mánadagur 17. juni 2013síða 12

Mánadagur 17. juni 2013 · Nr. 68 12 Sosialurin Hugskot og viðmerkingar – send sms til 225000 ítróttur ítróttartoymi S jáldan hevur ein heimsstjørna verið so kroyst í dysti móti smátjóð, sum Zlatan Ibrahimovic var undir dystinum móti Føroyum. Hann royndi at spæla »kong gularót« og helt at hann bara kundi gera sum hann vildi á vøllinum. Men lítið mundi hann vita um Gunnar Nielsen, Atla Gregersen og Símun Samuelsen, sum ikki bakkaðu ein metur fyri superstjørnuni. Tað kendist sum hendan nýggja samansetingin av føroyska landsliðnum fyri fyrstu ferð av álvara beit frá sær. Hetta var fyri okkum føroyingar eitt greitt tekin um, at vit framvegis eiga persónligheitir á føroyska landsliðnum, sum ikki ræðast at verja Merkið við fótbóltslívinum sum íløgu. Allir tríggir høvdu so dyggiliga tapt um teir fóru at samanbera løn og evnir við svenska liðskiparan, men alíkavæl stóðu teir við sítt. Sannlíkindini at vinna dystin og harvið kunna vinna dystin á Zlatan var heldur ikki stórur, so æran fór helst eisini at fáa eitt knekk, tá dómarin bríkslaði fyri seinastu ferð. So what! Fyri fyrstu ferð í eina tíð kendist tað sum at vit tordu at standa saman um Merkið og føroyska landsliðið. Í staðin fyri at boyggja okkum fyri ein heimsstjørnu, so vóru okkara til dystin fúsir og svaraðu aftur. Sjálvt tápuligu viðmerkingarnar, ið plaga at koma streymandi inn á millum annað dystargreinina á portalinum og áðra staðni á netinum, vóru ikki at síggja. Brádliga stóðu vit saman um landsliðið og tað var ein deilig kensla at sita á Friends Arena og merkja hvussu tað er tá føroyingar rógva í takt og ikki minst við somu kós. Gunnar Nielsen og Atli Gregersen góvu ilt av sær á vøllinum, meðan Símun Samuelsen svaraði aftur í fjølmiðlunum. Nú er nokk! Nú sleppur ongin at svína okkum til uttan tiltalu og landsliðið er í betri standi enn vit hava sæð í eina tíð. Í seinnu hálvu hava vit fýra dystir. Tríggir eru á heimavølli, móti Kasakstan, Eysturríki og Týskland, umframt ein útidyst móti Kasakstan. Vónandi kann alt Føroyar standa saman um landsliðið til teir dystirnar! Vit geva okkum ikki! www.ab.fo: Beint fyri hálvleik verður dømt fyri brotssparkið til KÍ og Jónas fær reytt kort. Henda døming var óskiljandi fyri øll, sum sóu dystin, uttan dómaran. www.nordlysid.fo: KÍ spældi allan seinna hálvleik við einum manni í yvirtali, men hetta hjálpti einki. AB fekk uppibornan javnleik og KÍ spælandi enn ein av sínum mongum javnleikum.  www.svimjing.fo: Pál Joensen megnaði í dag at vinna sær enn eitt fjórðapláss í altjóða kapping, tá ið hann á Mare Nostrum stevnuni í Canet-en-Roussillon svam 1500 metra frísvimjing uppá 15:19.66. www.havnnrok.fo: Eg eri ein av teimum, sum altíð havi hildið, at tað eru ikki róðrarteinarnir, sum gera, at tað tekur ov langa tíð at avgreiða róðrarnar. Støðan er bara, at á summum róðrarstøðum í Føroyum, duga tey betur at leggja út startir og at flyta startir. www.hb.fo: Vit mugu bara staðfesta, at vit heldur ikki megnaðu at vinna í dag. Hini úrslitini háttaðu seg annars soleiðis, at eingin rættiliga hevur hálað inn á okkum. www.if.fo: Gevi hjálparvenjaranum, Jóannes Jacobsen, rætt í, at um dysturin í dag var ein boksidystur, so vunnu vit klárt upp á stig. www.tb.fo: Tað var harðligt spæl, ið setti sín dám á dystin. TB kendi seg oftani fyri órætti og vanbýti, og orkan bleiv í ov stóran mun vend móti dómarunum, heldur enn at royna at fáa nøkur skot á mál. Tá hálvleikur var, var støðan 0-0, og hjálparfólkini hjá TB noyddust at fylgja dómara og linjuverja av vøllinum, tí viðhaldsfólkini vóru alt annað enn nøgd við avrik teirra. www.nsi.fo: Í síðstu roynd at broyta dystargongdina, fremur 07-Vestur eina dupulta innskifting við vón um at frískar kreftir kunnu hótta NSÍ liðið. Men hetta er ikki tilfeldið, har NSÍ bara eru ov sterkir til 07-Vestur. www.vikingur.fo: Tíverri eydnaðist ikki at fáa nakað mál, hóast møguleikarnir ikki trutu, og onkuntíð var betri at spælt til viðleikara enn at skotið í einum toluligum møguleika, men verjan hjá EB/Streymi var góð, og málmaðurin var serstakliga góður. Vit eru á rættari kós aftur. Nú ræður um at sigla leingi og stýra væl. www.eb-streymur.fo: Men við at bjarga brotssparkinum umframt øðrum góðum bjargingum er onki at taka seg aftur í, at René Tórgarð í málinum átti størsta heiðurin fyri, at vit í dag fingu eitt stig. Heimasíðurnar skriva: Ítróttar klumman Tróndur Arge Tróndur Arge Hilmar Jan Hansen Heri Simonsen Jóannes Hansen Uni Holm Johannesen Álvur Haraldsen Pætur Eyð. Jensen Vinnara sms'ið í Triða Hálvleiki: ■ Í morgin eru 51 dagar síðan Kí vann seinast og í ovurmorgin 52 o.s.fr. (KÍ - AB) Besta sms'ið, vinnur eitt atgongumerki til lands­dystin ímillum Føroyar og Eysturríki 15. oktober 2013 Tróndur Arge Pál Joensen megnaði í gjár at vinna sær enn eitt fjórðapláss í altjóða kapping, tá ið hann á Mare Nostrum stevnuni í Canet-en-Roussillon svam 1500 metra frísvimjing uppá 15:19.66, skrivar svimjing. com. Japanski Ayatsugu Hirai vann við tíðini 15:02.51, ukrainski Sergiy Frolov vann silvur við 15:13.58 og franski Anthony Pannier bronsu við 15:16.77. Splitt-tíðirnar benda á at Pál helt fast í taktikkinum at leggja hart út, har japanin so svaraði aftur longu eftir 150 metrum, og hinir so hingu í teimum báðum oddafiskunum. Pannier dróg framum Pál tá ið teir høvdu svomið 550 metrar, og Frolov tá ið teir høvdu svomið umleið 1000 metrar, skrivar svimjing.com at enda. Fjórða pláss til Pál í altjóða kapping NSÍ skuldi vindast í gongd NSÍ mátti bíða heilt fram til fimta umfar áðrenn fyrsti sigurin kom í hús. Men nú teir eru vundnir í gongd – næstan á sama hátt sum í sjálvum dystinum á Eystanstevnu – skulu teir takast í álvara. Fimm umfør á rað uttan ósigur hava ført við sær, at teir hava bestu plaseringina í ár við einum 3. plássi og einans eru eitt stig frá nr. 2.