týsdagur 11. juni 2013síða 38

Mikudagur 12. juni 2013 · Nr. 66 38 Sosialurin Hugskot og viðmerkingar – send sms til 225000 Ber til at gera stórhavn í Føroyum? Zakarias Wang Tað mesta av tí, sum verður ført fram fyri eitt val, verður skjótt gloymt. Tó kann okkurt hanga eftir í huganum eitt vet aftaná. Eitt, sum eg ofta havi hugsað um, er tað sum núverandi løgtingsmaðurin Hanus Samró segði um eina stórhavn í Føroyum. Hann segði, at ein av lærarum hansara í Niðurlondum hevði víst á, at sum var, vóru Niðurlond miðdepilin fyri flutningi til og úr Europa, og eingin kundi standa teimum kurl. Men so legði hann afturat: Einasta alternativið til Niðurlond í so máta eru Føroyar. Tað niðurlendingar bera ótta fyri, er sostatt, at um ein stórhavn verður gjørd í Føroyum, so kann hon fara at bjóða skipum so góðar umstøður, at tað fer at bera til at kappast við størstu havnirnar aðrastaðni. Tá fer at bera til at skipa um farm í Føroyum og flyta hann til smærri havnir í Europa. Vit kunnu sjálvandi siga, at hetta er reinur heilaspuni. Føroyar eru smáar, og tí ber ikki til at gera eina stórhavn her. Men hinvegin eru Føroyar tríggjar ferðir størri enn Singapore, sum hevur eina av heimsins størstu havnum, og sum júst hevur sama lutverk sum Niðurlond hava í Europa. Men hvar í Føroyum kundi ein slík havn verið gjørd? Hetta er sjálvandi ein hóskandi spurningur fyri arkitektar. Men yvirhøvur kunnu vit siga, at fyri at fáa eina stóra havn er umráðandi, at brimgangurin ikki er ov nógvur, at vindurin er sum minst, og at vítt lendi er uppi á landi. Harumframt er ynskiligt, at farleiðin til havnina er so rein sum møguligt. Ikki hevði verið verri, um tað slapst undan at órógva verandi bygging. Hvat stað, ið lýkur hesar treytir í mestan mun, ber til at fáa svarað við teimum upplýsingum, sum longu eru til taks. Ein slík havn krevur stórar íløgur. Nógvur kapitalur skal reisast. Sjálvandi verður farið undir verkætlanina av tí at hildið verður, at inntøkurnar kunnu renta íløguna. Men tað kann hugsast, at inntøkurnar av havnargjaldi ikki røkka til at gjalda allar útreiðslurnar tey fyrstu árini. Tí er tað, at tað almenna vanliga fer í veð fyri slík tiltøk. Sum er, eru havnir kommunalar, og tí hefta kommunurnar fyri tey lán havnirnar taka. Skal ein so stór íløga gerast sum henda, noyðast skattaborgararnir tí á onkran hátt at taka váða á seg. Verður verkætlanin væl úr hondum greidd, og sannlíkt er, at hon tekniskt og fíggjarliga er forsvarlig, er valla nakað at ivast í, at tað hevði verið rætt at farið undir tað tiltak, sum Hanus Samró nevndi, so skip upp á 300.000 tons kunnu leggja inn her. Málið er sera áhugavert og hevur í sær stórar møguleikar fyri Føroyar. Verður tað væl fyrireikað og sett í verk við dugnaskapi og uttan óneyðugt drál, kann tað skúgva land okkara á batarveg. kjak Klaksvíkar sjúkrahús á rættari kós Elsebeth Mercedis Gunnleygsdóttur Løgtingskvinna Klaksvíkar sjúkrahús hevur í langa tíð havt sum strategi at fáa serlæknar á ymsum økjum hendavegin. Hetta eru serlæknar á altjóða høgum støði, sum gera eitt høgt tal av somu uppgávum. Sama rutina fæst neyvan við bert at arbeiða i Føroyum. Til tess er fólkagrundarlagið ov lítið. At fáa serlæknar henda­ vegin er eftir mínum tykki júst tann rætti vegurin at ganga. Kann nevna, at aðra­ staðni er krav til ein ser­ lækna, at hann minimum skal gera 50 skurðviðgerðir av sama slagi, fyri yvirhøvir fram­haldandi at kunna kalla seg serlækna. Hvussu er í Føroyum, hava vit møguleika til hetta við 48000 íbúgvum? Trúgvi neyvan, at vit kunnu uppnáa somu rutina við so lítlum fólkagrundar­ lagi. Vit eiga at seta sjúk­ling­ in í fokus. Tí skulu vit eisini hava serlæknar á høgum al­tjóða støði aðrastaðni frá hendanvegin. Vit fara sjálv­ andi altíð at hava nakrar ser­ læknar í Føroyum, sum fara at hava rutinu innan teirra øki. Klaksvíkar sjúkrahús hev­ur í áratíggjur verið slóð­brótandi við at fáa ser­ lækn­ar hendanvegin. Her er talan um serlæknar á al­ tjóða høgum støði og sum eru viðurkendir um allan heim fyri teirra dugnaskap. Teir hava rutinu og royndir, sum ikki er møguligt at upp­ náa við bert at arbeiða í Før­ oyum. Starvsfólkið á Klaksvíkar sjúkrahúsi er somuleiðis vælútbúgvid júst til tær ser­ greinar, sum verða gjørdar á sjúkrahúsinum. Hesi hava í fleiri umførum verið á ser­ deildum á framkomnum sjúkrahúsum uttanlanda fyri at fáa sær upplæring í at geva 1.floks viðgerð til sjúk­ ling­arnar, sum eru skurð­við­ gjørdir av serlækna. Eftir mínum tykki skulu vit duga at seta prís uppá tað arbeiði, sum Klaksvíkar sjúkrahús ger á sínum øki, heldur enn at royna at leggja fótonglar. Lat okkum seta prís uppá at læknar, starvsfólk og leiðsla , sum allatíðina royna at gera seg dugnaligari, effektivari og finna nýggjar leiðir. Í hesum sambandi er eis­ini vert at minna á, at Klaks­ víkar sjúkrahús fekk gott skoðs­mál í sjúklinga­nøgd­ semis­kanningini, so hví skal nakað broytast her? Kanska broytingar ella nið­ur­legg­ ingar skuldu verið gjørd­ar onkra aðrastaðni ístaðin ! Never change á winn­ing team. Klaksvíkar sjúkrahús veit­ir eisini grundleggjandi við­gerð til øll. Og sum grein í Norðlýsinum vísir á, so er talið, sum leitað sær hjálp á Klaksvíkar sjúkrahúsi vaks­ andi. Tað sigur seg sjálvt, at fólki fer har, sum tey merkja, at tey fáa ta bestu viðgerðina. So kanska dupultfunktiónin, sum verður gjørd aðrastaðni, skuldi verið spard burtur. Fyri at fáa frið og ró á hesum økinum vil eg staði­ liga heita á Karsten Han­sen, landstýrismann í heilsu­ mál­um, skjótast gjørligt at melda út - so tað ikki er til at mis­skilja - hvørjar sergreinar skulu verða á hvørjum sjúkra­ húsi. Veit væl, at aðalorða­ skifti skal verða í heyst um heilsuverkið. Tá trúgvi eg veruliga, at Karsten Hansen vísir sínar gomlu dygdir og sker ígjøgnum. RBR flísaR, lock-Block 15x30x17,5 cm. 3995 pr stk. gráir 4995 pr stk. koksgráir RBR flísar, Hjertingstein 21x14x5,5 cm. RBR flísaR, HeRRegåRd 21x14x5,5 cm. 17995 pr m2 gráir 18995 pr m2 gráir blandaðir 15995 pr m2 gráir 16995 pr m2 gráir blandaðir borg l Runavík, tel. 477272 l Klaksvík, tel. 455149 l www.borg.fo ALSKYNS ÚTIFLÍSAR