mánadagur 24. juni 2013síða 50

vika 26 l 24. juni 2013 Ókeypis lýsingarblað 14 vikutíðindi Billund er frálík lopfjøl víðari út í heim Fráferðirnar úr Vágum til Danmark eru munandi øktar summarmánaðirnar, og hóast Keypmannahavn er høvuðsdestinatiónin, er Billund eitt frálíkt alternativ, serliga um ein ætlar sær víðari út í heim Leo Poulsen Summar merkir økt flogferðsla hjá Atlantic Airways, ikki minst upp á Danmark - Summarmánaðirnar flúgva vit tríggjar ferðir um dagin til Kastrup og hvønn dag til Billund. Haraftrat kemur so rutan til Aalborg, har vit flúgva fleiri ferðir um vikuna, sigur Allan Skaalum, sølu- og marknaðarleiðari á Atlantic Airways. Rutan til Kastrup er høvuðs­ destinatiónin hjá Atlantic Airways. – Har er rættiliga stórur beleg­ ningur. Eg hugsi, at føroyingar kenna Keypmannahavn og kenna seg tryggar í Kastrup. Hartil kemur so, at tað er rímiliga lætt at finna runt í danska høvuðsstaðnum, sigur Allan Skaa­l­ um. Tok- og metrosambandið er rætti­ liga gott í Keypmannahavn, og tí er rættiliga lætt at koma runt í býnum. - Eisini eru bæði nógv og kend ferðamál í danska høvuðsstaðnum, har kanska Tivoli og Zoologiskur Havi eru tvey tey kendastu. Men nú hevur Keypmannahavn eisini fingið eitt risa akvarium við 20.000 fiskum, sum boltra sær í sjey milliónum litrum, sigur Allan Skaalum. Haraftrat koma so øll tey vanligu ferðamálini so sum Strøget, Runde­ tårn, Nyhavn og so víðari. - Keypmannahavn hevur sjálvandi óteljandi gistingarmøguleikar, bæði til tey, har størsti týdningurin er at fáa ein kodda at leggja høvdið á, og hjá teimum, ið seta størri krøv til komfort, sigur Allan Skaalum. Lopfjøl Føroyingar brúka eisini meira og meira Billund, sum eina destinatión. – Føroyingar seta Billund í samband við Legoland og Lalandia, og tað er í sjálvum sær ein góð grund til at velja Billund sum destinatión. Men vit skulu heldur ikki gloyma, at Billund er eitt frálíkt knútapunkt víðari út í heim, sigur Allan Skaalum. Atlantic Airways letur flogfør til Atlantis Rejser, sum ger leiguferðir til fleiri destinatiónir í Europa. - Hetta felagið skipar eitt nú fyri ferðum til tvær destinatiónir í Egyp­ talandi, Sharm-el-sheik og Hur­gada, so velja føroyingar eina slíka ferð, kunnu teir lættliga enda umborð á einum av flogførunum hjá Atlantic Airways, sigur Allan Skaalum. Tað var í fjør, at Airbus 319A flogfarið hjá Atlantic Airways fekk skaða, og tí var neyðugt at leiga flogfør frá øðrum felagi, Jet-Time, sum fleyg fyri Atlantis Rejser. Flog­ farið og serliga føroysku starvsfólkini vórðu so væl dámd, at Atlantic Airways um stutta tíð yvirtekur nýggjan leigusáttmála við Atlantis Rejser, sum aftur opnar fyri nýggjum ferðum til nýggjar destinatiónir. - Óhappið í fjør við Airbus 319A flogfarinum kom óhepna stund, tí júst tá skuldu vit lata eitt av gomlu Aerospace flogførunum til Kili. Tað mátti so útsetast, og annað flogfar mátti leigast fyri Airbussin, sigur Allan Skaalum. Bilaleiga Inni á heimasíðuni hjá Atlantic Air­ ways ber til at síggja, hvørjar tænastur, flogfelagið kann bjóða sínum kundum. - Eitt tað hentasta vit kunnu bjóða teimum, ið ætla sær at leiga bil uttanlands, er ein skipan, ið nevnist CarTraveler. Inni á henni ber til at síggja, hvar bíligasti bilurin er at fáa. Skipanin skannar allar tær kendu bilaútleigingarfyritøkurnar, so sum Hertz ella Avis, og tað kann saktst lata seg gera, at fáa bilin bíligari gjøgnum CarTraveler, enn beinleiðis hjá bilaútleigingarfyritøkuni, sigur Allan Skaalum. Tað kann saktans lata seg gera við fyrimuni at flúgva til Billund ella Keypmannahavnar, og so leiga bil einar fjúrtan dagar og koyra suður­ eftir. – Tað er sjálvandi tað sama gald­ andi, um fólk velja at flúgva til Aalborg. Størsti jútski býurin liggur væl fyri í Norðurjútlandi, har stutt er til stóra føroyska býin, Hirtshals. Aalborg liggur eisini nærhendis fleiri summarhús økjum fram við norður­ jútsku strondini í Jammerbuktini, sigur Allan Skaalum. Tað ber eisini saktans til at vitja tiltikna summarbýin, Skagen, og spáka ein túr út á Grenen. Og tað gongur væl hjá flogfelagnum. - Árið í ár sær sum heild gott út, og vit hava selt munandi fleiri ferðir í ár í mun til í fjør, sigur Allan Skaalum.