mánadagur 17. juni 2013síða 48

16 Summarkappingin Vikukapping vika 25 l 17. juni 2013 Vilmund Jacobsen Atlantic Airways flýgur tríggjar ferðir um vikuna til Íslands. Flogið verður mánadag, mikudag og fríggjadag. Ísland er eitt ógvuliga áhugavert ferðamannaland við nógvum forvitnisligum - kendum og minni kendum - møguleikum. Allan Skaalum, sølu-og marknaðarleiðari hjá Atlantic Airways, vísir á, at nógvir føroyingar hava familju, vinir og kenningar í Ís­ landi. - Sum tað forvitnisliga og stórbæra landið, sum Ísland er, kann tað vera trupult at fáa nakað at búgva í, um fólk eru í seinna lagi at bíleggja sær ferð og innivist, tí ferðafólkatalið er sera stórt í Íslandi á hásumri. Ein møguleiki er tá at gista hjá kenningum í Íslandi. Hann vísir á, at Atlantic Airways hevur nakrar góðar ferða­ seðlaprísir á rutuni til Íslands síðst í hesum mánaðinum. - Fólk eru vælkomin at spyrja seg fyri hjá okkum um prísir og ferðamøguleikar í Íslandi. Allan Skaalum sigur, at føroyskar ferðaskrivstovur, sum tey sam­starva við, eisini hava nógvar møguleikar at bjóða í Íslandi. Vestur um hav Møguleikarnir eru nógvir - eisini hjá ferðandi, sum vilja úr Íslandi og víðari til USA. - Flúgvingin er løgd soleiðis til rættis, at til ber at knýta ferðir úr Keflavík við Iceland Air til fleiri áhugaverd støð í USA. Sølu-og marknaðarleiðarin vísir á, at í fleiri førum ber til at sleppa víðari til fleiri støð í USA sama dag, sum tú kemur til Íslands, eins og til ber eisini koma heimaftur úr Íslandi sama dag, sum tú kemur aftur av amerikanska meginlandinum. - Góðu ferðamøguleikarnir millum londini, har ferðandi kunnu flúgva uttan at gista nátt í Íslandi, gera eisini ferðina tað bíligari, sum uppihaldið í Íslandi annars vildi kostað. USA áhugavert Allan Skaalum vísir á, at tað er eitt sindur ymiskt, hvar føroyingar velja at fara, tá farið verður vestur um hav og víðari til USA. - New York er altíð er ein áhugaverdur og forvitnisligur býur, og onnur velja at fara til Florida at síggja frítíðarparkirnar hjá Disney World. Ferðir til Disney World eru altíð eitt stórt upplivilsi hjá familjum við børnum, sigur sølu-og marknaðarleiðarin hjá Atlantic Airways. Nógvir møguleikar í Íslandi og á ferðini vestur um hav – Við sínum stórbæri og nógvu møguleikum er Ísland eitt ógvuliga áhugavert ferðamannaland, eins og góðir møguleikar eru at halda leiðina fram úr Keflavík og vestur um hav til USA, sigur Allan Skaalum, sølu-og marknaðarleiðari hjá Atlantic Airways New York er ein spennandi og forvitnisligur býur, sum avgjørt er eina vitjan verdur Við sínum stórbæri hevur Ísland ein hóp at bjóða sum ferðamannaland