mánadagur 17. juni 2013síða 52

20 Summarkappingin Vikukapping vika 25 l 17. juni 2013 Stórsligið og spennandi Ísland Ísland kann bjóða alt frá stórari náttúru, søguligum støðum til spennandi býarlív við matstovum, mentan og náttarlívi. Her er nakað av tí, sum tú kundi vitjað ella upplivað í Íslandi Harpan Eitt monument fyri Ísland og íslendsku tjóðina. Virðislønta mentanarhúsið, sum liggur mitt í Reykjavík, er í heimsflokki - bæði tá ið tað snýr seg um arkitektur og innihald. Í Harpuni ber til at uppliva stórar og spennandi konsertir, framsýningar og mangt annað. Húsið er opið allan dagin, og tað ber altíð til at leita inn á gólvið og njóta ein kaffikopp ella ganga eitt sindur runt í húsunum. Bláa Lónið Nærindis Grindavík – einar 50 kilometrar uttan fyri Reykjavík – liggur heimskenda Bláa Lónið. Heita vatnið, sum liggur í flottum náttúruumhvørvi, er eitt av mest vitjaðu støðunum í Reykjavík, og tað er ikki so løgið. Tað er ein fantastisk kensla at liggja og flóta í Bláa Lónið, njóta friðin, og bara slappa av. Eitt mást at vitja, um tú ert á Reykjavíkarleiðini. Geysir Í Haukdali, sum liggur í útsynnings­ parti­num av Ísland, er heimsins elsta virkna goskelda. Geysir er hugtakandi at uppliva, tá ið tað sprænir vatn 10 metrar upp í luftina nakrar ferðir um dagin. Alt økið rundan um Geysir er geotermiskt aktivt, og til ber eisini at uppliva eitt nú goskelduna Strokkur, sum hevur eina 20 metrar høga vatnsúlu, tá ið hon goysir. Gullfossur Hvítá byrjar í Hvítávatninum í Lángjøkul og einar 40 kilometrar longur suðri er kendasti fossur í Íslandi – Gullfossur. Vatnfallið er stórt og hugtakandi, og tað er ein sterk kensla at standa við fossin og uppliva stóru náttúrukreftirnar. Heimið hjá Laxness Halldór Laxness vann í 1995 Nobel heiðurslønina fyri bókmentir. Rit­ høvund­in, sum er kendur um allan heim, hevur skrivað verk sum Salka Valka og Íslandsklokkan. Í Mosfellsbær er heimið og arbeiðs­pláss­ið hjá Laxness, og nú ber til at vitja í heiminum, ið er gjørt til savn fyri lívið og virkið hjá Laxenss. Húsini hjá Laxness ligg­ja í náttúruvøkrum øki, og tað ber eisini til at fara á gongutúr ella á hestbaki í økinu Sushi Samba Ein av best umtóktu matstovunum í Reykjavík er Sushi Samba, sum liggur mitt í býnum. Matstovan bjóðar eitt bland av japanskum og brasilskum mati, og tað er blivið so væl umtókt, at tú skalt bíleggja tær borð í góðari tíð, um tú ætlar tær at uppliva teirra væl smakkandi bitar og rættir. Tingvøllir Í árinum 930 savnaðust íslendingar fyri fyrstu ferð á Tingvøllum fyri at samtykkja nýggjar lógir og loysa trætumál. Tingvøllir vóru savningarstað heilt fram til 1798, og Altingið hevði sítt høvuðssæti á Tingvøllum. Nú ber til at vitja staðið, kenna farnar tíðir og fáa vitan um søguna á staðnum. Hvalasavn Í Húsvík hava tey gjørt eitt hvalasavn, har tað ber til at fáa vitan um hvalir og eisini síggja eitt nú beinagrindir av hvali. Um summarið ber eisini til at fara á hvalatúrar úr Húsavík.