mánadagur 17. juni 2013síða 36

vika 25 l 17. juni 2013 4 vikutíðindi Nýggi Bónushandilin í Hoyvík er á horninum við Karlamagnusarbreyt og Atlagøtu í Hoyvík. Karla­magnus­ arbreyt er nýggi vegurin niðan frá Hoy­víkar kirkju. Talan er um fyrsta handil í nýggju handils­gøtuni, og hóast tað búgva út við 4.000 fólk í Hoyvík, so er eingin mat­vøru­handil komin har, síðani Føroya Keypsamtøka í sjeytiárunum bygdi høvuðsdeild sína í Hoyvík – sum kanska meira var til havnarfólk. Tá var Hoyvík ein lítil bygd. Tað er SMS, sum eigur og rekur allar Bónushandlarnar. Nýggi Bónus­ handilin í Hoyvík er tann sætti í røðini. 120 fólk starvast í Bónus­ handlu­num kring landið, og í nýggja Bónus­handli­num í Hoyvík er sett 20 fólk í starv. Nýggi handlin er 850 fermetrar, sum er sama stødd, sum handilin í Mið­lon í Havn. Stórt familjutiltak verður á park­ er­ings­plássinum uttan fyri nýggja handilin hjá Bónus uppi við Løg­ manna­breyt leygardagin 6. juli. Høvið er, at nýggi handilin hjá Bónus, sum er tann fyrsti handilin, sum letur upp við Karlamagnusarbreyt, letur upp miku­ dagin eftir, tann 10. juli. Og tað verða stór nøvn, sum fara at framføra. Úr Danmark kemur gitna rock­mamman, Sanne Salemonsen, sum hevur sett sín serliga dám á danska tónleikalívið seinastu næstan 40 árini. Sanne Salomonsen gav út fyrstu plátu­na longu sum 17 ára gomul. Tað var plátan Sanne Salomonsen, sum kom út í 1973. Við á hesi út­gávuni vóru kendir tónleikarar sum trompet­ leikarin Palle Mikkelborg og trummu­ sláarin Kasper Winding. Hon varð kend fyri eitt nú týðingina hjá Sebas­ tian av »Killing Me Softly« hjá Roberta Falck, sum bleiv til »Søgte mit indre«. – Tiltakið uttan fyri Bónus er al­ ment, men tað er fyrst og fremst fyri hoyvíkingar, sum fáa nýggjan handil, men øll eru sjálvandi hjartaliga væl­ kom­in, sigur Ingibjørg Jacobsen, sam­ skipari. Umframt gitnu Sanne Salomonsen, so verða eisini aðrir kendir tónleikarar úr Føroyum, so sum Jens Marni Han­sen, Hallur Joensen og Signar í Homrum. Eisini verður bólkurin Flamma, sum er fyrrverandi Diva. Til børnini verður eisini Trøllapætur og klovnurin Bubu. Í sambandi við at Bónus letur upp nýggja handil í Hoyvík er eisini avtala gjørt við hondbóltsfelagið H71 í Hoy­vík um, at Bónus verður nýggjur høvuðs­stuðul hjá felagnum. Sanne Salomonsen konsert í Hoyvík Tað verður eitt ordans brak, tá Bónus letur upp nýggja handil í Hoyvík í næsta mánaði. Kenda danska rockmamman Sanne Salomonsen verður høvuðsnavn á familjutiltaki 6. juli Bónus letur upp í Hoyvík 10. juli Sanne Salomonsen framførdi eisini til 35 ára tiltaki hjá SMS í vetur. Hon verður aftur við, nú nýggjur Bónushandil letur upp í Hoyvík