týsdagur 18. juni 2013síða 4

Mikudagur 19. juni 2013 · Nr. 69 4 Sosialurin Hugskot og viðmerkingar – send sms til 225000 tíðindi Áki Bertholdsen Øll í Føroyum skuldu býtt grind sum suðuroyingar gera. Tað heldur Ólavur Sjúrð­ar­berg, formaður í Grinda­man­na­felagnum. Hann heldur at tíðin er farin frá at hava drápspartar og tí heldur hann, at tað rætta hevði verið, at øll grinda­ økini ístaðin fóru at býta í heimapartar, akkurát, sum tey gera í Suðuroy. Í Suðuroy er skipanin tann, at tá ið nakað er farið burtur­av til sýslumann, grinda­for­menn, merkjarar, vakta­r­menn og onnur, sum hjál­pa til, verður grindin býtt ímill­um øll fólk í oynni, har øll, heilt frá reivabarninum til oldingin, fáa javntstóran part. Eitt stórt grindaøki Í Grindamannafelagnum hava tey av og á umrøtt spurn­ing­in um grindabýtið, men felagið er ikki komið til nakra niðurstøðu. Men sjálvur vísir Ólavur Sjúrð­ar­berg á, at norðanfyri Skopunar­fjørð eru allar Før­ oy­ar í verukeikanum eitt grinda­øki. - Í veruleikanum er støðan tann, at er grind einastaðni, koma grindamenn allastaðni frá, bæði í rakstur og í drápið og teir fáa so eisini drápspart. - Samferðslan er so góð í dag, og bátarnir sigla skjótt, at er grind einastaðni, er ein lítil løta hjá grindamonnum í øðrum pørtum í landinum at fara í grind og sostatt fáa dráps­part. Hann staðfestir eisini, at tað er ein ávís misnøgd við, at tað mangan er so lítið til heima­partar av tí at dráps­ part­ar­nir fara við so nógvum. - Teir skulu vera hjartaliga væl­kom­nir í grind, men eg haldi av álvara, at vit áttu at endur­skoða grindabýtið so at allar Føroyar fara at býta eftir suðuroyarmodellinum, sig­ur Ólavur Sjúrðarberg. - Hetta er ein spurningur, vit áttu at kanna gjølligari, leggur hann afturat. Lættari at fyriskipa Hann heldur, at ein fyri­mun­ ur við býtinum í Suðuroy er, at tað hevði gjørt tað nógv lættari at skipa raksturin og drápið. - Tá ið drápspartar ikki verða lætnir, er heldur einki, sum eggjar monnum at flota hvørja fjøl, hvørja ferð grind er, við teirri avleiðing, at tað mang­an eru alt ov nógvir bátar í rakstrinum. Ólavur Sjúrðarberg sigur, at tað hevur víst seg, at einir 10 bátar eru væl førir fyri at reka eina grind, so tað er eing­in orsøk at hava 50- 100 bátar uppií. - Tað letur seg væl gera at reka grind í Suðuroy, hóast dráps­partar ikki verða lætnir sum so, og eg ivist ikki í, at tað eisini hevði latið seg gjørt norðan­fjørðs, sigur hann. Grind er ikki góðkend Johan Joensen, høvuðs­ kokkur á matstovuni, Áar­ stovu, í Havn, er sam­d­ur við formannin í Grinda­ mann­felag­num, tá ið hann harmast um, at tað ikki ber til at fáa grind á før­oysk­um matstovum. Men trupulleikin við grind er tann sami, sum við so nógvum øðrum før­ oysk­um matvørum. Og tað er, at grindin er ikki slaktað á góðkendum slátur­virkið. - Tískil er ikki góð­kent, at matstovur borð­reiða við grind, sigur høvuðs­ kokk­urin á Áarstovu. Hann heldur annars, at hetta er ein sera áhuga­ verd­ur spurningur, tí tað skort­ar ikki upp á áhuga hjá ferðafólki at royna grind. - Vit fáa javnan fyri­ spurn­ingar frá ferðafólki alla møguliga staðni frá, sum vilja sleppa at smakka grind, men vit fáa tí­v­erri ikki sagt teimum ann­að, enn at tað er ikki góð­tik­ið. Hann leggur afturat, at ferða­fólk eru so áhugað at smakka grind, at tá ið tey fáa at vita, at vit ikki kunnu borðreiða við grind, spyrja tey ístaðin um vit vita onkran, sum kann selja teimum ein bita, so at tey fáa ein smakk. Áki Bertholdsen Matstovurnar í Føroyum eiga at borðreiða við grind fyri gestunum. Tað hevur Ólavur Sjúrð­ ar­berg, formaður í Grinda­ man­na­felagnum. Hann vísir á, at í Íslandi eru tað fleiri matstovur, sum hava tvøst á matarskránni. - Tað er eitt sindur skeivt, at hotellini í Føroyum ikki eisi­ni kunnu borðreiða við grind, sigur hann. Ólavur Sjúrðarberg sig­ ur, at hann fær óteljandi fyri­spurn­ing­ar frá fremm­ and­um ferða­fólki, sum vilja hava ein smakk av grind, men tað letur seg ikki gera uttan frá privatfólki. - Eg fái javnan og savn­an fyrispurningar frá út­lend­ ing­um, sum spyrja, hvar tað ber til at fáa ein hvalabúff. Tá ið tú fer til eitt fremm­ ant land, er tað ein partur av upp­livilsi­num at eta tann stað­bundna matin. Men tað ber ikki til í Før­ oy­um Tora ikki Sjálvur hevur hann ongum út­lendingi møtt, sum ikki hevði verið áhugaður í at fing­ið eitt smakk av grind. Og Ólavur Sjúrðarberg held­ur, at mesta orsøkin til tað er, at vit tora ikki at trað­ka útlendingar á tærnar við at borðreiða við grind. - Av berum bangilsi, lata vit okkum trumfa av nøkr­ um fáum, sonevndum um­ hvørvis­verndarfólkum. Hetta heldur Ólavur Sjúrð­ar­berg vera púra skeivt. - Vit eiga at vera stolt av før­oyingar og av tí náttúru­ til­feingi, vit eiga. Formaðurin í grinda­ manna­felagnum staðfestir, at tá ið vit tvíhalda um okkara rætt at gagnnýta okkara egna tilfeingi, eiga vit eisini at tora at vísa tað fram fyri almenninginum, ístað­in fyri at krógva tað burt­ur. Matstovur eiga at borðreiða við grind GRIND Vit mugu tora at vísa fremmandafólki, at vit eta grind, sigur formaðurin í Grindamannafelagnum Allar Føroyar skuldu býtt grind sum suðuroyingar GRINDADRÁP Vit eiga øll at fara burtur frá at hava drápspartar í grind og ístaðin skulu vit býta í heimapartar, sigur Ólavur Sjúrðarberg, formaður í grindamannafelagnum Grindabýti Vit eiga at umhugsa at brúka suðuroyarmodellið allastaðni í landinum, sigur Ólavur Sjúrðar­ berg, formaður í Grinda­ manna­felagnum