn loyvt er, og at tey hava skonkt fyri ov ungum fólki. – Samstundis er tað eisini okkara fatan, at borgarin dugir væl við skeinkiloyvunum, sigur for­kvinnan í loyvis­nevnd­ ini. Skeinkiloyvi skulu end­ ur­nýggjast fjórða hvørt ár og tað hevur heldur ikki verið nakar trupulleiki. Tá ið eitt skeinkiloyvi verður endurnýggjað, kann­ ar loyvisnevndin rokn­ skap­irnar og raksturin. – Hetta er ein vinna, har tað ber orð fyri at verða svartir pengar uppi í og tískil verða roknskapirnir kannaðir og eisini fyri at vita um fallin mvg skul, og onnur skuld til tað al­ menna, er goldin. – Samstundis kanna vit eftir um onnur viðurskifti eru, sum kunnu forða fyri, at skeinkiloyvi verður endurnýggja, eitt nú í sambandi við løgregluna ella einum fyribyrgjandi sjónarmiði. Annars fær loyvis­ nevnd­in rættiliga nógvar umsóknir um tað, tey kalla hissini skeinkiloyvi. Tað eru skeinkiloyvi til ávís tiltøk, eitt nú stevnur av ymsum slagi. – Tað voldir okkum í Loyvisnevndini ikki høv­ uðbrýggj, tí út frá einum fyribyrgjandi sjónarmiði, halda vit, at tað tálmar nýtsluna at fólk kunnu keypa á staðnum, heldur enn at noyðast at hava við heimanífrá.