mánadagur 24. juni 2013síða 62

vika 26 l 24. juni 2013 Ókeypis lýsingarblað 26 Suðuroy Vikutema Porkeri eigur eitt fyrimyndar- ligt bygdarhús Í Porkeri hava tey fingið eitt sera snotuligt bygdarhús - húsið við Á - sum er sett í besta stand og er karmur um ymisk tiltøk í bygdini Vilmund Jacobsen Í bygdarhúsinum, sum er í tveimum hæddum, er góður ídnaðarkøkur, og her er wc og brúsa, ið eisini er at­ komilig í rullustóli. Upprunaliga var bygningurin ein møblasøla, har møblar eisini vórðu polstraðir. Góðir karmar Mikkjal Sørensen, borgarstjóri í Por­ keris kommunu, sum hevur 320 íbúgvar, sigur, at ætlanin við húsinum er, at tað skal verða karmur um ymisk tiltøk, bæði til ung og eldri. – Her hevur ymiskt verið á skránni, sum bygdarfólkið hevur skipað fyri, og húsið hevur eisini verið útleigað til bólkar, sum eru komnir til bygdar, eins og húsið hevur verið útleigað til ymiskt fundarvirksemi. Mikkjal sigur, at annan hvønn leyg­ armorgun hevur verið skipað fyri felags morgunmati, har alt bygdar­ fólkið hevur havt høvi at koma. Hetta tiltak hevur verið væl vitjað. - Tað er ikki soleiðis, at kommunan hevur lagt út fyri morgunmatin. Tað hava fólk, sum komin eru á gátt hesar morgnar, gjørt sjálvi. Hetta tiltak hevur verið sera hugnaligt, har bæði ung og eldri hava skift orð um mangt og hvat. Borgarstjórin sigur, at kvinnur í bygdini eisini hava skipað fyri tiltøkum í bygdarhúsinum. – Vit hava eina nevnd, sum er mannað við bæði ungum, miðal­ aldrandi og eldri, ið skal taka sær av tiltøkum í húsinum, men kanska er henda nevnd í so stór. Eg vænti, at vit til heystar fara at hyggja upp á, um nevndin kanska skal umskipast nak­ að. Mikkjal Sørensen sigur, at sjálvur raksturin av húsinum liggur uttanfyri kommununa. – Her eru óteljandi møguleikar. Umframt at vit í Porkeri brúka húsið sjálvi, kann bygdarhúsið eisini leigast út til ymiskt fundarvirksemi, føðingar­ dagar, veitslur og bólkar. Byggiøki tøk Fólkatalið í Porkeri hevur sum í so nógvum øðrum smærri kommunum verið minkandi í fleiri ár, og í dag búgva helst eini 100 fólk færri í bygdini enn fyri 25 árum síðan. – Vit hava byggiøkir tøk á tveimum ymiskum støðum í kommununi. Talan er helst um eini 15 grundøki tilsamans. Vit hava selt hesi fyri 80.000 krónur - alt eftir stødd, og tá er vegur til økið, gøtuljós, kloakk og íbindingargjøld annars íroknað prísinum. Borgarstjórin sigur, at eini sethús standa í gerð í Porkeri í løtuni. Í Porkeri eru umleið 25 skúla­næm­ ingar úr 1. upp í 7. flokk. Tá barnaskúlin er liðugur, fara næmingarnir í fram­ haldsskúla í Vági. Mikkjal Sørensen sigur, at Porkeris kommuna eisini hevur hækkað barna­ frádráttin úr 5.500 krónum upp í 6.000 krónur fyri hvørt barnið. Porkeri eigur eitt sera snotuligt bygdarhús við óteljandi møguleikum, bæði hjá bygdarfólkinum sjálvum og øðrum, ið vilja brúka húsið Mynd: Vilmund Jacobsen Mikkjal Sørensen er borgarstjóri í Porkeris kommunu Mynd: Vilmund Jacobsen Nógvir møguleikar við Thorshavn Frítíðarskipið Thorshavn, sum hevur heimstað á Tvøroyri, er vorðið virkið í ferðavinnuhøpi og bjóðar ferðafólki nógvar ymiskar túrar og upplivingar í summar Vilmund Jacobsen Tað er Kunningarstovan á Tvøroyri, ið tekur sær av tilmeldingum og kunning um ferðir, sum Thorshavn ger. Skipið ger ymiskar túrar, eitt nú út í Stóru Dímun, og siglt verður eisini tætt fram við landi vestanfyri Suðuroynna, eins og skipað verður fyri ymiskum øðrum áhugaverdum túrum eisini. Sum ferðafólk við Thorshavn sært tú nátturu, ið tú gjarna ikki hevur sæð áður, og umborð verður borðreitt við mati og drekka. Túrarnir eru lagdir soleiðis til rættis, at eisini ber til hjá ferðafólki norðanfjørðs at koma suður og sleppa heimaftur sama dag. Umframt at Kunningarstovan á Tvøroyri veit at siga um ferðaætlanina hjá Thorshavn í summar, ber eisini til hjá fólki at hyggja inn á facebook-profilin MS Thorshavn og síggja, hvørjir túrar og møguleikar eru í boði við hesum snotuliga skipi. Í útboðnum hjá MS Thorshavn eru eisini fiskitúrar og grilltúrar. Thorshavn bjóðar ferðafólki áhugaverdar upplivingar, eins og matur og drekka eisini fæst umborð á skipinum Mynd: Bjarni Nygaard